Bununla belə günahkarlar cəzalandırılmalı və
kompensasiya ödənilməlidir
"Dekabrın 25-də Rusiyada vurulan sərnişin təyyarəsində
həlak olanlara bir daha rəhmət,
doğmalarına səbir,
yaralananlara şəfa
diləyirəm. Prezident
cənab İlham Əliyevin bu haqda xəbər alan kimi Sankt-Peterburqa
səfərini dayandırıb
geri dönməsi, araşdırma aparmaq üçün təcili
olaraq Dövlət Komissiyası yaradılması,
qəza enişi edilən Aktauya iki nazir və
mütəxəssislərin yer aldığı heyətin göndərilməsi
və tam dəqiqləşdirilmədən hər hansı rəsmi açıqlamanın
verilməməsi, eyni
zamanda təyyarənin
qəlpə izləri
olan gövdəsinin kadrlarının yayılmasını
təmin etməklə kimlərinsə
iz azdırmaq cəhdlərinin heçə
endirilməsi Azərbaycan
dövlətinin nə
dərəcədə dəqiq,
məsuliyyətli davrandığını,
həm də böhran menecerliyinin necə yüksək səviyyədə olduğunu
ortaya qoydu".
Bu sözləri
"Azərbaycan" qəzetinə
Milli Məclisin deputatı Sahib Alıyev deyib. O təəssüflə
qeyd edib ki, təyyarə vurulan ölkə haqda bunu demək
olmur. Dekabrın 25-dəki
təyyarə qəzası
xarici medianın təqdim etməyə çalışdığı kimi deyildi, Qroznı
hava limanına enişə hazırlaşarkən
"Pantsir-S"lə vurulması
səbəbindən baş
vermişdi.
Əlbəttə, bu,
qəsdən edilməyib,
amma vurulan təyyarənin yaxınlıqdakı
Mahaçqala, yaxud da Mineralnıye Vodı hava limanına enməsinə niyə icazə verilmədiyinə, dənizin
o biri tərəfinə
- Qazaxıstanın Aktau
şəhərinə göndərilməsinə
aydınlıq gətirilməsini
istəyirik. "Bir daha xatırlatmaq istəyirəm ki, 2020-ci ilin 9 noyabrında Rusiya helikopteri, həm də hərbi helikopteri Ermənistana məxsus olması ilə səhv salınıb vurulanda Azərbaycan buna görə üzr istəmiş və təzminat ödəmişdi. 2015-ci ildə
Rusiyanın Türkiyənin
hava sərhədini pozan hərbi təyyarəsi vurulanda da sərhədpozma halının aniliyi və qəsdən olmadığı nəzərə
alınaraq yenə üzr istənilmişdi. Azərbaycan tərəfi də günahkarların cəzalandırılması və
kompensasiyanın ödənilməsini
gözləyir. Bunu beynəlxalq normalar da tələb edir", - deyə o əlavə edib.
Deputat insanpərvərlik
sərgilədiklərinə, qardaşcasına hərəkətlərinə
görə Qazaxıstan
xalqına minnətdarlığını
bildirib. Qeyri-adekvat davranışları ilə
diqqətçəkən bəzilərinin
yardım təklifini rədd edən, təyyarənin vurulması
faktının təsdiqlənməsini
və buna uyğun addımlar atılmasını istəyən
dövlətimizin özünü
böyük sayanlardan
nə qədər ucada durduğunu, eləcə də uçuş heyətinin yüksək peşəkarlığını
və fədakarlığını xüsusi
vurğulamaq lazımdır.
Təyyarədəki 67 nəfərdən
29-nun sağ qalması
məhz uçuş heyətinin yüksək xidməti, pilotların ustalığıdır.
S.Alıyev qeyd
edib ki, sosial mediada Qərbdəki bəlli çevrələrə bağlı
ünsürlər hadisədən
faydalanmaq cəhdi ilə yenə dövlətimizi və təyyarə parkı əksər ölkələrdəkindən
daha yüksək səviyyədə olması
ilə fərqlənən
AZAL-ı hədəfə alırlar:
"Ancaq onu da gördük ki, İkinci Qarabağ savaşı günlərində torpaqlarımızın
azad olunmasını istəməyənlərin tapşırığı
ilə fəaliyyət
göstərən, başında
lider yox, muzdlu blogerin durduğu AXCP ilə Müsavatı çıxmaqla
digər bütün partiyalar bu qəza
ilə bağlı birgə bəyanat yayaraq, məhz Azərbaycana xidmət etdiklərini sərgilədilər.
Ona görə də lideri, mütəxəssisləri və
ancaq öz xalqına bağlı partiyaları ilə çoxlarına örnək
olan dövlətimlə
qürur duyuram".
Deputat Rusiya Prezidenti Vladimir Putinin Prezident İlham Əliyevə telefon zənginə də münasibət bildirib: "Prezident İlham Əliyev müstəqil dövlətimizin
ilk Ana Yasasının
qəbulunun 30-cu və
Vətən müharibəsində
qələbəmizin 5-ci ildönümünü
nəzərə alaraq, 2025-ci ili
"Konstitusiya və Suverenlik İli" elan etdi. Bununla
bağlı sərəncamdakı "Azərbaycan Respublikası
xalqımızın milli
maraqlarını rəhbər
tutaraq, yeni reallıqlar şəraitində
müstəqil siyasətini
daha cəsarətlə,
prinsipiallıqla davam etdirir, Konstitusiyanın tələblərinə və
öz suveren hüquqlarına əsaslanaraq,
qarşıda duran strateji hədəflərə
doğru inamla irəliləyir" cümləsinin
heç də gəlişi-gözəl sözlər
olmadığını, reallığı
tam əks etdirdiyini Rusiya Prezidentinin dövlət başçımıza üzrxahlıq
zəngi də təsdiqləyir. Telefon danışığı zamanı
Prezident İlham Əliyevin dekabrın 25-də
Rusiyanın hava məkanında vurulan təyyarəmizin gövdəsindəki
çoxsaylı dəliklərdən,
hələ havada olarkən sərnişinlərin
və heyət üzvlərinin təyyarənin
göyərtəsini dəlib
içəri daxil olan yad hissəciklərlə
yaralanmalarından danışması,
Azərbaycanın təklifi
ilə bu qəzanın səbəblərinin
hərtərəfli araşdırılması
üçün beynəlxalq
ekspertlərdən ibarət
heyətin təşkil
edildiyini, artıq onun fəaliyyətə başladığını vurğulaması
əsas məqamlardır.
Bu, o deməkdir ki, suveren Azərbaycan
dövləti prestijinin
zədələnməsinə imkan verməyəcək, vətəndaşının qanını
yerdə qoymayacaq və kimin nə
plan qurmasından asılı olmayaraq, istintaq prosesinin tam şəffaf şəkildə aparılması
üçün nə
gərəkdirsə edəcək".
Əsmər QARDAŞXANOVA,
Azərbaycan.-2024.-
30 dekabr (№ 290).- S.9.