Ermənistan
mina xəritələrini
təhvil verməməklə
beynəlxalq hüququ
tapdalayır
""Minaların ətraf mühitə təsirinin azaldılması
- Təhlükəsiz və
yaşıl gələcək
üçün resursların
səfərbər olunması"
mövzusunda konfransın
məhz Azərbaycanda
keçirilməsi böyük
əhəmiyyət kəsb
edir. Məlumdur ki, Azərbaycan minalarla ən çox çirkləndirilmiş
ölkələrdən biridir".
Bu sözləri
"Azərbaycan" qəzetinə
açıqlamasında Milli
Məclisin deputatı
Arzu Nağıyev deyib. Deputat bildirib ki, Azərbaycan,
həmçinin beynəlxalq
səviyyədə minalanmaya
qarşı mübarizə
aparan mərkəz statusunu qazanmış dövlətdir.
Arzu Nağıyevin
sözlərinə görə,
Ermənistanın müharibə
cinayətləri nəticəsində
Azərbaycan ərazisinin
12 faizi mina və partlamamış sursatlarla çirkləndirilib:
"Bu gün işğaldan azad edilmiş ərazilərin
yenidən qurulmasına
və Böyük qayıdışa maneə
olan ən ciddi problem minalardır.
Otuz il ərzində
erməni terrorçuları
tərəfindən ərazilərimizdə
çoxsaylı minalar
basdırılıb və
bunlar quruculuq işlərinə maneə
törədir. İnsanların
həyatına son qoyan mina terroru
aqrar sahəyə də ciddi zərbə
vurur. Təsadüfi deyil ki, hazırda
kənd təsərrüfatı
üçün yararlı
torpaq fondumuzun bir qismi mina
terroruna məruz qalıb".
Deputat vurğulayıb
ki, İrəvana dəfələrlə edilən
xəbərdarlıqlara və
beynəlxalq platformalarda
səslənən çağırışlara
baxmayaraq, Ermənistan
dəqiq mina xəritələrini Azərbaycana
hələ də təhvil verməyib: "Onlar mina xəritələrini
verməkdən ya imtina edir, ya
da təqdim etdikləri xəritələr
yararsız çıxır.
Ona görə də mövcud problemin həlli istiqamətində Azərbaycan
təkbaşına mübarizə
aparır, öz vəsaiti hesabına ərazilərini minalardan təmizləyir. Hesab edirəm ki, mina xəritələrinin
verilməsi üçün
beynəlxalq ictimaiyyət
də İrəvana təzyiq göstərməlidir".
A.Nağıyev qeyd
edib ki, Azərbaycanın ərazilərin
minalardan təmizlənməsi
istiqamətində gördüyü
işlərin nəticəsində
keçmiş məcburi
köçkünlər mərhələli
şəkildə yurd-yuvalarına
qayıdırlar.
Ə.QARDAŞXANOVA,
Azərbaycan.-2024.-
8 iyun, № 120.- S.8.