Sözü
imzası qədər
dəyərli olan Müzəffər Sərkərdə
2003-cü il oktyabrın
1-də Azərbaycan dövlətinin
memarı və qurucusu, bütün ömrünü ölkə
vətəndaşlarının rifahının yüksəlməsinə
həsr etmiş Ümummilli Lider Heydər Əliyev xalqımıza tarixi müraciət edərək
prezident seçkilərində
öz namizədliyini cənab İlham Əliyevin xeyrinə geri götürdüyünü
bildirdi. Ulu Öndər Azərbaycan xalqını özünün
siyasi varisi, dünya siyasətini gözəl bilən, yüksək intellektli, qətiyyətli və praqmatik düşüncəli
bir şəxsiyyət
olan İlham Əliyevə səs verməyə çağırdı.
Dahi lider İlham Əliyevə özü qədər inandığını, onun
güclü siyasətçi
olmaqla yanaşı, dövlətini, xalqını
sevən və lazım gələrsə,
xalqın yolunda canını belə verməyə hazır olan insan olduğunu
bildirmişdi. Xalqımız
çox gözəl bilirdi ki, dövlətimizi
gələcək inkişafa,
vətəndaşlarımızı rifaha aparan düzgün
yol Heydər Əliyev yoludur və İlham Əliyev bu siyasi kursun, bu yolun ən
layiqli davamçısı
olacaq.
2003-cü il oktyabrın
15-də Azərbaycan xalqının
böyük əksəriyyəti
prezident seçkilərində
İlham Əliyevə
səs verdi. Bu, Heydər Əliyev siyasi kursuna, İlham Əliyevə böyük
inamla verilən səs idi. Xalqımız
öz seçimində
yanılmamışdı.
31 oktyabr 2003-cü ildə
Prezident İlham Əliyev Azərbaycan Respublikasının Konstitusiyasına
və müqəddəs
Qurani-Kərimə əl
basaraq Azərbaycan xalqına sədaqətlə
xidmət edəcəyinə,
adət və ənənələrimizi yaşadacağına,
ölkəmizin müstəqilliyinin möhkəmlənməsi,
ərazi bütövlüyünü
və suverenliyini bərpa etmək uğrunda çalışacağına
and içdi. Dövlət başçısı
bu müqəddəs amallar uğrunda yorulmadan çalışdı,
xalqımıza verdiyi
sözü, vədi yerinə yetirdi. Prezidentimiz xalqımızın
sevincli və kədərli günlərində
xalqla bir yerdə oldu və bu ənənəni
daim davam etdirir. Cənab İlham Əliyev Azərbaycanı
zirvələrə qaldırdı,
dünyada söz sahibinə malik dövlətə çevirdi.
Prezident seçildiyi
ilk illərdən etibarən cənab İlham Əliyev iqtisadiyyatda, səhiyyə,
təhsil sistemində,
ordu quruculuğunda böyük irəliləyişlərə
nail oldu. Müasir, dünya standartlarına uyğun yüzlərlə xəstəxana,
minlərlə məktəb
inşa edildi. Gələcək nəsillərimizin
sağlam böyüməsi,
dünya idman arenalarında idmançılarımızın
Azərbaycan bayrağını
yüksəklərə qaldırması
məqsədilə ölkəmizin,
demək olar ki, bütün regionlarında olimpiya idman kompleksləri inşa etdirildi.
Neft-qaz sənayesinin
inkişafında cənab
İlham Əliyev böyük layihələrə
imza atdı. Trans-Anadolu, Trans-Adriatik qaz kəmərlərinin çəkilməsinə başlanıldı.
Bununla da ölkəmiz Avropanın enerji təhlükəsizliyinin
təmin olunmasında
mühüm rol oynamağa başladı. Xəzər dənizinin Azərbaycana aid olan sektorunda "Azəri", "Çıraq",
"Günəşli" yataqlarının birgə
işlənilməsi və
pay bölgüsü haqqında yeni saziş imzalandı. Bununla da Azərbaycan
həm də dünya enerji sənayesində həlledici
rol oynamağa başladı.
Bakı-Tbilisi-Qars dəmir
yolu xəttinin çəkilişi də
məhz cənab İlham Əliyevin təşəbbüsü ilə
reallaşdı. Bu dəmir yolu xətti Asiya və Avropanı birləşdirən nəqliyyat
dəhlizi oldu. Bu gün Bakı-Tbilisi-Qars
dəmir yolu vasitəsilə Asiyadan Avropaya və geriyə milyon tonlarla yük daşınır.
Məhz Prezident
İlham Əliyevin ölkə daxilində həyata keçirdiyi iqtisadi islahatlar, eləcə də güclü xarici siyasəti nəticəsində
Azərbaycan bu gün təkcə regionda deyil, beynəlxalq aləmdə də yüksək nüfuzu olan dövlətə çevrilib.
Azərbaycan beynəlxalq
aləmdə müstəqil
siyasət yürüdən
strateji və etibarlı müttəfiq dövlət imicini qazanıb. Ölkəmizin
120 dövlətin təmsil
olunduğu Qoşulmama
Hərəkatına 2019-2023-cü illərdə sədrlik etməsi cənab İlham Əliyevin beynəlxalq aləmdəki
nüfuzundan xəbər
verir.
