Qərb regionu yenidən müharibə ocağına
çevirmək iddiasındadır
"Son vaxtlar Azərbaycan tərəfindən
dəfələrlə Ermənistana
xəbərdarlıq edilib.
Ermənistana silah-sursatın
verilməsi ilə bağlı istər Hindistanla bağlanan müqavilə, istər
"Avropa Sülh Fondu" adı ilə 10 milyon avroluq vəsaitin verilməsi, istərsə
də Fransa ilə hərbiləşmə
sahəsində bağlanan
sazişlər gərginliyin
artırılması və
Azərbaycan əleyhinə
atılan addımlardır.
Bununla əlaqədar Ermənistan özü nəticə çıxarmalıdır".
Bu sözləri
"Azərbaycan" qəzetinə
açıqlamasında Milli
Məclisin deputatı
Arzu Nağıyev deyib. Deputat bildirib ki, "Avropa Sülh Fondu"ndan ayrılmış
10 milyon avro Ermənistanın silahlı
qüvvələrində modernləşdirmə
prosesi aparmaq üçündür, yəni
yeni silahların alınması və digər istiqamətlərdə
xərclənəcək vəsait
kimi nəzərdə
tutulub. Avropa İttifaqının Sülh
Fondu adı ilə çıxış
edilsə də, məlum məsələdir
ki, bu vəsait
sülhün bərqərar
olunması üçün
deyil. Sadəcə olaraq, Qərbin məqsədi Ermənistandan
istifadə edərək
Cənubi Qafqazda nüfuz sahibi olmaqdır.
Bir müddət
əvvəl Fransa və Ermənistan müdafiə nazirlikləri
arasında bağlanmış
müqavilələrin də
Hayastana məhz silah-sursatın verilməsi
məqsədilə imzalandığını
xatırladan A.Nağıyev
deyib ki, bütün bunlar Azərbaycana qarşı atılan addımlardır.
"Bununla paralel olaraq Rusiyanın Cənubi Qafqazda, xüsusən Ermənistanda
nüfuzunun aşağı
salınması hədəflənir.
Ermənistan Kollektiv Təhlükəsizlik Müqaviləsi
Təşkilatında üzv
olmaqdan imtina edir, eyni zamanda
Fransa ilə müqavilələr bağlayır.
NATO isə
ona silah-sursat, həmçinin dolayı yollarla vəsait ayırır. Rusiya birmənalı olaraq bunun əleyhinədir, bəyanatlarında da bunu rəsmi Moskvaya qarşı atılan addım kimi qiymətləndirir", - deyə
deputat bildirib.
O qeyd
edib ki, hərbi təxribatların artması,
Qərbin Ermənistanı
silahlandırması Azərbaycan
tərəfindən ciddi
izlənilir, təhlillər
aparılır. Hər
hansı təhdidin qarşısını almaq
üçün mütləq
şəkildə adekvat
addımlar atılır
və bundan sonra da atılacaq. Ermənistanın öz daxili və xarici siyasəti, müstəqilliyi olmadığı
üçün Qərbin
atdığı addımların
nə ilə nəticələnəcəyini hələ də dərk edə bilmir.
A.Nağıyev vurğulayıb
ki, Avropa ölkələri
həmin sülh fondundan Ukraynanı, digər dövlətləri
silahlandırsalar da, fiaskoya
uğradıqları üçün
indi də həm Rusiya əleyhinə, həm də Cənubi Qafqazda sülhün pozulması istiqamətində
plastdarm kimi Ermənistanı seçməklə
ondan vasitə kimi istifadə edirlər: "Müxtəlif
bəhanələr gətirə
bilərlər, lakin silah-sursatın, hərbi texnikanın artması bir daha münaqişənin
yenidən alovlanmasına
rəvac verir və sülhün bərqərar olmasına ziyan gətirəcək əsas amil kimi nəzərə alınmalıdır.
Ümumilikdə Qərbin
atdığı addımlar
sülhə deyil, yeni
müharibə ocaqlarının
yaradılmasına xidmət
edir".
Əsmər QARDAŞXANOVA,
Azərbaycan.-2024.-
28 iyul (№ 158).- S.6.