Azərbaycan bütün şərtlərini qəbul etdirdi

Azərbaycan üçtərəfli Bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərk-silah edilərək ərazilərimizdən çıxarılması, onların hərbi infrastrukturunun zərərsizləşdirilməsi, konstitusiya quruluşunun bərpa edilməsi məqsədilə keçirdiyi lokal xarakterli antiterror tədbirləri bir gün ərzində başa çatdı. Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciəti nəzərə alınaraq ötən gün saat 13:00-da Qarabağ bölgəsində yerləşən Ermənistan silahlı qüvvələrinin birləşmələrinin, qeyri-qanuni erməni silahlı dəstələrinin silahı yerə qoyması, döyüş mövqelərindən və hərbi postlardan çıxması və tam şəkildə tərk-silah olunması, Azərbaycan ərazilərini tərk etməsi, bununla yanaşı, bütün silah-sursat və ağır texnikanı təhvil verməsi və bütün proseslərin Rusiya sülhməramlı kontingenti ilə əlaqələndirilmiş şəkildə həyata keçirilməsinin təmin olunması şərtləri altında antiterror tədbirlərinin dayandırılması ilə bağlı razılıq əldə edildi.

Həmçinin Azərbaycanın Konstitusiyası və qanunları əsasında reinteqrasiya məsələlərinin müzakirə edilməsi üçün Qarabağın erməni sakinlərinin nümayəndələri ilə görüş təklifi də qəbul olundu.

Beləliklə, bir gün ərzində Silahlı Qüvvələrimiz öz qüdrətini, rəşadətini bir daha göstərdi.

Növbəti özünüifşa

Milli Məclisin deputatı Sahib Alıyev qeyd edib ki, Qarabağdakı hərbi xunta tələblərimizi yerinə yetirməyə hazır olduğunu bildirib. Azərbaycan nə itki vermək, nə də Qarabağda yaşayan mülki şəxslərə zərər dəyməsini istəyir: "Məhz ona görə də ən yüksək səviyyədə bildirilmişdi ki, oradakı terrorçu ünsürlər silahı yerə qoymağa hazır olduqları və rejimin buraxıldığı təqdirdə Azərbaycan antiterror tədbirlərini dayandıracaq. Qətiyyən şübhəm yoxdur ki, tələblərimizi tam şəkildə və sürətlə yerinə yetirməyəcəkləri halda ermənilər daha rəzil vəziyyətə salınacaqlar".

Deputat vurğulayıb ki, hərbi xuntanın tələblərimizi yerinə yetirməyə hazır olduğunun bildirildiyi "rəsmi" açıqlamasında yazılıb ki, Ermənistan Respublikasının hissələri və hərbi qulluqçuları Qarabağın Rusiya sülhməramlılarının yerləşdiyi hissəsindən çıxarılması barədə razılıq əldə edilib. "Bəs, deyirdilər, Ermənistanın Qarabağda heç bir hərbçisi yoxdur? Oradakı hərbi xunta təsdiqləyir ki, var və "dəmir yumruq" növbəti dəfə başlarına dəyəndən sonra rədd olub getməyə hazırdılar".

Görüşdə reinteqrasiya prosesləri ilə bağlı müzakirələr aparılacaq

Milli Məclisin deputatı Arzu Nağıyev qeyd edib ki, dəfələrlə xəbərdarlıq edilməsinə baxmayaraq, ərazilərimizdə terror əməliyyatlarını həyata keçirən, təxribatlar törədən dinc əhaliyə qarşı silahdan istifadə edən terrorçular məhz Qarabağda cəmləşən qanunsuz erməni hərbi birləşmələri idi. Azərbaycan Silahlı Qüvvələri tərəfindən həmin qüvvələrə qarşı antiterror tədbirləri həyata keçirildi və erməni silahlıları məğlub olaraq ağ bayraq qaldırdılar: "Yevlaxda görüş təyin olunub. Bu görüşdə Qarabağdakı erməni sakinlərin nümayəndələri ilə reinteqrasiya prosesləri ilə bağlı müzakirələr aparılacaq. Əsas məqam odur ki, Rusiya sülhməramlı qüvvələrinin də iştirakı ilə erməni silahlıları ərazidən çıxarılmalı, ağır texnika utilizasiya olunmalıdır. Bu proses davam etməlidir".

