Qarabağ və Şərqi Zəngəzurda ilk dəfə keçiriləcək
parlament seçkiləri
qanunvericilik tariximizdə
yeni səhifə açacaq
Son 4 ildə əldə edilmiş möhtəşəm tarixi
qələbələr, ictimai-siyasi
həyatın, dövlət
idarəçiliyinin bütün
sahələrində uğurla
və ardıcıl şəkildə həyata
keçirilmiş çoxşaxəli
islahatlar nəticəsində
ölkəmiz keyfiyyətcə
yeni inkişaf mərhələsinə qədəm
qoyub.
Böyük Zəfərimizdən
sonra regionda yaranmış yeni reallıqlar və ictimai-siyasi vəziyyət
bir sıra mühüm proseslərin həyata keçirilməsinə
imkan verib. İlk dəfə olaraq ölkənin bütün ərazisində
növbədənkənar prezident
seçkiləri keçirilib.
Otuz ildən sonra işğal altında olan ərazilərdə seçicilər
səsvermədə iştirak
edərək vətəndaşlıq
borclarını yerinə
yetiriblər.
İndi isə
Azərbaycan növbəti
mühüm ictimai-siyasi
mərhələnin astanasındadır.
Prezident İlham Əliyevin sərəncamına
əsasən sentyabrın
1-də ölkəmizdə Milli Məclisə növbədənkənar seçkilər
keçiriləcək. Bu
seçkiləri əvvəlkilərdən
fərqləndirən əsas
cəhət isə onun ölkəmizin bütün ərazilərində
keçirilməsidir.
Əgər 2020-ci ildə
Vətən müharibəsi
tariximizin səhifələrinə
Şanlı Zəfər
sözünü həkk
etdisə, 2023-cü ilin
20 sentyabrı Böyük
Zəfərin davamı
olaraq lokal antiterror tədbirləri ilə ərazi bütövlüyümüzün və süverenliyimizin tam bərpası reallaşdısa, 2024-cü ilin
7 fevralı şanlı
tariximizə bütöv
Azərbaycanda ilk Prezident seçkiləri kimi yazıldısa, 1 sentyabr günü də tariximizə bütün ərazilərimizdə
keçirilən ilk parlament seçkiləri günü kimi yazılacaq.
Milli Məclisin
hər çağırışının
səlahiyyət müddəti
5 ildir Konstitusiyanın
98-ci maddəsinin II hissəsinə
əsasən isə növbədənkənar seçkilərdə
seçilən Milli Məclisin çağırışının
səlahiyyət müddəti
5 ildən az ola bilər. Seçkilərin keçirilməsi
müddətinin önə
çəkilməsi bir
sıra mühüm məqamlarla əlaqədardır.
Prezident İlham
Əliyevin sərəncamı
ilə altıncı çağırış Azərbaycan
Respublikasının Milli
Məclisinin buraxılması
və növbədənkənar
seçkilərin 2024-cü il sentyabrın 1-nə təyin edilməsi aparılan hərtərəfli
islahatların davamıdır.
İlk dəfə olaraq parlament seçkilərinin işğaldan
azad edilmiş ərazilərdə keçirilməsi
ölkəmizin ərazi
bütövlüyünün qanunvericilik müstəvisində
də təsdiqinin bariz nümunəsi olmaqla yanaşı, xalqımızın sürətlə
inkişaf edən demokratik Azərbaycan naminə səsvermə prosesinə güclü dəstək verdiyini dünyaya nümayiş etdirəcək.
Parlament seçkilərinin
növbədənkənar keçirilməsini
şərtləndirən mühüm
amillərdən biri də BMT-nin İqlim Dəyişmələri
üzrə Çərçivə
Konvensiyasının Tərəflər
Konfransının 29-cu sessiyasının
Bakıda keçirilməsinin
noyabr ayına təsadüf etməsidir.
İstər Azərbaycanın,
istərsə də Cənubi Qafqaz regionunun ictimai-siyasi həyatında strateji əhəmiyyətə malik
belə mötəbər
beynəlxalq tədbirin
ölkəmizdə keçirilməsi
Azərbaycana göstərilən
etimadın və böyük hörmətin
göstərisidir. Digər
tərəfdən ölkəmizin
üzərinə böyük
məsuliyyət düşür.
Belə ki, 80 minə yaxın əcnəbi qonağın
Azərbaycana təşrif
buyuracağı və
qlobal əhəmiyyətli
qərarların qəbul
olunacağı COP29-un yüksək
səviyyədə keçirilməsi
zəruriyyətini ortaya
qoyur.
Artıq Mərkəzi
Seçki Komissiyası
seçkilərə hazırlıq
işlərinə start
verib. MSK "Azərbaycan
Respublikasının Ağdərə
rayonunun yaradılması
haqqında" 2023-cü il
5 dekabr tarixli Qanunla əlaqədar olaraq bəzi seçki dairələrinin
hüdudlarında dəyişiklik
edib. Seçki Məcəlləsinin tələbləri
əsas götürülərək,
habelə yerli və digər şərait nəzərə
alınmaqla, seçicilər
üçün maksimum
əlverişli şərait
yaradılmasının zəruriliyi
diqqətdə saxlanılaraq
96 saylı Goranboy, 97 saylı Tərtər-Naftalan-Goranboy,
118 saylı Ağdam şəhər, 119 saylı
Ağdam kənd və 124 saylı Şuşa-Ağdam-Xocalı-Xocavənd seçki dairələrinin
hüdudlarında və
adlarında qismən dəyişikliklər olunmasına
qərar verilib. Qərara əsasən yuxarıda qeyd edilən seçki dairələri müvafiq olaraq 96 saylı Goranboy-Naftalan, 97 saylı Tərtər-Ağdərə-Goranboy, 118 saylı Ağdam-Xocalı,
119 saylı Ağdam və 124 saylı Şuşa-Ağdam-Xocavənd seçki
dairəsi adlandırılıb.
İndi soydaşlarımız
məcburi köçkün
statusunda deyil, öz doğma torpaqlarında seçki hüquqlarından istifadə
edəcəklər. Hər
bir vətəndaşın
həyatında bu xüsusi bir hadisədir. Növbədənkənar
parlament seçkiləri
bundan sonrakı mərhələdə əsas
diqqətimizi mühüm
məsələlərin həllinə
yönəltməyə imkan
verəcək. Çünki
parlament seçkiləri
özlüyündə olduqca
mühüm siyasi hadisədir.
Suverenliyini tam təmin etmiş Azərbaycanda ilk dəfə keçirilən
Prezident seçkilərində
olduğu kimi, qarşıdakı Milli Məclisə seçkilərdə
də xalq öz düzgün seçimi ilə layiqli namizədlərinə
səs verməklə,
ölkəmizin müasir
tarixində yeni səhifə açmış
olacaq.
Rəşad
BAXŞƏLİYEV,
Azərbaycan.-2024.-
3 iyul (№ 136).- S.11.