Azərbaycanın
"yaşıl enerji"si
dünyanın "yaşıl
iqtisadiyyat" zəncirinin
vacib həlqəsidir
COP29-un ölkəmizdə
keçirilməsinin bir
səbəbi də budur
Bu gün Bakı dünyanın cazibədar şəhərlərindən
birinə çevrilib.
Dünyanın ilk neft paytaxtı, liman
şəhəri olan,
tarixi abidələri və qədim karvansaraları ilə diqqət çəkən
Bakı son illər həm də qlobal beynəlxalq tədbirlərin
uğurla keçirildiyi
ünvandır. Bu, həm də ondan irəli gəlir ki, hazırda ölkəmizin dünyadakı nüfuzu yüksəkdir.
Elə tədbirlər
var ki, onların Bakıda keçirilməsi ənənə
halını alıb,
elələri də var ki, ilk
dəfə "qonağ"ımız
olur. Hələ böyük zəfərdən
əvvəl ölkəmizdə
keçirilən beynəlxalq
tədbirlər dünyanın "yaddaş
kitabı"na qırmızı
xətlə yazılıb.
44 günlük Vətən
müharibəsindən sonra
isə qalib Azərbaycan qapılarını
müxtəlif yönlü beynəlxalq
tədbirlərin üzünə
daha geniş açıb. Bu qapıları açan təkcə infrastruktur sarıdan hazırlıqlı
olmağımız yox,
həmçinin ölkəmizdə
hökm sürən siyasi sabitlik, dinamik sosial-iqtisadi inkişafdır.
Azərbaycan dünyada
neft və təbii qaz istehsalçısı kimi
tanınsa da, beynəlxalq ictimaiyyətin
etibarlı və məsuliyyətli üzvü
olaraq iqlim dəyişmələrinin fəsadlarına
qarşı mübarizəyə
də öz töhfəsini verir. Təsadüfi deyil ki, ölkəmizin 2030-cu ilə qədər sosial-iqtisadi inkişafına
dair beş milli prioritetindən biri "Təmiz ətraf mühit və yaşıl artım ölkəsi"
kimi müəyyən
edilib. Həmin prioritetə uyğun olaraq, ətraf mühitin sağlamlaşdırılması,
yaşıllıqların bərpası
və artırılması,
su ehtiyatlarından və dayanıqlı enerji mənbələrindən
səmərəli istifadənin
təmin edilməsi istiqamətində dayanmadan
işlər aparılır.
Azərbaycanda 2024-cü ilin
"Yaşıl dünya
naminə həmrəylik
ili" elan edilməsi də dövlətin bu sahəyə olan diqqətinin göstəricisidir.
Ətraf mühitin mühafizəsinə önəm
verən Azərbaycan
"yaşıl enerji"
istehsalı istiqamətində
böyük əzm nümayiş etdirir. İşğaldan azad olunan Qarabağ və Şərqi Zəngəzurun yenidənqurma və
bərpa işlərində
bu amil önə
çəkilib. Həmin regionlar, eləcə də
Naxçıvan Muxtar Respublikası "yaşıl
enerji" zonası elan olunub.
"Yaşıl
iqtisadiyyat"a keçid və onun inkişafı bu gün
dünyanın gündəliyindəki ən vacib hədəfdir. Azərbaycanın "yaşıl
enerji"si isə
dünyanın "yaşıl iqtisadiyyat" zəncirinin
vacib həlqəsidir. Və bu həlqənin qırılmaması
üçün dünya ölkələri ilə birlikdə
Azərbaycan bütün imkanlarını və
gücünü səfərbər edib. İndiyəcən bu
yöndə keçirilən müxtəlif mötəbər
beynəlxalq tədbirlərin sırasına noyabrda daha nüfuzlusu, daha
sanballısının qoşulması da bunun nəticəsidir.
BMT-nin İqlim Dəyişikliyi üzrə Çərçivə
Konvensiyasının Tərəflər Konfransının 29-cu
sessiyasının COP29-un Azərbaycanda
keçiriləcəyi o deməkdir ki, 10 gün
dünyanın gözü ölkəmizdə olacaq. Prezident
İlham Əliyev yanvarın 10-da yerli televiziya kanallarına
verdiyi geniş müsahibədə ölkəmizin COP29-a
evsahibliyi hüququ qazanmasına belə qiymət vermişdir:
"COP29-la bağlı hadisələrin gedişatını
indi hər kəs bilir və yenə də deyə bilərəm,
tam səmimiyyətlə deyə bilərəm ki, bizim
çox dəqiq və düşünülmüş
diplomatik addımlarımız nəticəsində bu mötəbər
tədbiri Azərbaycanda keçirmək üçün imkan
əldə etdik. Bilirsiniz ki, COP30-un ev sahibi bəlli olsa da -
Braziliya, COP29-un ev sahibi son günlərə qədər bəlli
deyildi. Xüsusilə son həftələr ərzində, hətta
COP konfransı Dubayda başlayandan sonra da hələ aktiv
diplomatik təmaslar davam edirdi və biz burada da istədiyimizə
nail olduq".
Danılmaz
faktdır ki, "Avroviziya" mahnı müsabiqəsi, Avropa
Oyunları, İslam Həmrəyliyi Oyunları, BMT-nin
Sivilizasiyalar Alyansının VII Qlobal Forumu, Beynəlxalq
Kosmonavtika Konqresi kimi nüfüzlu tədbirlərə
evsahibliyi, BMT-dən sonra ikinci ali təsisat olan Qoşulmama Hərəkatına
4 il sədrlik edən Azərbaycan regionun ən qüdrətli
dövlətidir. Məhz həmin güc və qüdrət COP29-un Bakıda keçirilməsinə
imkan verib. 10 gün Azərbaycan və paytaxt Bakı 80 mindən çox xarici
qonağa qucaq açacaq. Prezident İlham Əliyev COP29-un
ölkəmizin imkanlarının təqdimatı
baxımından da mühüm hadisəyə çevriləcəyinə
diqqət çəkmişdir: "Qonaqların sayına
görə bu, ən böyük tədbirdir, yəni Dubayda təqribən
70-75 min xarici qonaq var idi və bütün başqa amillərlə
yanaşı, bu qədər qonağı qarşılamaq,
şərait yaratmaq, bütün təşkilati məsələləri
həll etmək böyük potensialdan xəbər verir. Yəni bu, ölkəmizin
imkanlarının növbəti
nümayişidir".
Züleyxa ƏLİYEVA,
Azərbaycan.-2024.-
5 mart, ¹ 50.- S.6.