Cənubi Qafqazın lider ölkəsinin "yaşıl
gündəliy"i təqdir
edilir
"Bu il Azərbaycan COP29 konfransına
evsahibliyi edəcək.
Fürsətdən istifadə
edərək sizin hər birinizi bir daha COP29-a dəvət edirəm.
COP29-a sədrlik və
bu tədbirin Bakıda keçirilməsi
beynəlxalq ictimaiyyət
tərəfindən ölkəmizə
olan böyük etimadın bariz nümunəsidir. 200-ə yaxın
ölkə bizim namizədliyimizi yekdilliklə
dəstəkləmişdir. Azərbaycan Qoşulmama Hərəkatında 4 il sədrliyi dövründə
əldə etdiyi təcrübədən istifadə
edərək inkişaf
etmiş və inkişaf etməkdə olan ölkələr arasında həmrəyliyin
gücləndirilməsi, konsensusa
nail olunması üçün səylərini
əsirgəməyəcək".
Şuşada Türk
Dövlətləri Təşkilatının
Dövlət başçılarının
qeyri-rəsmi Zirvə
görüşündə Prezident İlham Əliyevin bu müraciəti dost və qardaş ölkələrin liderləri
tərəfindən məmnunluqla
qarşılandı.
Türk Dövlətləri
Təşkilatının hazırkı
sədri, Qazaxıstan
Prezidenti Kasım-Jomart
Tokayev COP29-da fəal iştirak edəcəklərini
diqqətə çatdıraraq
vurğuladı: "Biz
iqlim məsələləri
ilə bağlı türk dünyası ilə əməkdaşlığı
gücləndirməyə hazırıq.
Bununla əlaqədar biz bu il
Azərbaycanda keçiriləcək
COP29 iqlim konfransının
işində fəal iştirak etməyi planlaşdırırıq".
Qırğız Prezidenti
Sadır Japarov isə Azərbaycanın noyabrda COP29-a uğurla sədrlik edəcəyinə
əminliyini ifadə etdi: "Sevindirici haldır ki, bu ilin noyabr
ayında qardaş Azərbaycan ən vacib qlobal forumlardan
birinə - BMT-nin İqlim Dəyişmələri
üzrə Çərçivə
Konvensiyasının Tərəflər
Konfransının 29-cu sessiyasına
- COP29-a evsahibliyi edəcək.
Əminəm ki, Azərbaycanın COP29-a sədrliyi
qarşıdan gələn
konfransın gündəliyində
duran məsələlərin,
o cümlədən iqlim
maliyyələşməsini əhəmiyyətli dərəcədə
irəliyə apara biləcək. Azərbaycanın
bərpaolunan enerji mənbələrini, o cümlədən
COP29-a sədrliyi çərçivəsində
fəal inkişaf etdirdiyini və təşviq etdiyini nəzərə alaraq, biz Azərbaycan tərəfinə və ümumilikdə üzv dövlətlərə bərpaolunan
enerji mənbələri
ilə bağlı birgə layihələri həyata keçirmək üçün çağırış
edirik".
Özbəkistan Prezidenti
Şavkat Mirziyoyev də COP29-a toxunaraq bu tədbirin bütün ölkələrimiz
üçün böyük
tarixi hadisə olduğunu vurğuladı.
"İqlim dəyişikliyi
məsələsində dünya
liderlərinin uğurlu
bir görüş keçirmələrini səmimi-qəlbdən
diləyirik. Biz bu nüfuzlu tədbirə fəal şəkildə qatılmağa
və bu məsələdə Azərbaycana
mümkün olan hər cür yardımı göstərməyə
hazırıq".
Göründüyü kimi, COP29-un Azərbaycanda keçirilməsi ölkəmizə
bir sıra böyük üstünlüklər
gətirir. Eyni zamanda bu qərarın
qəbulu Azərbaycana
olan inam və etibarın göstəricisidir.
Son günlərdə
isə bu beynəlxalq sammitin ölkəmizdə keçirilməsi
və Azərbaycanın
bu toplantıya hazırlığı ilə
bağlı çox maraqlı fikirlər səsləndirilməkdədir. Gəlin, həmin fikirlərlə tanış
olaq:
Türkiyənin vitse-prezidenti
Cevdet Yılmaz: "Azərbaycanın COP29-a evsahibliyi
etməsindən böyük
məmnunluq duyuruq. Xüsusilə iqlim maliyyələşməsi mövzusunda
mühüm qərarların
qəbul ediləcəyi
bu konfransa hazırlıq prosesində
bir çox mövzularda sıx əməkdaşlığımızı və dəstəyimizi davam etdirəcəyik. Azərbaycanın COP29-a evsahibliyi
regional əməkdaşlıq
baxımından da böyük önəm daşıyır. Bu baxımdan, Azərbaycanın
konfransda Türk Dövlətləri Təşkilatının
bir təşəbbüsünə
yer verilməsi və ya ortaq
bir tədbirin keçirilməsi ilə bağlı təklifini məmnunluqla qarşılayırıq".
BP-nin Azərbaycan,
Gürcüstan və
Türkiyə üzrə
regional prezidenti Qəri Counz 18-ci Bakı Yay Enerji
Məktəbinin açılış
mərasimində ölkəmizin
bütün regionun və Avropanın enerji təhlükəsizliyində
mühüm rol oynadığını deyərək
vurğulayıb ki, Azərbaycanı "yaşıl
enerji" sahəsində
də parlaq gələcək gözləyir.
Amerika Siyasi Elmlər Assosiasiyasının
üzvü, professor Brenda Şaffer isə deyib ki, Azərbaycan innovator olmaqla həm ənənəvi enerji, həm də bərpaolunan enerji mənbələrindən
istifadədə böyük
uğurlar qazanacaq:
"Azərbaycan həmişə
yenilikçi olub və enerji məsələlərinə çox
real yanaşıb. Ölkə mədən yanacaqları, neft, təbii qaz, külək və günəş enerjisi ehtiyatları ilə zəngindir. Ən yaxşı siyasət bütün mövcud enerji növlərindən
istifadə etməkdir".
Hazırda Azərbaycan
iqtisadiyyatının olduqca
perspektivli bir sahəsi "yaşıl
enerji"dir və
COP29-un ölkəmizdə keçirilməsi
bu sahənin uğurla qurulması baxımından çox əhəmiyyətli rol oynayacaq. Azərbaycan qlobal təhlükəsizliyin
etibarlı təmin olunması istiqamətində
çox təsirli təşəbbüslərlə çıxış edir.
Eyni zamanda praktiki addımları ilə ciddi töhfələr verir.
COP29-un ölkəmizdə keçirilməsi hər şeydən əvvəl Cənubi Qafqazda iqlim dəyişmələrinin
mənfi təsirlərinin
azaldılması məsələsinə
daha ciddi maliyyənin ayrılması,
diqqətin yetirilməsi
baxımından da əhəmiyyətli olacaq.
Rəşad
BAXŞƏLİYEV,
Azərbaycan.-2024.-
9 iyul (№ 141).- S.11.