Azərbaycan
on minlərlə qonağı layiqincə qarşılayacaq
Ölkəmizin BMT-nin
İqlim Dəyişmələri
üzrə Çərçivə
Konvensiyasının Tərəflər
Konfransının 29-cu sessiyasına
(COP29) ev sahibi seçilməsi illərdir
ki, həyata keçirilən uğurlu
işlərin nəticəsidir.
İndiyədək respublikamızda
çox əhəmiyyətli
beynəlxalq tədbirlər
yüksək səviyyədə
təşkil olunub. Həmin tədbirlərdə
bütün bəşəriyyət
üçün gərəkli
olan mühüm məsələlərdən, qlobal
problemlərdən danışılıb,
müzakirələr, fikir
mübadilələri aparılıb.
Bu ilin noyabrında isə Azərbaycan dünyanın
ən böyük və mühüm dövlətlərarası tədbirlərindən
birinə - COP29-a evsahibliyi
edəcək. Belə
mötəbər tədbirin
- BMT-nin İqlim Dəyişmələri üzrə
Çərçivə Konvensiyasının
Tərəflər Konfransının
29-cu sessiyasının ölkəmizdə
keçirilməsi ilə
bağlı yekdil qərarın verilməsi Azərbaycana böyük hörmətin, etimadın
bariz nümunəsidir.
Bu qərar həm də BMT-nin İqlim Dəyişmələri üzrə
Çərçivə Konvensiyasına
tərəf olmaqla qlobal iqlim dəyişmələrinə
qarşı mübarizəyə
qoşulmuş ölkəmizin
məqsədyönlü fəaliyyətinə
verilən dəyərdir.
Azərbaycan 1990-cı illə müqayisədə
2030-cu ilə qədər
istixana qazlarının
miqdarının 35 faiz
azaldılmasını hədəfləyib.
2030-cu ildən sonra üçün müəyyən
olunmuş hədəf
isə daha iddialıdır. Belə ki, 2050-ci ilədək istixana qazlarının miqdarının 40 faiz azaldılması nəzərdə
tutulub. Bununla yanaşı, dövlətimizin
başçısı İlham
Əliyev işğaldan
azad edilmiş torpaqları "yaşıl
enerji" zonası elan edib.
Dünyanın diqqət
mərkəzində olan
COP29-a hazırlıq işləri
ölkəmizdə böyük
vüsət alıb. Artıq paytaxtın hansı istiqamətinə
nəzər salsaq, mötəbər tədbirə
hazırlıq işlərinin
həyata keçirildiyini
görərik. COP29-un minlərlə
iştirakçısı olacaq.
Bakı noyabr ayında bu beynəlxalq tədbirlə
bağlı gələcək
qonaqlarını da hər zaman olduğu kimi layiqincə qarşılayacaq.
Azərbaycan Respublikası
Prezidentinin Administrasiyasının
rəhbəri, Təşkilat
Komitəsinin sədri
Samir Nuriyev avqustun 16-da BMT-nin İqlim Dəyişmələri
üzrə Çərçivə
Konvensiyasının Tərəflər
Konfransının 29-cu sessiyasının
(COP29) keçirilməsi ilə
əlaqədar Təşkilat
Komitəsinin altıncı
iclasında Prezident İlham Əliyevin rəhbərliyi ilə
COP29-a hazırlıq prosesinin
bütün istiqamətlərdə
davam etdiyini vurğuladı.
Prezident Administrasiyasının
rəhbəri dövlət
qurumlarının, COP29 heyətinin
bundan sonra da var gücü
ilə çalışmasının
vacibliyini nəzərə
çatdırdı.
Təşkilat Komitəsinin
sədri noyabrın
12-13-də keçiriləcək Liderlər Sammitinə BMT-nin İqlim Dəyişmələri üzrə
Çərçivə Konvensiyasının
tərəflərinə dəvətlər
ilə bağlı tam inklüzivliyin təmin edildiyini bildirib.
Azərbaycanın inkişaf
etmiş və inkişaf etməkdə olan ölkələr arasında yeni maliyyə hədəfi üzrə mövcud fikir ayrılıqlarının
aradan qaldırılması
üçün səmimi
səylər göstərdiyini
bildirən Samir Nuriyev bu xüsusda
iyulun 26-27-də müxtəlif
ölkələrin nümayəndə
heyətlərinin rəhbərləri
səviyyəsində Şamaxıda
qeyri-rəsmi məsləhətləşmələr
kimi innovativ format təşkil edildiyini açıqladı.
Diqqətə çatdırdı
ki, Azərbaycan Hökuməti ilə BMT-nin İqlim Dəyişmələri üzrə
Çərçivə Konvensiyasının
Katibliyi arasında imzalanacaq "Ev Sahibi Ölkə" sazişinin yekun mətni tam razılaşdırılıb.
Azərbaycanın COP29 təşəbbüslərinin geniş ictimaiyyətə
açıqlandığını, COP atəşkəsi və İqlim Maliyyəsi üzrə Fəaliyyət
Fondunun yaradılması
təşəbbüslərinin beynəlxalq müstəvidə
daha çox diqqət cəlb etdiyini bildirən Təşkilat Komitəsinin
sədri digər mühüm məsələlərə
də toxundu. Məlumat verdi ki, Azərbaycan tərəfindən inkişaf
etməkdə olan kiçik ada ölkələri üçün
Texniki Yardım Fondunun yaradılmasına,
"Azərkosmos" tərəfindən
kiçik ada ölkələrində iqlim
dəyişmələri üzrə
layihələrin həyata
keçirilməsinə dair
anlaşma memorandumlarının
avqust ayının sonlarında Millətlər
Birliyi (Commonwealth) təşkilatı ilə
imzalanacaq.
Zöhrə
FƏRƏCOVA,
Azərbaycan.-2024.-
18 avqust (№ 176).- S.7.