Polşalı səyyah Xudafərin körpüsünün UNESCO-nun İrs Siyahısına salınmasını vacib sayır

Çox şadam ki, Xudafərin körpüsünü görə bildim. Bunu "Report"a Cəbrayılda polşalı səyyah Bartoş Kozik deyib. "Biz buranı ziyarət etməyi bacaran ilk turistlərdənik. Ümid edirəm ki, bütün dünya bizim kimi buranı gəlib görə biləcək. Həmçinin Xudafərin körpüsünün UNESCO-nun Ümumdünya İrs Siyahısına daxil edilməsini də görmək istərdim", - o bildirib.

Xatırladaq ki, 35 nəfərdən ibarət beynəlxalq səyyahdan ibarət nümayəndə heyəti Azərbaycanın işğaldan azad edilmiş ərazilərində səfərdədir. Dünən onlar Cəbrayıl rayonundakı Xudafərin körpüsündə olublar.

Səfər dünyaca məşhur MTP (Most Traveled People) səyyar klubu tərəfindən təşkil edilib.

Azərbaycan.-2024.- 28 iyul (№ 158).- S.4.