Azərbaycan və Pakistan arasında imzalanmış
sənədlər münasibətləri
yeni səviyyəyə
yüksəldəcək
"Prezident İlham
Əliyevin Pakistan İslam Respublikasına dövlət səfəri
Prezidentin təyyarəsi
hələ qardaş ölkəyə enmədən
beynəlxalq arenada böyük rezonansa səbəb oldu. Pakistanın qırıcılarının
Azərbaycan liderinin təyyarəsini müşayiət
etməsini əks etdirən kadrların yayılması hər kəsin diqqət mərkəzində oldu".
Bu sözləri
"Azərbaycan" qəzetinə
açıqlamasında Milli
Məclisin deputatı
Müşfiq Cəfərov
deyib. Deputat bildirib ki, Pakistanın
Baş naziri Məhəmməd Şahbaz
Şərifin Prezident
İlham Əliyevi İslamabadın hava limanındaca şəxsən
yüksək səviyyədə
qarşılaması, keçirilən
görüşlər, imzalanan
sənədlər, dostluq
və qardaşlığa
əsaslanan bəyanatlar
bu müttəfiqliyin əbədi olacağından
xəbər verir. Dövlət başçısının
Pakistan İslam Respublikasına dövlət
səfəri çox
mühüm hadisələrlə
yadda qaldı. Pakistanla Azərbaycan arasında qardaşlıq
münasibətlərinin təməli
bu gün deyil, çoxdan qoyulub. İkitərəfli
və çoxtərəfli
münasibətlərdə Azərbaycan və Pakistan hər zaman bir-birini dəstəkləyir. Pakistan
Ermənistanın işğalçılıq
siyasətinə görə
onunla heç bir diplomatik münasibət qurmayan dövlətlərdən biridir
və bu addım ölkəmiz tərəfindən yüksək
qiymətləndirilib. "Dövlətimiz
də öz növbəsində Cammu və Kəşmir məsələsində birmənalı
dəstəyini Pakistandan
heç vaxt əsirgəməyib. Prezident
İlham Əliyev də öz çıxışında qeyd
etdi ki, Kəşmirdəki qardaşlarımızla
çiyin-çiyinə dayanacağıq,
beynəlxalq hüquqa
sadiq qalmağa davam edəcəyik, ədalətin tərəfində
olacağıq", - deyə
deputat xatırladıb.
O qeyd edib ki, səfər çərçivəsində imzalanan sənədlər
yüksək səviyyədə
olan ikitərəfli
münasibətləri daha
yeni bir səviyyəyə qaldıracaq.
Bu görüşdən
sonra əminliklə deyə bilərik ki, qardaş ölkələr arasındakı
investisiyalar və ticarət dövriyyəsi
dəfələrlə artacaq.
Azərbaycan-Türkiyə-Pakistan üçtərəfli formatından
danışan deputat bildirib ki, 44 günlük müharibə
zamanı bu üçtərəfli format
sınaqdan uğurla keçərək özünü
təsdiqləyib: "Azərbaycan
üçün Türkiyə
və Pakistanın mənəvi-siyasi dəstəyi
böyük əhəmiyyət
kəsb edir. Bu dəstəyin müharibədən sonrakı
dövrdə də davam etməsi cəmiyyətimiz tərəfindən
hər zaman yüksək qiymətləndirilir".
Əsmər QARDAŞXANOVA,
Azərbaycan.-2024.-
17 iyul (№ 148).- S.6.