Türk Akademiyasının Elmi şurasının VII iclası keçirilib

İyunun 1-də Şuşa şəhərində Türk Akademiyasının Elmi şurasının VII iclası keçirilib.

AZƏRTAC xəbər verir ki, Türk Akademiyasının prezidenti Şahin Mustafayev iclasın Şuşada keçirilməsini əlamətdar hadisə kimi qiymətləndirib. Şahin Mustafayev bildirib ki, bu iclas elmi əməkdaşlığın möhkəmləndirilməsi barədə fikir mübadiləsi aparmağa və müvafiq qərarlar qəbul etməyə imkan verir.

Elm və təhsil naziri Emin Əmrullayev Şuşa şəhərinin belə bir mötəbər tədbirə ev sahibliyi etməsindən məmnunluğunu bildirib. Türk Akademiyasının məqsədlərindən danışan Emin Əmrullayev bu qurum ilə əməkdaşlıq çərçivəsində elm və təhsil sahəsində həyata keçirilən işlərdən bəhs edib.

Daha sonra iclasın gündəliyində duran məsələlər müzakirə olunub.

İclas çərçivəsində Türk Akademiyasının fəaliyyət hesabatı təqdim olunub.

Azərbaycan.-2024.- 2 iyun, № 115.- S.4.