Milli Kitabxanada virtual sərgilər açılıb

Şuşa şəhərinin 2024-cü il üçün "İslam dünyasının mədəniyyət paytaxtı" elan edilməsi ilə əlaqədar Azərbaycan Milli Kitabxanasının hazırladığı "Şuşa əl işləri" adlı virtual sərgi onlayn rejimdə istifadəçilərə təqdim olunub.

Bu barədə kitabxanadan məlumat verilib. Bildirilib ki, virtual sərgidə Şuşa şəhərində XIX əsr tikmə nümunələri, onların təsnifatı, əyani-vizual görüntüləri və qısa tarixi öz əksini tapıb.

* * *

Azərbaycan Milli Kitabxanasının hazırladığı "Şuşa zərgərlik məmulatları" adlı virtual sərgi istifadəçilərə təqdim olunub.

Kitabxanadan bildirilib ki, sərgidə Şuşa sənətkarlarının hazırladığı zərgərlik nümunələri, onların təsnifatı haqqında məlumatlar, əyani-vizual görüntüləri və qısa tarixi əksini tapıb.

Azərbaycan.-2024.- 19 iyul (№ 150).- S.11.