Armen
Qriqoryanın sərsəmləməsi
revanşizmin təzahürüdür
Sülh müqaviləsinin
imzalanması üçün
yaranmış mühüm
və kövrək məqamda Ermənistan Təhlükəsizlik Şurasının
katibi Armen Qriqoryan hədsiz, həyasız və bir o qədər də reallıqdan uzaq iddiaları ilə əslində İrəvanın barışa
yox, revanşa kökləndiyini açıq
şəkildə ortaya
qoydu. A.Qriqoryanın sərsəm sayıqlamalarına
görə guya Qarabağı Rusiya Ermənistanın əlindən
alıb Azərbaycana verib.
Ermənistanın Qafqazda
bir dövlət kimi mövcudluğunun, Qarabağa ermənilərin
köçürülməsinin özü belə tarixən Rusiyanın Cənubi Qafqaz siyasətinin nəticəsidir.
1990-cı illərin əvvəllərində
Ermənistanın Azərbaycan
torpaqlarını işğal
edə bilməsi məhz Rusiya ordusunun köməyi ilə mümkün olub. Ermənistanın öz gücünə qalsa idi, torpaqlarımızın
həndəvərinə belə
yaxın düşə
bilməzdi, o ki qala zəbt edəydi. Ermənistan havadarlarının köməyi
ilə 30 illik zaman ərzində işğal siyasəti həyata keçirdi, ərazilərimizi özününküləşdirmək
üçün bütün
beynəlxalq qanunlara qarşı çıxdı,
sülh danışıqlarına
gəlmədi. Bu müddət ərzində
Ermənistan guya "Qarabağın erməni torpağı olması, ordularının məğlubedilməzliyi
kimi" uydurduğu miflərlə özünü
aldatmaqla məşğul
oldu. Hətta ermənilər bu yalan-palan quraşdırmalarına
o qədər inandılar
ki, Azərbaycanın cəmi 44 gün ərzində həm Qarabağı işğaldan
azad etməsini, həm də "yenilməz erməni ordusu"nun külünü
göyə sovurmasını
indinin özünə
qədər də anlaya və həzm edə bilmirlər.
Nə oldu, Paşinyan?
Ermənistanın iqtidarı
və müxalifəti,
revanşistlərə başçılıq
edən erməni keşişləri hələ
də "məğlubedilməz",
əslində isə fərarilərdən, qorxaqlardan
ibarət ordularının
hərb meydanında Azərbaycanın "dəmir
yumruğ"u, Bakının
siyasi qətiyyəti qarşısında cəmi
44 günə diz çökməsinin vahiməsindən
qurtula bilməyiblər.
Buna görədir ki, gerçəklikləri
qəbul etməkdənsə,
biabırçı məğlubiyyətlərini
yalan pərdəsi, absurd iddialarla ört-basdır etmək üçün çabalayırlar.
Axı 30 il idi ki, Qarabağı
Ermənistana birləşdirmək
üçün Qərb
mərkəzlərini səfərbər
etmişdilər. Azərbaycan
ərazilərini özününküləşdirmək
üçün oradakı
tarixi, dini, mədəni abidələrimizə
saxta erməni nişanları pərçimləyirdilər,
qondarma qurumlarına Şuşada parlament binası tikirdilər. Bir sözlə, torpaqlarımızda at oynatmaq istəyirdilər, amma bu mənfur
istəkləri başlarında
çatladı...
Quduz erməni iştahasının sonu heçə, puça çevrildi. 44 günlük
Vətən müharibəsi,
üstəgəl 23 saatlıq
antiterror tədbirləri
sayəsində torpaqlarımız
işğaldan azad edildi, Qarabağda separatizmin kökü kəsildi...
Ərazilərimizdən qovulan Ermənistanın gülünc halı isə Qalib Lider İlham Əliyevin bir cümlə ilə ifadə etdiyi "Nə oldu, Paşinyan?"
kimi dillərə düşən xalq zərb məsəlinə
çevrildi.
Revanşizm xülyalarından
əl çəkilməlidir
Təbii ki, erməni revanşistlər
üçün bu sarsıdıcı məğlubiyyəti
qəbul etmək çətindir. Ona görə də işləri-gücləri Azərbaycanın
qələbəsini onun-bunun
adına yazmaqdan ibarətdir. Gah Türkiyənin, gah Rusiyanın, gah da digər ölkələrin
Azərbaycana kömək
etdiyi kimi həqiqətdən uzaq fikirlər səsləndirirlər.