24 saat çəkən antiterror tədbirləri zamanı Azərbaycan Ordusunun gücünün bir daha şahidi olduğumuzu vurğulayan A.Nağıyev bildirib ki, Ermənistan silahlı qüvvələrinə məxsus 90-dan artıq döyüş və strateji əhəmiyyətli mövqeləri ordumuz tərəfindən nəzarətə götürülüb. Azərbaycan Ordusu bütün sərhəd bölgələrində istənilən aqressiyaya, təxribata cavab verməyə hazırdır. Artıq bu məsələyə son qoymağın vaxtı gəlib çatmışdı. Xankəndidə də konstitusion quruluşumuz tam bərpa ediləcək. Azərbaycan dövlətçilik istiqamətində bütün lazımi addımları atacaq.

Deputat həmçinin bildirib ki, könüllü olaraq Qarabağı tərk etmək istəyən Ermənistan silahlı qüvvələrinin şəxsi heyətinə Azərbaycan tərəfindən bunun üçün şərait yaradılıb. Onlar bizim texniki vasitələrimizin müşayiəti ilə əraziləri tərk edirlər.

Ermənistanın sülh müqaviləsi imzalamaqdan başqa yolu yoxdur

Milli Məclisin deputatı Azər Badamov deyib ki, Azərbaycanın Müzəffər Ordusu yeni şərəf və qəhrəmanlıq tarixi yazdı. Qarabağ iqtisadi rayonunun erməni sakinləri yaşayan ərazilərdə "boz zona" olmayacaq: "Lokal antiterror tədbirləri ilə bir sutka ərzində Ermənistanın qeyri-qanuni silahlı birləşmələri və separatçıların bütün döyüş nöqtələri məhv edildi. Çıxılmaz vəziyyətə düşən xunta rejimi artıq Azərbaycanın bütün şərtlərini qəbul etdiklərini bildirərək ağ bayraq qaldırdı".

Deputatın fikrincə, Azərbaycan silaha əl atmaq istəmirdi. Bütün məsələlərin dialoq yolu ilə həll olunmasına çalışırdı, amma separatçılar qeyri-qanuni silahlı birləşmələrə güvənərək ölkəmizə "meydan oxumaq" istədilər. Təklif etdiyimiz dialoq və yardımları qəbul etmir və intensiv təxribatlar törədirdilər. Son mina təxribatı ilə separatçılar Azərbaycanı antiterror tədbirləri keçirməyə məcbur etdilər.

Bu antiterror tədbirləri zamanı Azərbaycan mülki insanları hədəf seçmədi. Yalnız legitim hərbi məntəqələr məhv edildi. Hətta Qarabağdakı mülki ermənilərə hərbçilərdən uzaq dayanması ilə bağlı çağırışlar olundu. Antiterror tədbirlərin həyata keçirildiyi bir sutka ərzində ərazilərimizdəki separatçıların bütün hərbi arsenalı məhv edildi. Çıxılmaz vəziyyətə düşən revanşistlər silahı yerə qoyaraq Yevlaxda dialoqa hazır olduqlarını bildirdilər və antiterror tədbirlərinin dayandırılmasını xahiş etdilər.

A.Badamov vurğulayıb ki, Azərbaycan həmişə olduğu kimi, bu dəfə də humanistlik nümayiş etdirdi və saat 13:00-dan başlayaraq müəyyən şərtlər əsasında antiterror tədbirlərinin dayandırıldığını bəyan etdi: "Yevlaxda keçiriləcək görüşdə erməni icmasının nümayəndələri ilə reinteqrasiya proseslərinə başlanılması ilə bağlı məsələlər müzakirə olunacaq. Azərbaycanın keçirdiyi antiterror tədbirləri humanistliyə görə dünyaya bir nümunədir. Lokal antiterror tədbirlər mülki insanlardan uzaq ərazilərdə aparıldı, hətta seçilmiş legitim hədəfləri olan əraziyə mülki insanların gətirildiyi ehtimal olunanda zərərsizləşdirmə əməliyyatı təxirə salındı".

Deputat qeyd edib ki, Azərbaycan Qarabağdakı erməni sakinləri öz vətəndaşları hesab edir və onların da ölkəmizin digər milli azlıqların nümayəndələri kimi malik olduqları hüquqları var. Azərbaycan lokal antiterror tədbirləri aparmaqla 10 noyabr 2020-ci ildə imzalanmış üçtərəfli Bəyanatın 4-cü bəndini icra etdirdi. Ermənistanın icra etmək istəmədiyi öhdəliklərini biz güc yolu ilə icra etdirməyə məcbur olduq. Ermənistan birdəfəlik bilməlidir ki, onların Azərbaycanın qanunları altında yaşamaqdan başqa yolu yoxdur.

