ABŞ-nin vədlərində deyil, Cənubi Qafqazda sülhün təmin olunmasındadır
Uzaqdan yol göstərmək də,
canıyananlıq etmək
də asandır. Bütün bunlar, yalnız öz mənafeyinə xidmət edəndə isə həm də riyakarlıq olur. Bu gün Ermənistana
"canıyananlıq" göstərən bəzi
Qərb ölkələrinin
də əsl mövqeyi, niyyəti budur. Əsrlər boyu xislətində məkr, niyyətində işğalçılıq olmuş
bir ölkəni - Ermənistanı öz təsirləri altında saxlamaqla Qərb və ABŞ Cənubi Qafqazda sülhün bərqərar olmasına yol vermək istəmirlər.
Əlbəttə, bəzi
Qərb ölkələrinin
bu "canfəşanlığında"
erməni diasporunun rolunu və gücünü görməmək
mümkünsüzdür. Ancaq
bu məsələlərdə
həmin ölkələrin
öz mənfəətlərini
güddükləri də
ortadadır.
Görünür, güclü
əllər başını
oxşadıqca xumarlanan,
gözləri tutulub gələcəyini görməyən
İrəvan rəsmiləri
özlərini necə
bəlaya saldıqlarının
fərqində deyillər.
Əvvəla, "böyük
Ermənistan" xülyasının
boş olduğunu, özgə torpaqlarına göz dikməyin ağır və acı nəticələr
verdiyini, Qarabağda, Şərqi Zəngəzurda
aldıqları ibrət
dərslərini unutmamalıdırlar.
İkincisi, əmin olmalıdırlar ki, Cənubi Qafqazı onların əlləri ilə münaqişə ocağına çevirmək
istəyənlər məqsədlərinə
çatarlarsa, həmin
ocağın alovunda yanan elə Ermənistan olacaq.
Cənubi Qafqazın
problemlərini region ölkələri, ilk növbədə, özləri
həll etməlidirlər.
Regiondan kənar, xüsusilə bu yerlərə tamamilə yad olan, həm
də tarix boyu yalnız müstəmləkəçilik siyasəti yürüdən,
əsarət altında
saxladığı, yeraltı,
yerüstü sərvətlərini
taladığı ölkələrin
zavallı xalqlarına
dəhşətli işgəncələr
verməkdən, onları
qətlə yetirməkdən
çəkinməyən ermənipərəst
Qərb ölkələrinin
əsl simaları bəllidir. Onların Cənubi Qafqaz regionuna aid məsələlərə
zərərli müdaxilələri
bölgənin heç
bir ölkəsinə
xeyir gətirməz.
Prezident İlham
Əliyev Cənubi Qafqaz regionunda artıq yeni reallıqlar yarandığını
noyabrın 13-də ATƏT Parlament Assambleyasının
prezidenti Pia Kaumanı qəbul edərkən qeyd etdi. Dövlət başçısı bildirdi
ki, regionda baş vermiş son hadisələr Ermənistanın Azərbaycana
qarşı 30 ilə
yaxın davam etmiş işğalı və hərbi təcavüzü kontekstində
nəzərdən keçirilməlidir:
"Bu işğal və təcavüzün nəticələrinə baxılmadan
regionun gələcəyi
ilə bağlı baxışların irəli
sürülməsi düzgün
yanaşma olmaz". Prezident İlham Əliyevin bildirdiyi kimi, Ermənistan Azərbaycan torpaqlarının
işğalını əbədiləşdirməyə
çalışırdı. 2020-ci ildə baş verən 44 günlük müharibədə Müzəffər
Azərbaycan Ordusu Ernənistan silahlı qüvvələrini məğlubiyyətə
uğradaraq bu məkrli erməni niyyətini puç etdi.
Lakin Ermənistan
Vətən müharibəsindən
sonra imzalanan 2020-ci il 10 noyabr Bəyanatından
irəli gələn öhdəlikləri yerinə
yetirmədi. Qarabağdakı
silahlı qüvvələrini
ərazidən çıxarmadı.
Həmin ərazilərimizdə
təxribatlar törətməkdə,
mina terroru həyata keçirməkdə
davam etdi. Bu il 19-20 sentyabrda
aparılan lokal xarakterli antiterror əməliyyatının məqsədi
Azərbaycanın suverenliyini
tam bərpa etmək idi. Və Azərbaycan məqsədinə nail oldu. Prezident İlham Əliyevin qeyd etdiyi kimi,
artıq bu məsələlər keçmişdə
qaldı: "Hazırda
regionun sülh gündəliyi üçün
çox yaxşı imkanlar var".
