Lənkəranda Ləvəngi festivalı keçirilib

Lənkəranda ilk dəfə olaraq Ləvəngi festivalı keçirilib. Heydər Əliyev meydanında şəhər icra hakimiyyəti, Regional Mədəniyyət, eləcə də Gənclər və İdman idarələrinin birgə təşkilatçılığı ilə keçirilən tədbirdə cənub bölgəsindən - Cəlilabad, Masallı, Yardımlı, Lənkəran və Astaradan gələn qonaqlar iştirak ediblər.

Festivalda ayrı-ayrı iaşə müəssisələri tərəfindən ləvənginin unudulmuş və qədim dövrlərdə hazırlanmış növləri nümayiş olunub. Bölgənin tanınmış aşpazları ləvənginin bütün növlərini təqdim etməklə ustalıqlarını göstəriblər. Hazırlanan ləvəngilər qonaqlara təqdim olunub. Tədbir boyu rayonun "Nənələr", "Babalar" folklor ansamblları, bədii özfəaliyyət kollektivləri rəngarəng musiqi nömrələri ilə çıxış ediblər.

Seyran CAVADOV,

Azərbaycan.-2024.- 6 dekabr (№ 269).- S.12.