"Məni
doğma evimə qaytaran Müzəffər Ali Baş Komandana
minnətdaram"
Bu günlər
xalqımız həyatının
ən xoş çağlarını yaşayır.
32 ildən sonra Xocalıya, Xankəndiyə,
Əsgərana, Ağdərəyə,
bütövlükdə Qarabağa
qayıdırıq. Doğma
ocaqlar, dədə-baba
yurdları əbədi-əzəli
sakinlərini yenidən
qoynuna alır.
32 il əvvəl
bütün bunlar yalnız xəyal idi. Amma artıq arzular, istəklər reallığa
çevrilir. İndi biz xəyalların
reallaşdığı bir
dövrdə yaşayırıq.
Bu gün şuşalılar,
laçınlılar, füzulililər,
xocalılılar doğma
ocaqlarına qayıdırlar.
İşğaldan azad
olunmuş başqa bölgələrdə də
kəndlərin, qəsəbələrin
və rayon mərkəzlərinin
bünövrəsi qoyulur.
Davamlı olaraq bərpa və quruculuq işləri
aparılır.
Xəyallar bir
günün, bir anın içində gerçəkləşmədi.
Bu, Azərbaycan Ordusunun Müzəffər Ali Baş Komandan
İlham Əliyevin rəhbərliyi altında
apardığı gərgin və uğurlu döyüşlərdən
sonra reallaşdı. İllərdən bəri Qarabağda məskunlaşmış
erməni separatçılarına həlledici və
sarsıdıcı zərbə isə 19-20 sentyabr 2023-cü
ildə uğurla həyata keçirilən antiterror tədbirində
vuruldu. 23 saat 43 dəqiqə çəkən əməliyyat
zamanı separatçılar diz çökdürüldü.
Bundan sonra Qarabağın qapıları xalqımızın
üzünə geniş açıldı. Antiterror əməliyyatı
başa çatan kimi separatçılardan azad olunmuş ərazilərdə
bərpa-quruculuq işlərinə başlanıldı.
Artıq Xocalıda da tikilmiş və bərpa olunmuş evlər
qapısını əbədi-əzəli sakinlərinin
üzünə açıb, köç başlanıb.
Azərbaycan
Prezidenti İlham Əliyev, birinci xanım Mehriban Əliyeva və
qızları Arzu Əliyeva mayın 28-də Xocalı şəhərinə
köçən sakinlərlə görüşüblər.
Dövlətimizin başçısı Xocalı sakinlərinə
mənzillərin açarlarını təqdim edib. Sonra
Prezident İlham Əliyev, birinci xanım Mehriban Əliyeva və
qızları Arzu Əliyeva sakinlərlə birlikdə
Xocalı şəhərini gəziblər, burada görülən
işlər və Xocalı şəhərinin baş
planı ilə tanış olublar.
Böyük
sevinc içində doğma ocaqlarına dönən
Xocalı sakinlərindən biri də Əməkdar jurnalist Səriyyə
Müslümqızıdır. Dövlətimizin
başçısı Səriyyə xanımın evində,
həyətində olub, onunla söhbət edib. Həyatının
ən gözəl, ən yaddaqalan anlarını yaşayan Səriyyə
Müslümqızı təəssüratlarını bizimlə
də bölüşdü: "Uzun illərdən sonra
doğma yurdum Xocalıya qayıtmışam, ev-eşiyimə
dönmüşəm. Mən bu evdə doğulub
böyümüşəm. Taleyə, qismətə baxın
ki, Xocalıdan məcburi köçkün düşəndə
32 yaşım var idi. Düz 32 ildən sonra doğma ocaqlarımıza
qayıtmışam. Yaşadığım ömrün
yarısı qaçqınlıqda keçib. Həmişə
Xocalıya necə qayıdacağımı
düşünürdüm. Erməni
işğalçıları evimizi
dağıtmamışdılar, hərbi məqsədlər
üçün istifadə etmişdilər. Evi üç
qız övladı böyütmüş anam tikmişdi.
Bütün bunlar haqqında dövlət
başçımıza danışdım. Artıq evimizə
qayıtmışam. Mənim üçün bundan
böyük səadət və xoşbəxtlik yoxdur. O da mənim
üçün ikiqat sevincdir ki, Prezident İlham Əliyev,
birinci xanım Mehriban Əliyeva həyətimə, evimə
baxdılar. Ömrümün ən unudulmaz, ən xoşbəxt
anlarını yaşadım. Sanki dünyaya yenidən gəlmişəm.
Şükürlər olsun ki, xəyallarımız 32 ildən
sonra gerçəkləşdi. Bu gün Xocalıya xəyallarımızı
gerçəkləşdirən Müzəffər Ali Baş
Komandana və Azərbaycan Ordusunun cəsur hərbçilərinə
minnətdarlıq hissi ilə qayıdırıq. Təəssüflər
olsun ki, erməni qəsbkarları anamı öldürdülər.
İndi anamın ruhu şaddır ki, mən evimizin ermənilər
tərəfindən söndürülmüş
çırağını yandırmışam.
Qayıdışımızla doğma ocaqlarımıza yeni həyat
gətirəcəyik. Xocalını əvvəlki gözəl
günlərinə qaytaracağıq, şəhərimizi daha
da gözəlləşdirəcəyik".
32 ildən sonra
doğma ocaqlarına qayıdan insanların
üz-gözündən sevinc yağırdı. Sevinc sevincə
qarışmışdı. İllərdən bəri
gözlədikləri gün bir yaz günündə
onların qapısını döymüşdü. Doğma
sakinlərini qoynuna alan Xocalının da üzü
gülürdü. Həm Xocalının, həm də
xocalılıların çətin, keşməkeşli
günləri artıq arxada qaldı. Separatçılar məhv
edildi, sağ qalanlar silahlarını yerə qoyub
könüllü olaraq Qarabağdan çıxıb getdilər.
Bundan sonra Xocalı sakinlərinin xoşbəxt günləri
başlayacaq. Bir daha bu torpaqlara erməni
separatçılarının ayağı dəyməyəcək.
Xocalı daha da gözəlləşəcək, Qarabağ cənnətə
dönəcək.
Vahid
MƏHƏRRƏMOV,
Azərbaycan.-2024.-
2 iyun, № 115.- S.7.