Daha 94 laçınlı yurduna döndü
Tariximizin ən
şanlı səhifələrindən
olan 44 günlük Vətən müharibəsindən
sonra Azərbaycanın
beynəlxalq səviyyədə
tanınmış ərazi
bütövlüyü və
suverenliyi bərpa edilib.
Müzəffər Ali
Baş Komandan İlham Əliyevin rəhbərliyi ilə rəşadətli Azərbaycan
Ordusunun qazandığı
Zəfər nəticəsində
məcburi köçkünlərin
30 illik nisgilinə son qoyulur, onlar
tədricən öz doğma el-obalarına könüllü şəkildə
geri dönürlər.
Noyabrın 16-da Laçın
rayonunun yenidən salınan Zabux kəndinə Abşeron rayonunda, Bakı və Sumqayıt şəhərləri ərazisində
yataqxana, sanatoriya, pioner düşərgəsi,
yarımçıq tikililər
və inzibati binalarda müvəqqəti
məskunlaşmış ailələrdən
ibarət növbəti,
ikinci köç karvanı yola salınıb.
140 minə yaxın
keçmiş məcburi
köçkün Qarabağ
və Şərqi Zəngəzura qayıdacaq
İşğaldan azad
olunmuş ərazilərə
Böyük qayıdış
Prezident İlham Əliyevin imzaladığı
"Azərbaycan 2030: sosial-iqtisadi
inkişafa dair Milli Prioritetlər" sənədində əks
olunan 5 ümummilli məqsədlərdən biridir.
Milli Prioritetlərin həyata keçirilməsini
təmin etmək məqsədilə dövlət
proqramının icrası
mərhələli şəkildə
həyata keçirilir.
Qaçqınların və Məcburi Köçkünlərin İşləri
üzrə Dövlət
Komitəsinin sədr müavini Fuad Hüseynov BMT-nin İnsan Hüquqları Şurasının Universal Dövri
İcmal (UDİ) üzrə
İşçi Qrupunun
44-cü sessiyasında çıxışı
zamanı Azərbaycan
hökumətinin səyləri
sayəsində Ermənistanın
30 illik hərbi işğalında vandalizmlə
üzləşmiş ərazilərə
Böyük qayıdış
proqramının icrası
çərçivəsində artıq 3000 mindən çox keçmiş məcburi köçkünün
doğma torpaqlarına
qayıtdığını bildirib. F.Hüseynov diqqətə çatdırıb
ki, qarşıdakı
illərdə Şuşa
şəhəri də
daxil olmaqla, ümumilikdə 100-ə yaxın
yaşayış məntəqəsini
- 8 şəhər, 8 qəsəbə
və 84 kəndi əhatə edən mənzil tikintisi layihələrinin genişmiqyaslı
icrası nəzərdə
tutulur.
F.Hüseynov qeyd
edib ki, yaxın üç ildə Azərbaycan hökuməti işğaldan
azad edilmiş torpaqların yenidən qurulması, müasir evlərin tikintisi və iqtisadiyyatın bərpası sürətlə
davam etdirilməklə
140 minə yaxın məcburi köçkünü
Qarabağ və Şərqi Zəngəzurdakı
öz evlərinə köçürməyi planlaşdırır.
Bu iqtisadi rayonların dirçəldilməsi
ilə yanaşı, əhalinin daim köçürülməsi və
layihələrin həyata
keçirilməsi həmin
ərazilərin ən
inkişaf edən və firavan regiona çevrilməsinə
şərait yaradır.
Sağlam, müasir
və abad yaşayış mühiti
Zabuxa ilk köç karvanı avqustun 25-də həyata keçirilmişdi. Tərtər,
Bərdə, Qax və Lənkəran rayonlarında məskunlaşan
5 ailə (23 nəfər)
- Tərtər rayonundan
2 ailə (10 nəfər),
Bərdə rayonundan
1 ailə (5 nəfər),
Qax rayonundan 1 ailə (4 nəfər), Lənkərandan 1 ailə
(4 nəfər) müvəqqəti
məskunlaşdıqları ərazilərdən yola salınaraq Horadiz şəhərində köç
karvanına qoşulublar.
Bu mərhələdə
Zabux kəndinə daha 25 ailə - 94 nəfər köçürülüb.
Köç karvanları
Şərqi Zəngəzur
iqtisadi rayonuna daxil olan Laçın
rayonunda Azərbaycan Respublikası Prezidentinin xüsusi nümayəndəliyinin
və "Bakı Abadlıq Xidməti"
MMC-nin nümayəndələri
tərəfindən qarşılanaraq
yaşayış sahələrinə
yerləşdiriliblər. Bununla
da Zabux kəndində 46 ailənin,
yəni 188 nəfərin
daimi məskunlaşması
təmin edilib. Ümumi sahəsi 81 hektar olan Zabux
kəndinə ümumilikdə
245 ailənin köçürülməsi
nəzərdə tutulub.
Kənd sakinlərinin
rahatlığı və
məşğulluğu nəzərə
alınaraq burada bir sıra infrastruktur
binalarının da inşası həyata keçirilib. Kənddə
50 yerlik uşaq bağçası, inzibati
bina, tibb məntəqəsi də inşa olunub. Zabuxda evlərin, sosial obyektlərin və küçələrin
işıqlandırılmasında "yaşıl enerji"dən
istifadə edilir.
Azad edilmiş torpaqlarımızda keçmiş
məcburi köçkünlərin
dayanıqlı məskunlaşmasının
tam təmin edilməsi, ərazilərdə
sağlam, müasir və abad yaşayış
mühitinin yaradılması
üçün müvafiq
addımlar atılır.
Dövlət başçısının
tapşırıqlarına uyğun olaraq, bütün işlər ən yüksək səviyyədə yerinə
yetirilir.
İşğaldan azad
edilmiş ərazilərə
köç prosesi mərhələli şəkildə
reallaşdırılır. İndiyədək 175 ailə
(871 nəfər) Zəngilan
rayonunun Ağalı kəndinə, 20 ailə
(90 nəfər) Tərtər
rayonunun Talış kəndinə, 325 ailə
(1245 nəfər) Laçın
şəhərinə, 258 ailə
(928 nəfər) Füzuli
şəhərinə, 46 ailə
(188 nəfər) Laçın
rayonunun Zabux kəndinə köçürülüb.
Bugünədək 3322 keçmiş
məcburi köçkün
doğma yurduna qovuşub.
Ülkər XASPOLADOVA,
Azərbaycan.-2023.-
17 noyabr, № 250. - S.8.