Türkiyəli
ekspert: “Ümidvaram ki,
Ankara da Bakının BRICS-ə daxil
olmaq qərarından nümunə götürəcək”
Ümidvaram ki,
digər ölkələr,
xüsusən də Türkiyə BRICS-ə daxil
olmaqla bağlı rəsmi müraciət edən Azərbaycandan nümunə götürəcəklər.
AZƏRTAC xəbər verir
ki, bu fikri
“CGTN Türk” telekanalının
efirində Mərmərə
Universitetinin professoru Hüseyn Barış Doster ifadə edib.
Onun sözlərinə
görə, müasir
dünyada BRICS kimi təşkilatlar “ABŞ imperializminə
əsaslanan Qərb hökmranlığı sisteminə
qarşı çıxan”
Qlobal Cənubun ruporuna çevrilir.
Mərmərə Universitetinin
professoru əlavə edib: “Dialoqun Vaşinqtonun müəyyən
etdiyi vektorlar ətrafında qurulduğu
qlobal münasibətlər
sistemi əvvəlki əhəmiyyətini itirir.
Bu, həm hərbi-siyasi bloklara, həm də ABŞ-ın rəhbərlik etdiyi iqtisadi, siyasi və diplomatik ittifaqlara aiddir. Bu proseslərin
fonunda Qlobal Cənub dövlətlərinin
- uzun müddət “məzlum” dövlətlər
rolunda qalan inkişaf etməkdə olan ölkələrin rolu artır”.
Ekspert Türkiyə
Cümhuriyyətinin qurucusu
Mustafa Kamal Atatürkün ötən
əsrin əvvəllərində
məzlum xalqların birlik və təşkilatlarının sayının
artmasını müsbət
amil adlandıran sözlərini xatırladıb.
Ekspert vurğulayıb:
“Bu ittifaqların gücləndirilməsi imperialist
cərəyanların zəifləməsi
ilə nəticələnəcək
və Qlobal Cənubu dünya səhnəsində keyfiyyətcə
yeni mövqelərə
çıxaracaq. BRICS, ŞƏT, Çin-Afrika Əməkdaşlıq
Forumu və Türk Dövlətləri
Təşkilatı kimi
təşkilatlar ölkələr
arasında əlaqələrin
möhkəmlənməsinə kömək edir, xarici siyasət və iqtisadiyyat sahələrində addımların
əlaqələndirilməsinə zəmin yaradır, dövlətlərarası problemlərin
həllinə töhfə
verir”.
Hüseyn Barış
Doster imperialist dairələrin təşkilata
üzv dövlətlərin,
o cümlədən Türkiyənin
yerləşdiyi regionun
daxili işlərinə
qarışmaq cəhdlərinin
qarşısının alınması
kontekstində BRICS platformasının
əhəmiyyətini də
qeyd edib. O bildirib ki, bu,
xarici təzyiq imkanlarını da məhdudlaşdıracaq.
Mərmərə Universitetinin
professoru vurğulayıb
ki, dünyada hər bir ölkənin
bir-birindən fərqli
xarici siyasət prioritetləri var və bu, təbiidir.
“Bu məsələ Türkiyə və Azərbaycana da aiddir. “Bir millət,
iki dövlət” ideyası və ölkələrimizin xarici
siyasət prioritetləri
kontekstində Ankara ilə Bakının birliyi anlayışlarını
aydın şəkildə
dəqiqləşdirmək lazımdır. Türkiyə
və Azərbaycanın
müəyyən məsələlərdə,
o cümlədən Yaxın
Şərqlə bağlı
yanaşmalarda mövqeləri
fərqli ola bilər”, -deyə o bildirib.
Ekspert qeyd
edib ki, Azərbaycanın 44 günlük Vətən
müharibəsinin nəticələri fonunda Bakının
dünyada mövqeyi möhkəmlənib. “Bu gün Azərbaycan
öz gücünə
inanan və Cənubi Qafqazın lideri olan dövlətdir.
Bakı hərbi, siyasi və iqtisadi gücünə əsaslanaraq, özünü
yüksək səslə
regional aktor kimi elan etməyə
çalışır. Buna
Azərbaycanın məsələn,
Fələstində və
ya Ukraynada münaqişələrin həllində
vasitəçi qismində
göstərdiyi səylər
də kömək edə bilər”, -deyə türkiyəli ekspert sözlərinə yekun vurub.
Azərbaycan.-2024.-
22 avqust (¹179).- S.7.