Cənab İlham
Əliyevin daxili və xarici siyasətinin prioritetini Azərbaycanın güclü
dövlətə çevrilməsi
və xalqının rifahının yaxşılaşdırılması,
həyat səviyyəsinin
yüksəldilməsi təşkil
edir. İlham Əliyevin yürütdüyü
müstəqil, balanslaşdırılmış
siyasət nəticəsində
Azərbaycan 155 dövlətin
dəstəyi ilə
BMT Təhlükəsizlik Şurasının
qeyri-daimi üzvü seçildi, beynəlxalq təşkilatlar Ermənistanı
işğalçı dövlət
kimi tanıdı.
Azərbaycanın müstəqil
parlamentarizm tarixində
ilk dəfə olaraq 2020-ci ildə müxtəlif siyasi partiyalar qanunverici orqanın rəhbərliyində
təmsil olundu. Milli Məclisin Sədr müavini, komitə sədri və sədr müavinləri vəzifələrinə
müxalif siyasi partiyaların nümayəndələri
seçildilər.
Prezident İlham
Əliyev bütün
dünya azərbaycanlılarının
qürur duyduğu Azərbaycan adlı güclü bir dövlət yaratdı. Onun güclü lider olması uğurlu fəaliyyəti ilə sübut olunub. Prezident seçildiyi 20 il ərzində cənab İlham Əliyev xalqa verdiyi bütün
vədləri yerinə
yetirib. Bu gün dünyada belə dövlət başçısına çox
az rast gəlmək
olar.
Prezident İlham
Əliyev ölkədə
ordu quruculuğuna xüsusi diqqət ayırdı. Ali Baş Komandanın formalaşdırdığı güclü, müasir ordu Ermənistan ordusunu Vətən müharibəsində 44 günə
darmadağın etdi. Müzəffər Ali Baş Komandan İlham Əliyevin başçılığı altında ordumuzun rəşadəti, xalqımızın
birliyi nəticəsində
30 illik işğala son qoyuldu. Müharibədə
böyük Zəfər
qazanıldı. Artıq
Qarabağa Böyük
qayıdış proqramı
sürətlə icra
edilir. Keçmiş məcburi köçkünlərimiz
öz yurdlarına mərhələli şəkildə
dönməkdədir. Müharibə
bitəndən bu günədək bərpa
və yenidənqurma işlərinə dövlət
büdcəsindən 7 milyard
ABŞ dolları həcmində
vəsait ayrılıb.
Növbəti il üçün daha 2 milyard dollar həcmində vəsait ayrılması nəzərdə
tutulur.
2023-cü il aprelin
23-də Laçın istiqamətində
nəzarət-buraxılış məntəqəsi yaratmaqla
Azərbaycan öz ərazi bütövlüyünü
təmin etdi. Lakin Ermənistan dövlətinə və Qarabağda
qalan separatçılara
məxsus silahlı dəstələr Azərbaycan
hərbçilərinə və mülki şəxslərimizə qarşı
terror aktları törətməkdə davam
edirdilər. Bu il sentyabrın 19-da Azərbaycan Ordusu Qarabağda lokal xarakterli antiterror tədbirləri keçirdi.
Ermənistana və separatçılara məxsus
silahlı qüvvələr
24 saata yaxın çəkən əməliyyatda
Azərbaycan Ordusu
qarşısında tab
gətirə bilmədi
və təslim olduqlarını bildirdilər.
Bununla da Azərbaycan Qarabağda separatizmin kökünü
birdəfəlik kəsdi,
xunta rejiminin Azərbaycan dövlətinə
və xalqına qarşı cinayət törətmiş rəhbərləri
həbs edilərək
Bakıya gətirildi.
Bununla da Prezident İlham Əliyev Azərbaycanın
suverenliyini tam bərpa etdi.
Bu gün Yeni Azərbaycan Partiyası cənab İlham Əliyevin sədrliyi ilə yeni inkişaf mərhələsinə qədəm
qoyub. YAP regionda ən güclü və nüfuzlu partiyaya çevrilib. Partiyanın 85 yerli təşkilatı, 760 mindən
çox üzvü var. YAP VI çağırış
Azərbaycan Respublikasının
Milli Məclisində
69 deputatla təmsil olunur. Bu, vətəndaşlarımızın
YAP-a və onun Sədri cənab İlham Əliyevə olan etimadının göstəricisidir.
Sözü imzası
qədər dəyərli
olan İlham Əliyev dünyada yeganə dövlət başçısıdır ki,
xalqına verdiyi bütün vədləri
yerinə yetirib. Prezident İlham Əliyevin rəhbərliyi
ilə Azərbaycan dövləti daha yüksək zirvələr
fəth edəcək və böyük uğurlara imza atacaq.
Kamilə
ƏLİYEVA,
Milli Məclisin
deputatı
Azərbaycan.-2023.- 31 oktyabr,
№ 238.- S.4.