Turistlər
Numeanı tərk edə bilmirlər
Qabriel Attal: "Yeni Kaledoniyada vəziyyət gərgin olaraq qalır"
Fransanın Baş
nazirinin sözlərinə
görə, adada vəziyyət gərgin olaraq qalarkən Yeni Kaledoniyadan turistlərin təxliyəsi
ləng templə həyata keçirilir. Bu barədə
"Euronews" telekanalı vəbər verir.
Mayın ortalarında
Yeni Kaledoniyada müstəqillik tərəfdarlarının
etiraz aksiyaları, ardınca isə iğtişaşlar baş
verib. Adada fövqəladə vəziyyət
elan edilib və Numea hava
limanı iyunun 2-dək
kommersiya uçuşları
üçün bağlanıb.
Hazırda onlarla fransız turist Yeni Kaledoniyanı tərk edə bilmir.
İnsanlar özlərini
tərk edilmiş hiss etdiklərini, yerli hakimiyyət orqanları isə adada sakitliyi qorumaq üçün əllərindən gələni
etdiklərini deyirlər.
Xatırladaq ki,
ötən ayın
14-də Yeni Kaledoniyada
Fransa parlamentinin seçki qanunvericiliyinə
dəyişiklikləri nəzərdən
keçirməsi ilə
bağlı etirazlar başlayıb. Toqquşma
nəticəsində iki
həftə ərzində
adada ikisi jandarm olmaqla 7 nəfər həlak olub. Paris fövqəladə
vəziyyət elan etməyə və adaya əlavə hüquq-mühafizə qüvvələri
göndərməyə məcbur
olub. Fövqəladə
vəziyyət daha sonra ləğv edilib, lakin komendant
saatının tətbiqi
davam edir. Cümə günü yerli hakimiyyət orqanları Numea hava limanının iyunun 3-ü səhərə
qədər kommersiya uçuşları üçün
bağlı qalacağını
açıqlayıb. Fransa,
Avstraliya və Yeni Zelandiyadan olan hərbi nəqliyyat təyyarələri
son bir neçə
gündə 1600-dən çox
fransız və xarici turisti adadan təxliyə edib. Son məlumata
görə, Fransanın
Baş naziri Qabriel Attal yerli
TF1 telekanalına bildirib
ki, Yeni Kaledoniyada vəziyyət gərgin olaraq qalır.
Beşinci respublikanın
"xüsusi inzibati-ərazi
qurumu" adlandırılan,
əslində isə müstəmləkəsi olan
bu adalar qrupu Avstraliyanın şərqində, Sakit okeanın cənubunda yerləşir. Əhalisi
270 min nəfərdir ki, onlardan da
40 faizi yerli kanak xalqıdır.
Arxipelaq 1774-cü ildə
məşhur ingilis dəniz səyyahı Ceyms Kuk tərəfindən
kəşf edilib. Bundan sonra orada
avropalı müstəmləkəçilər
peyda olmağa başlayıblar. Fransa
1853-cü ildə bu əraziləri öz mülkü elan edib. 1998-ci ildə Paris və Numea Yeni
Kaledoniyada 20 ildən sonra adaların gələcəyi ilə bağlı üç referendumun keçiriləcəyinə
dair saziş imzalayıblar. İlk iki plebissitdə müstəqillik tərəfdarları
cüzi fərqlə məğlub olmuş, koronavirus epidemiyası dövründə keçirilən
üçüncü referendum
isə kanaklar tərəfindən boykot edilmişdi.
Yeni Kaledoniya müəyyən muxtariyyətə
malikdir, lakin eyni zamanda təhsil,
müdafiə məsələlərində
Parisdən asılıdır.
Fransanı burada
Beşinci respublikanın prezidenti tərəfindən təyin
olunan ali komissar təmsil edir.
Emmanuel Makronun
diktator vərdişləri, uğursuz siyasəti ucbatından
Fransa xüsusi inzibati-ərazi qurumu statusuna malik olan Yeni
Kaledoniyanı itirə bilər.
Fransa Prezidenti
Yeni Kaledoniyanın yerli əhalisi olan kanakların müstəqillik
elan etmək cəhdlərinin qarşısını almaq məqsədi
güdən yeni seçki qanunu təqdim etmək istəyir.
Lakin bu, əks effekt verib və Numeanın fransız xüsusi
təyinatlıları, zirehli texnika və jandarmlarla dolu
olmasına baxmayaraq, bu gün də davam edən xalq
üsyanına səbəb olub.
Rizvan CƏFƏROV,
Azərbaycan.-2024.-
2 iyun, № 115.- S.6.