Bunu A.Qriqoryanın iddialarından da aydın görürük.
Vətən müharibəsində
Azərbaycan təkbaşına
düşmənlə döyüşə
atılaraq onun 30 il ərzində qurduğu istehkamları məhv etdi, basdırdığı minalı
sahələrdən keçərək
addım-addım torpaqlarını
azadlığa qovuşdurdu,
nə yerdə, nə göydə işğalçılara aman
verməyərək nəfəslərini
birdəfəlik kəsdi.
44 günlük müharibədə
Ermənistan ordusunun
10 mindən çox fərarisinin olmasının,
2020-ci il noyabrın
10-da kapitulyasiya aktının
imzalanmasının, Ağdamın,
Kəlbəcərin, Laçının
döyüşsüz qaytarılmasının
fonunda da bu ölkənin hansı biabırçı
məğlubiyyətə uğramasını
dünya görüb.
Eləcə də Müzəffər Ali Baş Komandan İlham Əliyevin bir kəlməsi ilə Qazaxın 4 kəndinin azad edilməsi Cənubi Qafqazda bütün şərtləri Azərbaycanın
diktə etdiyini ortaya qoyur.
Şübhəsiz, bunları
A.Qriqoryan, bütün
Ermənistan hakimiyyəti
və erməni revanşistlər bilir. Sadəcə onlar Azərbaycan tərəfindən
biabırçı məğlubiyyətə
uğramalarını ört-basdır
etmək üçün
müxtəlif spekulyasiyalara
əl atırlar.
"Ermənistan Təhlükəsizlik
Şurasının katibinin
bu açıqlaması
əvvəlki və indiki Ermənistan siyasi-hərbi rəhbərliyinin
məğlubiyyətini ört-basdır
etmək, günahı
başqasının üzərinə
yıxmaq və özünə bəraət
qazanmaq cəhdindən
başqa bir şey deyildir". Bu fikirləri Azərbaycan Respublikası
Prezidentinin köməkçisi
- Prezident Administrasiyasının
Xarici siyasət məsələləri şöbəsinin
müdiri Hikmət Hacıyev Ermənistan Təhlükəsizlik Şurasının
katibinin Qarabağın
guya Rusiya tərəfindən Azərbaycana
verilməsi ilə bağlı iddiasına münasibət bildirərkən
deyib.
Hikmət Hacıyev
bildirib: "Təəssüflə
qeyd etmək istərdik ki, bu kimi açıqlamalar
Ermənistanın siyasi-hərbi
rəhbərliyinin təfəkküründə
hələ də revanşizm xülyalarının
qalmasının təzahürüdür.
Ermənistanın siyasi-hərbi
rəhbərliyində olan
şəxslərə tarixi
səhvləri yenidən
təkrarlamamaq üçün
revizionizm və revanşizm xülyalarından
tamamilə əl çəkməyi, militarizasiya
siyasətinə son qoymağı tövsiyə
edirik".
Nə qədər
ki, gec deyil...
Dünya da
gördü ki, Azərbaycan 2020-ci ildə müharibə
meydanında təkbaşına vuruşaraq haqqı, ədaləti
özü bərpa etdi. Baxmayaraq ki, həmin zaman Ermənistan
həm hərbi, həm də siyasi, diplomatik baxımdan Qərbdəki
himayədarlarından böyük dəstək gördü.
Postmüharibə dövründə də İrəvan riyakar
dəstəkçilərindən kömək alır.
Müstəmləkəçi Fransa ilə Ermənistan
arasında "Caesar" özüyeriyən artilleriya
qurğularının alqı-satqısı barədə
müqavilənin imzalanması buna sübutdur. Ermənistanı
revanşa iştahlandıran da elə bu kimi hallardır.
Lakin nə qədər
ki, gec deyil, Ermənistan ağlını başına
toplamalı və Azərbaycanın beynəlxalq hüququn
prinsiplərinə uyğun təklif etdiyi bütün şərtləri
yerinə yetirərək sülh müqaviləsini
imzalamalıdır. Əks təqdirdə, olanlara görə
bütün məsuliyyəti İrəvan və onun
havadarları daşıyacaqlar.
Yasəmən
MUSAYEVA,
Azərbaycan.-
2024.- 28 iyun, ¹ 132.- S.9.