Demokratların əksəriyyəti Kamala
Harrisin partiyanın prezidentliyə namizədi olmasını istəyirlər
Hazırda koronavirusa
yoluxma diaqnozu ilə təcrid olunmuş ABŞ Prezidenti
Co Baydenin ailə üzvləri onun prezidentlik yarışından
geri çəkilməsi
planını müzakirə
edirlər. Bu barədə xəbər verən NBC nəşri yazır ki, Baydenin çıxış
planı ABŞ-nin keçmiş prezidenti Donald Trampı məğlub etmək üçün Demokratlar
Partiyasına ən əlverişli vəziyyət
yaratmalıdır.
Bildirilir ki, Baydenin yenidən seçilmə səylərinin
bir hissəsi olan partiya liderləri,
sponsorlar və məmurlar arasında narahatlıqları Trampla üç həftə əvvəl keçirilmiş
debatdan bəri hər keçən gün artır.
Bundan əvvəl,
iyulun 18-də "Axios"
nəşri bir sıra yüksəkvəzifəli
demokratlara istinadla, Baydenin partiya daxilində ciddi təzyiq altında olduğunu bildirmişdi. Məlumata əsasən, Amerika Prezidenti seçki yarışından
imtina etməyə məcbur edilir.
Baydenə, xüsusən
də qocaldığına
və səhhətinin
zəifliyinə görə
etibar edilmir, çünki ABŞ-nin hazırkı lideri dəfələrlə ictimaiyyət
qarşısında qəribə
davranışlar nümayiş
etdirib. Məsələn
o, bir radio müsahibəsində özünü
qaradərili qadın kimi təqdim edib. Mart ayında Miluokidəki çıxışı
zamanı Bayden hansı müddətdir prezident olduğunu deyə bilməyib. İyulun 18-də isə prezident müdafiə naziri Lloyd Ostinin adını və soyadını unudub və onu sadəcə
olaraq, "qaradərili
kişi" adlandırıb.
ABŞ Nümayəndələr Palatasının keçmiş
spikeri Nensi Pelosi Demokratlar Partiyasının üzvlərinə
bildirib ki, Co Baydeni tezliklə prezidentlik yarışından
geri çəkilməyə
razı sala bilərlər. Bu barədə Demokrat Partiyasındakı mənbələrə
istinadən "Vaşinqton
Post" məlumat yayıb.
Keçmiş spiker
partiya üzvlərinə
deyib ki, Bayden noyabrda qalib gəlmək şansına dair ciddi şübhələr
fonunda tezliklə seçkidən kənarlaşdırıla
bilər. Partiya daxilində hələ də əhəmiyyətli
təsirə malik olan Pelosi prezidentin
yenidən seçilməkdən
imtina etməyə yaxın olduğuna inandığını vurğulayıb.
Konqresdəki mənbələrin
bildirdiyinə görə,
Pelosi dəfələrlə
Ağ Evdə siyasi böhranı müzakirə etməyə
və onu aradan qaldırmaq yollarını axtarmağa
hazır olduğunu bildirib. Partiya üzvləri ilə görüşlər zamanı
o, əsas bölgələrdə
səsvermə məlumatları
və Baydenə ictimai dəstək haqqında ətraflı qeydlər aparıb.
ABŞ-nin
hazırkı Prezidenti
ilə son söhbətində keçmiş
spiker ona sorğunun nəticələrinin
ümidverici olmadığını
bildirib. Eyni zamanda demokratların əksəriyyəti
vitse-prezident Kamala Harrisin
prezident olmasını
istəyir. Belə ki,
Demokratlar Partiyasının
hər 10 üzvündən
6-sı Harrisin prezident
seçilməyə daha
çox layiq olduğu fikrindədir.
AP-NORC İctimaiyyətlə Əlaqələr
üzrə Araşdırmalar
Mərkəzinin sorğusuna
əsasən, qalan 4 nəfərdən 2-si onun
bu vəzifəsini icra edə biləcəyinə
inanmayıb, digər
2-si isə fikir bildirməkdə çətinlik
çəkib.
Qeyd edək
ki, ötən ayın
27-də sabiq prezident
Donald Trampla debat zamanı Co Baydenin uğursuz çıxışından
sonra Demokratlar Partiyasında Kamala Harrisin
dəstəkçilərinin sayı artıb. Partiya təmsilçiləri
indiki prezidenti seçki mübarizəsindən
geri çəkilməyə
və Kamala Harrisin namizədliyini irəli sürməyə çağırırlar.
Demokratlar Partiyasının
namizədinin adı partiyanın avqustun 19-22-də
Çikaqoda keçiriləcək
Milli Qurultayında elan olunacaq.
Son məlumata görə,
ABŞ Demokratlar Partiyasının
ən böyük donorlarından biri, milyarder Maykl Morits Co Baydenin seçki kampaniyasına sponsorluq etməkdən imtina edərək onu yarışdan çəkilməyə
çağırıb. Bu barədə
"The New York Times" qəzeti yazır.
Moritsin vurğuladığı
kimi, "o, ya ölkəni qaranlıq və qəddar dövrlərə məhkum
edə ,
ya da Zamanın Atasının səsini dinləyə bilər. Vaxt bitib".
Qəzetin redaktoruna
yazdığı məktubda
biznesmen təkcə Baydenə deyil, bütün Demokratlar Partiyasına vəsaitin ayrılmasını dayandırdığını
açıqlayıb. Eyni
zamanda o, Baydenə səs verəcəyini, lakin demokratların pultoplama çağırışlarına
bir sent də ayırmayacağını bildirib.
Qeyd olunur
ki, Morits 2024-cü il seçki dövründə Baydenin kampaniyasına 7,8 milyon
dollar verib və bu pulun böyük
hissəsi Donald Trampı
gözdən salan reklamlar yayımlayan
"American Bridge PAC" təşkilatının
işinə xərclənib.
Rizvan
CƏFƏROV,
Azərbaycan.-2024.-
21 iyul (№ 152).- S.11.