Azərbaycan Respublikasının Korrupsiyaya qarşı mübarizə üzrə Komissiyasının üzvlərinin təyin edilməsi haqqında

Azərbaycan Respublikası Milli Məclisinin qərarı

"Azərbaycan Respublikası Konstitusiyasının 95-ci maddəsinin I hissəsinə əlavələr edilməsi haqqında" Azərbaycan Respublikasının Konstitusiya Qanununu rəhbər tutaraq və Azərbaycan Respublikası Milli Məclisinin Daxili Nizamnaməsinin 21-2-ci maddəsini, "Azərbaycan Respublikasının Korrupsiyaya qarşı mübarizə üzrə Komissiyası haqqında" Əsasnamənin 9-3-cü maddəsini nəzərə alaraq, Azərbaycan Respublikasının Milli Məclisi qərara alır:

Aşağıdakı şəxslər Azərbaycan Respublikasının Korrupsiyaya qarşı mübarizə üzrə Komissiyasının üzvləri təyin edilsinlər:

Əsgərov Ziyafət Abbas oğlu - Azərbaycan Respublikası Milli Məclisi sədrinin müavini,

Nağıyev Arzu Nəsib oğlu - Azərbaycan Respublikası Milli Məclisinin Müdafiə, təhlükəsizlik və korrupsiya ilə mübarizə komitəsinin sədri,

Ağazadə Əminə Həmid qızı - Azərbaycan Respublikası Milli Məclisinin deputatı,

Gülməmmədov Vüqar Tapdıq oğlu - Azərbaycan Respublikası Hesablama Palatasının sədri,

Hacıyev Fərid Famil oğlu - Azərbaycan Respublikası Milli Məclisi Aparatının rəhbəri.

Sahibə QAFAROVA,

Azərbaycan Respublikası Milli Məclisinin Sədri

Bakı şəhəri, 10 dekabr 2024-cü il

Azərbaycan.-2024.- 11 dekabr (№ 273).- S.3.