Əsmər QARDAŞXANOVA, Azərbaycan bütün şərtlərini qəbul etdirdi

7–8 минут

Azərbaycan üçtərəfli Bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərk-silah edilərək ərazilərimizdən çıxarılması, onların hərbi infrastrukturunun zərərsizləşdirilməsi, konstitusiya quruluşunun bərpa edilməsi məqsədilə keçirdiyi lokal xarakterli antiterror tədbirləri bir gün ərzində başa çatdı. Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciəti nəzərə alınaraq ötən gün saat 13:00-da Qarabağ bölgəsində yerləşən Ermənistan silahlı qüvvələrinin birləşmələrinin, qeyri-qanuni erməni silahlı dəstələrinin silahı yerə qoyması, döyüş mövqelərindən və hərbi postlardan çıxması və tam şəkildə tərk-silah olunması, Azərbaycan ərazilərini tərk etməsi, bununla yanaşı, bütün silah-sursat və ağır texnikanı təhvil verməsi və bütün proseslərin Rusiya sülhməramlı kontingenti ilə əlaqələndirilmiş şəkildə həyata keçirilməsinin təmin olunması şərtləri altında antiterror tədbirlərinin dayandırılması ilə bağlı razılıq əldə edildi.

Həmçinin Azərbaycanın Konstitusiyası və qanunları əsasında reinteqrasiya məsələlərinin müzakirə edilməsi üçün Qarabağın erməni sakinlərinin nümayəndələri ilə görüş təklifi də qəbul olundu.

Beləliklə, bir gün ərzində Silahlı Qüvvələrimiz öz qüdrətini, rəşadətini bir daha göstərdi.

Növbəti özünüifşa

Milli Məclisin deputatı Sahib Alıyev qeyd edib ki, Qarabağdakı hərbi xunta tələblərimizi yerinə yetirməyə hazır olduğunu bildirib. Azərbaycan nə itki vermək, nə də Qarabağda yaşayan mülki şəxslərə zərər dəyməsini istəyir: "Məhz ona görə də ən yüksək səviyyədə bildirilmişdi ki, oradakı terrorçu ünsürlər silahı yerə qoymağa hazır olduqları və rejimin buraxıldığı təqdirdə Azərbaycan antiterror tədbirlərini dayandıracaq. Qətiyyən şübhəm yoxdur ki, tələblərimizi tam şəkildə və sürətlə yerinə yetirməyəcəkləri halda ermənilər daha rəzil vəziyyətə salınacaqlar".

Deputat vurğulayıb ki, hərbi xuntanın tələblərimizi yerinə yetirməyə hazır olduğunun bildirildiyi "rəsmi" açıqlamasında yazılıb ki, Ermənistan Respublikasının hissələri və hərbi qulluqçuları Qarabağın Rusiya sülhməramlılarının yerləşdiyi hissəsindən çıxarılması barədə razılıq əldə edilib. "Bəs, deyirdilər, Ermənistanın Qarabağda heç bir hərbçisi yoxdur? Oradakı hərbi xunta təsdiqləyir ki, var və "dəmir yumruq" növbəti dəfə başlarına dəyəndən sonra rədd olub getməyə hazırdılar".

Görüşdə reinteqrasiya prosesləri ilə bağlı müzakirələr aparılacaq

Milli Məclisin deputatı Arzu Nağıyev qeyd edib ki, dəfələrlə xəbərdarlıq edilməsinə baxmayaraq, ərazilərimizdə terror əməliyyatlarını həyata keçirən, təxribatlar törədən dinc əhaliyə qarşı silahdan istifadə edən terrorçular məhz Qarabağda cəmləşən qanunsuz erməni hərbi birləşmələri idi. Azərbaycan Silahlı Qüvvələri tərəfindən həmin qüvvələrə qarşı antiterror tədbirləri həyata keçirildi və erməni silahlıları məğlub olaraq ağ bayraq qaldırdılar: "Yevlaxda görüş təyin olunub. Bu görüşdə Qarabağdakı erməni sakinlərin nümayəndələri ilə reinteqrasiya prosesləri ilə bağlı müzakirələr aparılacaq. Əsas məqam odur ki, Rusiya sülhməramlı qüvvələrinin də iştirakı ilə erməni silahlıları ərazidən çıxarılmalı, ağır texnika utilizasiya olunmalıdır. Bu proses davam etməlidir".

