Ötən ili yüksək göstəricilərlə yola
salan tovuzlu fermerlər cari ildə daha yüksək nəticələr
qazanmaq əzmindədirlər
Tovuzun aqrar sektorunda ənənəvi
əkinçilik sahələri
və heyvandarlıq aparıcı rol oynayır. O üzdən kartofçuluq, taxılçılıq,
üzümçülük, tütünçülük və
digər kənd təsərrüfatı bitkilərinin
əkin sahələri
genişləndirilir, idxalı
əvəz edən yerli istehsala diqqət artırılır
və bu zaman daha məhsuldar
sortlara üstünlük
verilir.
Ötən mövsüm
əkin sahələrini
genişləndirərək 18454 hektara çatdıran Tovuz taxılçıları
15644 hektarda buğda,
2810 hektarda arpa yetişdirmişlər. Buğda
sahələrinin hər
hektarından 41,9, arpa
əkilən hər hektardan 29,3 sentner məhsul biçilmişdir.
Taxıl istehsalı ilə məşğul olan ayrı-ayrı təsərrüfatlara gəldikdə,
məsələn, "Aqro
Dairy" MMC-yə məxsus ərazidə
8880 hektar payızlıq
taxıl səpilmişdir.
Sahələrdən 26883,2 ton
buğda, 3235 ton arpa götürülmüşdür.
"Tovuz Aqrokompleks"
də uğurlu göstəriciyə nail olmuşdur. Belə ki, 260 hektar sahədə səpilmiş
payızlıq buğda
sahəsinin hər hektarından 46 sentner olmaqla ümumilikdə 1196
ton məhsul əldə edilmişdir.
Gədəbəydən sonra kartof istehsalına
görə ön sıralarda olan Tovuzda bu vacib
bitkinin istehsalı da durmadan artır.
Hər il kartofdan xeyli qazanc əldə edən təsərrüfat
rəhbərləri keçən
il də yüksək göstəricilərə
nail olmuşlar. Onlar əkin sahələrini genişləndirərək
5271,2 hektara çatdırmışlar.
Bu sahədə də yüksək göstəricilər qazanan
çoxlu sayda təsərrüfatlar var.
Məsələn, uzun
illərdir kartofçuluqla
məşğul olan ikinci dərəcəli
"Əmək" ordenli
Ədalət Məhərrəmov
33,37 hektar sahənin hər hektarından 65 ton məhsul götürmüşdür. Onu
da qeyd edək
ki, təsərrüfatda
istehsal olunan kartof, əsasən, toxum üçün nəzərdə tutulmuşdur.
Tovuzda heyvandarlığın
inkişafı da diqqət çəkir. Yanvarın 1-nə olan məlumata görə, rayon üzrə 164030 baş qoyun və keçi, 41036 baş mal-qara var. Mal-qaranın 42,6 faizini ana inəklər
təşkil edir. Heyvandarlıq məhsullarının
istehsalında ayrı-ayrı
təsərrüfatlar daha
çox fərqlənirlər.
Məsələn, Qovlar
sakinləri Şahin Ələsgərov, Tofiq Bayramov, Cəlal Ələsgərov və bir çoxları rayon üzrə ət istehsalında həmişə öndə
gedirlər.
Qaraxanlı kənd
sakini Zeynalabdin Zeynalovun və Bozalqanlı kənd sakini Orxan Tağıyevin təsərrüfatları
isə quşçuluq
sahəsində ixtisaslaşıb.
Hazırda Z.Zeynalovun təsərrüfatında 6000, O.Tağıyevin təsərrüfatında
14000 quş saxlanılır.
Rayonun ən böyük kəndlərindən
olan Bozalqanlıda süd zavodu fəaliyyət göstərir.
Zavod sutka ərzində 200-300 litr süd qəbul etmək gücündədir.
Burada 20-dək işçi
çalışır. Hələlik
qatıq və yağ istehsal edən zavodun rəhbəri Gökhan Cengiz deyir ki,
istehsal etdikləri məhsullara tələbat
çox olduğundan məhsulları heç vaxt anbarda qalmır.
Bunlardan savayı,
tovuzlular dən üçün qarğıdalı,
paxlalı bitkilər,
müxtəlif tərəvəzlər,
bostan, günəbaxan,
şəkər çuğunduru,
tütün də yetişdirirlər. Əvvəlki
illərdə olduğu
kimi, keçən il də bu
sahələr üzrə
yüksək nəticələr
əldə edilmişdir.
Məsələn, əkin
sahələrindən 5751,3 ton qarğıdalı,
380,6 ton tərəvəz,
128,8 ton bostan, 69,6 ton günəbaxan, 164,6 ton meyvə və giləmeyvə,
8249,3 ton üzüm,
13471,7 ton kartof, 7780 ton şəkər çuğunduru,
65,1 ton tütün,
3700,7 ton yem bitkiləri yığılmışdır.
Qeyd edək ki, Tovuzda iqtisadi
cəhətdən daha
gəlirli olan tütünçülüyə son bir neçə
ildə xüsusi diqqət yetirilir. Artıq 4-cü ildir rayonda bu sahə
ilə "Tovuz Aqro Sənaye" MMC məşğul olur. Müəssisədə 250 nəfər
çalışır. Keçən
il MMC 20 hektarda tütün şitili basdırmışdı. Yaz-yay
aylarında havaların
sərt və yağmurlu keçməsinə
baxmayaraq, tütünçülər
aqrotexniki tədbirləri
vaxtında həyata keçirərək nəzərdə
tutulduğundan çox
məhsul təhvil vermişlər. Yeri gəlmişkən bildirək
ki, iki ildir
yaş tütünün
qurudulmasında yaranan
çətinlik artıq aradan qaldırılmışdır. Belə ki, "Tovuz Aqro Sənaye"
MMC-nin nəzdində
10 işçisi olan tütünqurutma sexi fəaliyyətə başlamışdır.
Gəlirli sahələrdən
biri də baramaçılıqdır. Rayonda
elə kənd yoxdur ki, orada
barama saxlamağa maraq göstərilməsin.
Bu sahənin inkişafına dövlətin
verdiyi dəstəyin nəticəsidir ki, Tovuz kümçüləri
hər il yüksək göstəricilər
əldə edirlər.
Onlar keçən il qəbul məntəqələrinə
7 ton yaş barama təhvil vermişlər. Hazırda
baramaçılığın yem bazasının yaradılması üçün
işlərə başlanılmışdır.
Əvvəlki illərdə
olduğu kimi, keçən il də rayonda abadlıq və quruculuq işləri davam etmiş, əhalini narahat edən bir çox
problem həll olunmuşdur. İl ərzində
yollara 40800 kvadratmetr asfalt salınmış,
5700 kvadratmetr tamet daşı döşənmiş,
küçələrin işıqlandırılması
üçün 72 elektrik
dayağı quraşdırılmış,
piyada yollarına 400 paqon metr daş
düzülmüşdür. Eyni zamanda 2 şəhid ailəsinə
ev tikilmişdir. Hər iki ev
təmir olunmuşdur.
Tovuzlular keçən
il qazandıqları uğurlardan heç də arxayınlaşmırlar.
Onlar cari ilə də ruh yüksəkliyi ilə başlamışlar.
İndi hər bir tovuzlu çalışır
ki, daha böyük nailiyyətə
imza atsın. Bunun üçün isə rayonda hər cür imkan
və şərait vardır.
Sabir
ƏLİYEV,
Azərbaycan.-2024.-
7 mart, № 52.- S.9.