Birtərəfli, qərəzli
və açıq-aşkar
anti-Azərbaycan təşəbbüsləri
irəli sürən Qərb ölkələri
Azərbaycanla Ermənistan
arasında münasibətin
normallaşmasından narahatdırlar.
Bu səbəbdən həmin ölkələrin
sırasında öndə
dayanan Fransa Ermənistana kütləvi
şəkildə silah
və texnika tədarükünün başlanmasını
elan etdi. Bu günlərdə çoxlu sayda "Bastion" çoxməqsədli
zirehli avtomobilləri və onlara məxsus avadanlıqları
Ermənistana göndərdi.
Beynəlxalq münasibətlərdə
Qərbin siyasi dairələrinin mövqeyi
çoxdan bəllidir.
İkili standartlardan əl çəkməyən
Qərb Azərbaycanla
bağlı əsl həqiqətləri bilərək
ifadə etmədiyini uzun illərdi göstərir. Azərbaycan
torpaqları işğal
altında qaldığı
müddətdə Birləşmiş
Millətlər Təşkilatları
(BMT) tərəfindən qəbul
olunan Ermənistan qoşunlarının Azərbaycan
ərazilərindən çıxarılmasını
tələb edən 4
qətnamənin icra olunmamasına Qərbin siyasi mərkəzləri etirazlarını bildirmədilər,
əksinə, ikili standartlardan çıxış
etdilər.
Qərbin siyasi
dairələri məkrli
niyyətləri naminə
bütün dünyada
sülhün yaranmasına
imkan vermirlər. Riyakarlıqları, beynəlxalq
hüquqa zidd fəaliyyətləri ilə
fitnə-fəsad törədirlər.
Nəticədə, günahsız
insanların evlərinə
od düşür, onlar yersiz-yurdsuz, səfil, sərgərdan qalırlar. Təəssüf
ki, bu gün
də dünyanın harasında müharibə,
kütləvi qırğınlar
baş verirsə, orada baiskarın Qərbin qərəzli siyasi dairələrinin olduğu məlum olur. Öz sərhədləri
daxilində sabitliyi bərqərar, vətəndaşlarının
əmin-amanlığını, rifahını təmin edə bilməyən Qərb dövlətləri
beynəlxalq aləmdə
demokratiyadan ağızdolusu
danışır, hətta
başqalarının yerinə
qərar qəbul etmək, hökm vermək istəyirlər.
Həm də, qeyd etdiyimiz kimi, öz niyyətlərinə,
məqsədlərinə uyğun
olaraq. Acı nəticələr isə
göz önündədir.
Yaxın Şərqdə
və Ukraynada baş verən qanlı hadisələr Qərb siyasi dairələrinin hərbi-siyasi
oyunlarının, dövlətlər
və xalqlar arasında yaratdıqları
münaqişələrin faciəvi
sonluğudur.
Otuz il Ermənistan-Azərbaycan münaqişəsinin
həllində vasitəçilik
missiyasını üzərinə
götürüb heç
bir iş görməyənlər bu
gün - problemlər həllini tapdıqdan sonra, ədalət bərqərar olunduğu zamanda meydandan çəkilməlidirlər. Çəkilsələr,
görərlər ki,
Cənubi Qafqazda sülhün yaranması müşkül məsələ
deyil.
İşğaldan azad
edilən Qarabağın,
Şərqi Zəngəzurun
Azərbaycan dövlətinin
ərazisi olduğunu Ermənistan rəsmiləri
özləri də etiraf ediblər. Bu gün Azərbaycanla
Ermənistan arasında
sülhün imzalanmasına
mane ola biləcək heç bir məsələ yoxdur. Və bu sülh bütün
Cənubi Qafqaza xoş, təhlükəsiz
günlər gətirəcək.
Bu sülhə mane olmağa səy göstərənlər,
ilk növbədə,
Ermənistanı məhvə
aparırlar. İrəvan
rəsmiləri isə,
əslində, bu bölgədəki yeni reallıqlarla barışmaq
istəməyən Qərb
siyasi dairələrinin
yalan, qərəz, hiddət dolu vədlərinə uymaqla Ermənistana quyu qazır, gələcəyini
təhlükə qarşısında
qoyur.
Zöhrə
FƏRƏCOVA,
Azərbaycan.-2023.-
18 noyabr, № 251.- S.9.