"Fransa anti-Azərbaycan
siyasətini 44 günlük
Vətən müharibəsindən
sonra daha qabarıq nümayiş etdirir. Bu ölkənin
əleyhimizə yönəlmiş
cəhdləri isə
nəinki nəticə
vermir, əksinə, Fransanın imicini zədələyir. Lakin Makron hökuməti siyasi baxımdan o qədər kasad və səbatsızdır
ki, məğlubiyyətlərinin
fərqinə varmır
və öz absurd mövqeyindən əl çəkmir".
Bu fikirləri qəzetimizə açıqlamasında
Milli Məclisin deputatı Məlahət İbrahimqızı deyib.
Deputat bildirib ki, Makron hakimiyyətinin
yürütdüyü yarıtmaz
siyasət Fransa dövlətini bütün
dünyada rüsvay edib: "Cənubi Qafqazda hərbi mövcudluğuna nail olmağa çalışan
Fransa prezidentinin, demək olar ki, atdığı bütün addımlar fiaskoya uğrayır. Rəsmi Paris Ermənistana
missiya göndərir,
onlara silah sataraq revanşistləri yeni münaqişələrə
həvəsləndirir. Makron
artıq iki ildən çoxdur ki, davam edən
Rusiya-Ukrayna müharibəsinə
münasibət bildirərkən
dünya dövlətlərini
hər zaman Ukraynaya dəstək göstərməyə çağırsa
da, özü bu ölkəyə heç bir ciddi yardım göstərmir. Sadəcə
olaraq, özünü
dünyanın gözündə
guya geosiyasi məsələlərdə həlledici
qüvvə kimi qələmə verir".
Deputatın sözlərinə
görə, Fransanın
ermənipərəst siyasi
xətti artıq ikrah doğuracaq səviyyəyə çatıb.
Bütün sferalarda ancaq Ermənistanın maraqları naminə var-gəl edən bu ölkə regiondakı yeni reallıqları qəbul etmək istəmir. Cənubi Qafqazda daim münaqişə ocağının mövcud
olmasına maraq göstərdiyi üçün
İkinci Qarabağ müharibəsində məğlubiyyətə
uğramış Ermənistanı
yenidən silahlandırmağa
çalışır. Lakin
Makronun erməniləri
ciddi şəkildə
dəstəklədiyi bu
dövr ərzində
Ermənistanda siyasi və iqtisadi vəziyyət daha da pisləşib.
"Fransanın çirkin
planlarından biri də neomüstəmləkəçilik
siyasətini Qafqaza gətirməkdir. Fransızlar
Afrikadan qovulduğu, koloniyalarda etirazların səngimədiyi bir dövrdə Makron hakimiyyətinin belə cəhdləri əbəsdir.
Xüsusilə də Fransanın müstəmləkəçilik
siyasətinin ard-arda ifşa olunduğu vaxtda Makronun belə xam xəyallara
qapılması mənasızdır",
- deyə müsahibimiz
əlavə edib.
Məlahət İbrahimqızı
Fransada Natəvanın
heykəlinə qarşı
edilən vandallıq aktına da münasibət bildirib. Qeyd edib ki,
bu fakt Fransada
anti-Azərbaycan ünsürlərin
çoxluq təşkil
etdiyini, bu ölkədə azərbaycanofobiyanın
baş alıb getdiyini sübuta yetirir: "Natəvanın
heykəlinə qarşı
törədilmiş bu
vandalizm aktına görə Paris cavab verməlidir. Fransa bu məsələ ilə bağlı heç
bir addım atmayıb, bizdən üzr istənilməyib. Bu, tamamilə qəbuledilməzdir".
Nəzrin QAFARZADƏ,
Azərbaycan.-2024.-
12 mart, № 55.- S.9.