24 saat çəkən antiterror tədbirləri zamanı Azərbaycan Ordusunun gücünün bir daha şahidi olduğumuzu vurğulayan A.Nağıyev bildirib ki, Ermənistan silahlı qüvvələrinə məxsus 90-dan artıq döyüş və strateji əhəmiyyətli mövqeləri ordumuz tərəfindən nəzarətə götürülüb. Azərbaycan Ordusu bütün sərhəd bölgələrində istənilən aqressiyaya, təxribata cavab verməyə hazırdır. Artıq bu məsələyə son qoymağın vaxtı gəlib çatmışdı. Xankəndidə də konstitusion quruluşumuz tam bərpa ediləcək. Azərbaycan dövlətçilik istiqamətində bütün lazımi addımları atacaq.

Deputat həmçinin bildirib ki, könüllü olaraq Qarabağı tərk etmək istəyən Ermənistan silahlı qüvvələrinin şəxsi heyətinə Azərbaycan tərəfindən bunun üçün şərait yaradılıb. Onlar bizim texniki vasitələrimizin müşayiəti ilə əraziləri tərk edirlər.

Ermənistanın sülh müqaviləsi imzalamaqdan başqa yolu yoxdur

Milli Məclisin deputatı Azər Badamov deyib ki, Azərbaycanın Müzəffər Ordusu yeni şərəf və qəhrəmanlıq tarixi yazdı. Qarabağ iqtisadi rayonunun erməni sakinləri yaşayan ərazilərdə "boz zona" olmayacaq: "Lokal antiterror tədbirləri ilə bir sutka ərzində Ermənistanın qeyri-qanuni silahlı birləşmələri və separatçıların bütün döyüş nöqtələri məhv edildi. Çıxılmaz vəziyyətə düşən xunta rejimi artıq Azərbaycanın bütün şərtlərini qəbul etdiklərini bildirərək ağ bayraq qaldırdı".

Deputatın fikrincə, Azərbaycan silaha əl atmaq istəmirdi. Bütün məsələlərin dialoq yolu ilə həll olunmasına çalışırdı, amma separatçılar qeyri-qanuni silahlı birləşmələrə güvənərək ölkəmizə "meydan oxumaq" istədilər. Təklif etdiyimiz dialoq və yardımları qəbul etmir və intensiv təxribatlar törədirdilər. Son mina təxribatı ilə separatçılar Azərbaycanı antiterror tədbirləri keçirməyə məcbur etdilər.

Bu antiterror tədbirləri zamanı Azərbaycan mülki insanları hədəf seçmədi. Yalnız legitim hərbi məntəqələr məhv edildi. Hətta Qarabağdakı mülki ermənilərə hərbçilərdən uzaq dayanması ilə bağlı çağırışlar olundu. Antiterror tədbirlərin həyata keçirildiyi bir sutka ərzində ərazilərimizdəki separatçıların bütün hərbi arsenalı məhv edildi. Çıxılmaz vəziyyətə düşən revanşistlər silahı yerə qoyaraq Yevlaxda dialoqa hazır olduqlarını bildirdilər və antiterror tədbirlərinin dayandırılmasını xahiş etdilər.

A.Badamov vurğulayıb ki, Azərbaycan həmişə olduğu kimi, bu dəfə də humanistlik nümayiş etdirdi və saat 13:00-dan başlayaraq müəyyən şərtlər əsasında antiterror tədbirlərinin dayandırıldığını bəyan etdi: "Yevlaxda keçiriləcək görüşdə erməni icmasının nümayəndələri ilə reinteqrasiya proseslərinə başlanılması ilə bağlı məsələlər müzakirə olunacaq. Azərbaycanın keçirdiyi antiterror tədbirləri humanistliyə görə dünyaya bir nümunədir. Lokal antiterror tədbirlər mülki insanlardan uzaq ərazilərdə aparıldı, hətta seçilmiş legitim hədəfləri olan əraziyə mülki insanların gətirildiyi ehtimal olunanda zərərsizləşdirmə əməliyyatı təxirə salındı".

Deputat qeyd edib ki, Azərbaycan Qarabağdakı erməni sakinləri öz vətəndaşları hesab edir və onların da ölkəmizin digər milli azlıqların nümayəndələri kimi malik olduqları hüquqları var. Azərbaycan lokal antiterror tədbirləri aparmaqla 10 noyabr 2020-ci ildə imzalanmış üçtərəfli Bəyanatın 4-cü bəndini icra etdirdi. Ermənistanın icra etmək istəmədiyi öhdəliklərini biz güc yolu ilə icra etdirməyə məcbur olduq. Ermənistan birdəfəlik bilməlidir ki, onların Azərbaycanın qanunları altında yaşamaqdan başqa yolu yoxdur.

Əsmər QARDAŞXANOVA,

Azərbaycan.-2023.- 21 sentyabr.- S.7.