Emmanuel Makron hərəkəti və boşboğazlığı
ilə Fransanı dünyada rüsvay edir
Bütün zamanlarda
ermənipərəst mövqeyini
gizlətmədən Ermənistana
yardım edən Fransa fitnəkar siyasəti ilə hayların ölmüş
ümidlərini "dirçəltməyə"
can atır. Paris Cənubi Qafqazda sabitliyin yenidən pozulması, regionun əvvəlki kimi müharibə ocağına
çevrilməsi üçün
hər yola əl atır. Yəni Fransa açıq şəkildə
Azərbaycan əleyhinə
mövqe tutduğunu nümayiş etdirir.
Afrikada ciddi problemlərlə üzləşmiş
və ağır duruma düşən Fransa Cənubi Qafqazda da pozucu
fəaliyyətindən əl
çəkmir və durumu gərginləşdirmək
istiqamətində "işini"
davam etdirməkdədir.
Fransa parlamentinin əksər deputatları,
siyasi dairələri,
merləri açıq-aşkar
dövlətimizə qarşı
düşmənçilik siyasəti
yürüdür və
bunu demokratiya, humanizm pərdəsi ilə ört-basdır etməyə çalışırlar.
Təcavüzkar, 30 il
Azərbaycan torpaqlarını
işğal altında
saxlayan, bir milyondan çox insanın bəlalarına
səbəb olan, şəhər və kəndlərimizi xarabazarlığa
çevirən hayları,
Ermənistanın hakim
dairələrini yazıq,
əzilən, ac-yalavac,
hüquqları pozulan
millət kimi dünyaya təqdim etmək, onların tərəfində durmaq Fransanın dövlət siyasətinə, ən ali məqsədinə çevrilib. Fransanın Avropa İttifaqındakı
imkanlarından və başı Ukraynada müharibəyə qarışmış
Rusiyanın zəifləməsindən
istifadə edərək
Ermənistana hərbiləşmiş
missiyanın göndərilməsinə
nail olması, Hayastanı silahlandırması
da bu planın
tərkib hissəsidir.
Faktlar açıq-aydın
göstərir ki, Fransa Cənubi Qafqazda sülh prosesinə kobud şəkildə müdaxilə
edir və daha böyük planlar qurur. Bu, əslində, demokratiya, humanizm deyil, təcavüzkar Ermənistanı revanşist
mövqeyini davam etdirməyə həvəsləndirmək,
qarşıdurmanı kəskinləşdirmək,
yeni müharibəni alovlandırmaq cəhdidir.
Fransa Prezidenti Emmanuel Makronun isə yürütdüyü
siyasət ölkəsini
bütün dünyada
rüsvay edir. Makron planetin hər hansı nöqtəsində
baş verən istənilən hadisəyə
imper təfəkkürlə
münasibət bildirməyi
özünə borc bilir, amma onun
fəaliyyəti danışmaqdan
uzağa getmir. Az qala hər gün
Rusiya-Ukrayna müharibəsinə
münasibət bildirən,
dünyanı Ukraynaya
dəstək göstərməyə
çağıran Makronun
öz ölkəsinin
Ukraynaya yardımı
gülünc rəqəmlərdə
ifadə olunur. Belə görünür ki, 2 ildir davam
edən müharibədə
Fransa Ukraynaya normal yardım belə etməyib. Makron ancaq Ukraynanı
boşboğazlıq edərək
silahlandırmaqla məşğuldur.
Makron Fransa əsgərlərinin Ukraynada
olmalı olduqlarını
bəyan edir, o biri tərəfdən isə bu fikri
elə-belə səsləndirdiyini
deyir. Bu qədər məsuliyyətsizlik
nəinki Fransa Prezidentinə, bu ölkənin kiçik bir şəhərinin merinə belə yaraşmır.
Sanki Ukraynaya yardımı başa çatdırıb bu cəbhədə strateji məqsədlərə nail
olmuş kimi Makron indi də
Moldovada missiya yaradır. Amma heç kim başa düşmür ki, bu missiyanı
yaratmaqda məqsəd
nədir və Paris bununla nə etmək istəyir?!
Fransa Prezidenti Ermənistanda da missiyanın yaradılmasına
nail olub, bu ölkəyə silah satır, Fransa şirkətlərinin
lisenziyası əsasında
Hindistan tərəfindən
istehsal olunan silahlar Hayastana satılır. Amma bu dövr ərzində
Ermənistanın durumu
daha da pisləşib.
Görünür, Ermənistana
dəstək həm də Makron üçün yaxşı
biznesdir.
Digər tərəfdən,
fransızlar Afrikadan qovulur, koloniyalarda etirazlar səngimək bilmir. Proseslər göstərir ki, son 300 ildə Afrika, Asiya və
Latın Amerikası ölkələrində yaratdığı
müstəmləkələrin hesabına varlanan Fransa artıq Ermənistanı da öz müstəmləkəsi
hesab edir.
Ancaq Emmanuel Makron unudur ki,
Azərbaycan onun hökmranlıq etdiyi hansısa Afrika ölkəsi deyil. Bu gün kimsə
Azərbaycanla hədə,
təhdid dili ilə danışa bilməz. Azərbaycan özünün milli təhlükəsizliyini qorumağa,
sərhədlərini möhkəmləndirməyə,
düşmənə və
havadarlarına cavab verməyə qadirdir və onun təsir
göstərə biləcəyi
dövlət deyil.
Prezident İlham
Əliyev bunu dəfələrlə söyləyib.
Müzəffər Ali
Baş Komandan kimi
İlham Əliyev
elə Makronun da diqqətinə çatdırıb ki, Azərbaycan regionda sülhün, təhlükəsizliyin
təmin olunması istiqamətində lazımi
addımlar atır və bu siyasətini
də davam etdirəcək. Azərbaycan
yenidən müharibənin
baş verməsini istəmir. Əgər bu, baş verərsə,
yenə də əzilən tərəf Ermənistan olacaq və bu ölkə
onilliklərlə özünə
gəlməyəcək.
Rəşad
BAXŞƏLİYEV,
Azərbaycan.-2024.-
10 mart, № 54.- S.9.