"Demokratiyadan dəm
vuran Avropa Parlamenti rüşvət və korrupsiya yuvasına çevrilib. Avroparlament belə faktlara görə dünyada artıq antidemokratik qurum kimi tanınır. Bu bir daha
sübut edir ki, nəinki parlament, Avropada bir sıra strukturlar
da böhran keçirir. Dəfələrlə
ifşa edilmələrinə
baxmayaraq, öz çirkin əməllərini
davam etdirən belə qurumların fəaliyyətinə yenidən
baxılmalıdır".
Bu fikirləri qəzetimizə açıqlamasında
Milli Məclisin deputatı Arzu Nağıyev deyib. Deputat bildirib ki, Avropa Parlamentində
rüşvət və
korrupsiya faktları ilə bağlı mütəmadi olaraq cinayət işləri qaldırılır: "Bir
sıra dövlətlərin
Avroparlamentdə təmsil
olunan deputatları barədə həbs-qətimkan
tədbirləri seçilir,
özlərinin və
köməkçilərinin ofisində axtarışlar
aparılır. Bir neçə gün əvvəl sözügedən
parlamentdə yeni korrupsiya qalmaqalı yaşanıb. Məlumatlara
əsasən, artıq
bir deputatın köməkçisi haqda cinayət işi qaldırılıb. Bütün
bunlar göstərir ki, Avropa Parlamentində
nə qədər demokratik dəyərlərdən
və insan haqlarından danışılsa
da, orada korrupsiya və rüşvət halları
baş alıb gedir".
Deputat söyləyib
ki, iyunun 6-9-da Avropa Parlamentinə keçiriləcək seçkilərlə
bağlı olaraq namizədlərarası "mübarizə"
genişlənib: "Məsələ
elə bir vəziyyətə gəlib
çıxıb ki, artıq korrupsiya və rüşvət faktları ilə bağlı müxtəlif
dövlətlər günahlandırılır.
Son qalmaqalın hədəfi də Rusiyadır. Guya Rusiya Avropa Parlamentində
öz nüfuzunu artırmaq üçün
rüşvət verib.
Lakin bu, Rusiya tərəfindən təkzib edilib".
Arzu Nağıyev
Avroparlamentdə aşkarlanan
rüşvət və
korrupsiya hallarında
"erməni izi"
barədə də danışıb. Bildirib ki, erməniəsilli oliqarxlar avroparlamentarilərə
külli miqdarda rüşvət verməkdə
ad çıxarıblar:
"Avropa Parlamentində
nüfuzunu artırmağa
çalışan erməni
lobbisi müxtəlif deputatların korrupsiyaya cəlb edilməsinə çalışır, eyni
zamanda parlamentariləri
separatizmi dəstəkləyəcək
qərarlar qəbul etmələri üçün
rüşvətlə ələ
alır. Beləliklə,
onlar müxtəlif dövlətləri insan haqlarını tapdalamaqda günahlandırır, ittihamlar
irəli sürürlər.
Bu faktlar hərtərəfli araşdırılmalı
və ictimaiyyətə
məlumat verilməlidir.
Mühüm qərarlar
qəbul etməsi lazım olan bir qurumda belə
xoşagəlməz halların
getdikcə genişlənməsi
onun əsl mahiyyətindən xəbər
verir".
Nəzrin QAFARZADƏ,
Azərbaycan.-2024.-
2 iyun, № 115.- S.6.