Erməni
terroru bəşəriyyət
üçün böyük
təhlükədir
Moskvada da ilk terroru
ermənilər törədiblər
Martın 22-də "Crocus City
Hall" konsert zalında
törədilmiş terror
aktı dünya gündəmini silkələdi.
İçərisində azyaşlıların
da olduğu xeyli sayda günahsız
insanın ölümünə
səbəb olmuş bu qanlı terror
milliyyətindən asılı
olmayaraq hər kəsdə dərin qəzəb və üzüntü hissi oyatdı. Terror insanlığın ortaq bəlasıdır və Yer üzərində baş verən bütün - sel, daşqın, zəlzələ
kimi fəlakətlərdən
də ən amansızı, ən qəddarıdır. Növbəti
dəfə terrorun vəhşət üzünü
Moskvada sözügedən
qanlı hadisə zamanı gördük, yayılan kadrlarda terrorçuların uşaq,
gənc, yaşlı demədən insanları necə soyuqqanlıqla gülləbaran etdiklərinə
şahidlik etdik. Bir daha terroru
şiddətlə qınadıq,
ona "yox" dedik...
Amma o da təəssüfləndirici gerçəklikdir
ki, dünyada terrora dəstək verən, yayılmasına
münbit şərait
yaradan müəyyən
siyasi qüvvələr
də var və onların terrorçuları himayə
etməsinin nəticəsidir
ki, sözün əsl mənasında hər gün günahsız insanlar gah o ölkədə, gah bu ölkədə törədilən
bu qanlı aktların qurbanlarına çevrilirlər.
Ermənilərə aparıb çıxaran qanlı terror izləri
Azərbaycan xalqı
da illərdir ki erməni terroru ilə üz-üzədir. Xalqımız
son iki yüzilliyin
müxtəlif dönəmlərində
insan qatili olan ermənilərin törətdikləri soyqırımlardan,
terrordan əziyyət
çəkib. 1918-ci ilin
mart soyqırımı,
1992-ci ilin Xocalı, Ağdaban, Ballıqaya,
1993-cü ilin Başlıbel...
soyqırımları yaddaşlarda
dəhşətli izlər
buraxıb.
1994-cü il martın
19-da erməni terrorçuları
tərəfindən Bakıda
dinc əhaliyə qarşı növbəti
cinayət aktı törədilmişdi. Metropolitenin
"20 Yanvar" stansiyasında
baş vermiş partlayış zamanı
14 nəfər həlak
olmuş, 42 nəfər
isə ağır dərəcəli bədən
xəsarəti almışdı.
İstintaq-məhkəmə araşdırmaları nəticəsində
həmin dəhşətli
cinayətdə Ermənistanın
xüsusi xidmət orqanlarının əli olduğu sübuta yetirilmişdi.
Yenə də
1994-cü il iyulun 3-də
Bakı metrosunun
"28 May" və
"Gənclik" stansiyalarının
arasında qatarda da partlayış törədilmişdi. Bu hadisədə 13 nəfər
həlak olmuş, 42 nəfər yaralanmışdı.
Azərbaycanın hüquq-mühafizə
orqanları bu terroru da Ermənistanın
xüsusi xidmət orqanlarının təşkil
etdiyini müəyyənləşdirmişdilər.
Dövlət siyasəti
terrora köklənmiş
Ermənistan 2020-ci ildə
44 günlük Vətən
müharibəsi dövründə
də xalqımıza
qarşı terror həyata keçirmişdi.
Terror ölkəsinin silahlı qüvvələrinin
gecə-gündüz Gəncə,
Tərtər, Bərdə,
Mingəçevir və
digər yaşayış
məntəqələrimizi ağır artilleriya və raketlərdən atəşə tutması
nəticəsində dinc
əhali arasında çoxsaylı ölən
və yaralanan olmuşdu.
Azərbaycanlılara qarşı mina terroru
Azərbaycan xalqı
onilliklərdir ki, Ermənistanın mina terroru ilə qarşı-qarşıyadır. Erməni terrorçuları
müxtəlif xain və insanlıqdan uzaq üsullardan istifadə edərək, vətəndaşlarımızı mina partlayışlarının
qurbanına çevirirlər.
2011-ci ilin iyul ayında ermənilərin
partlayıcı qurğu
quraşdırılmış "itəbənzər" uşaq
oyuncağını Ermənistan
tərəfindən Tovuz
rayonunun Əlibəyli
kəndinə daxil olan Tovuz çayına
buraxmaları nəticəsində
13 yaşlı yeniyetmə
faciəvi şəkildə
həyatını itirmişdi.
1994-cü ildə də
həmin ərazidə
analoji hadisə baş vermiş, Ermənistan tərəfindən
çaya buraxılan oyuncağı götürərkən
partlayış baş
verməsi nəticəsində
iki azyaşlı uşaq həlak olmuş, biri isə yaralanmışdı.
Erməni terrorunu sübut edən belə dəhşətli
faktlar yüzlərlədir...
İşğal dövründə
ermənilər torpaqlarımızda
1 milyondan çox mina basdırıblar və hələ də dəqiq mina xəritələrini Azərbaycana təhvil verməyiblər.
Eləcə də
İkinci Qarabağ müharibəsindən sonra
ermənilər terror siyasətlərini davam etdirərək Azərbaycan
xalqını hədəfə
aldılar. 44 günlük
müharibədən sonrakı
dövrdə ərazilərimizdən
2021-ci il Ermənistan istehsalı olan xeyli sayda minalar
aşkarlandı. Təcavüzkar
ölkənin mina terroru sayəsində günümüzə qədər
də günahsız insanlarımız həlak,
yaxud şikəst olurlar.
Təəssüf ki,
Ermənistanın törətdiyi
bu terror aktlarına beynəlxalq ictimaiyyət hələ də göz yumur, Azərbaycan xalqının erməni terrorundan əziyyət çəkməsinə biganəlik
göstərir.
1977-ci il Moskva terrorları
- erməni işi
Dünya dövlətləri unudurlar
ki, erməni terroru təkcə Azərbaycan üçün yox, ümumbəşəri təhlükədir.
Faktdır ki, erməni
terrorizmi beynəlxalq terrorizmin tərkib hissəsinə çevrilib
və müxtəlif ölkələrdə qanlı
faciələr törətməklə
məşğuldur.
Yeri gəlmişkən,
bir faktı da vurğulayaq ki, Moskvada da
ilk terroru ermənilər
törədiblər. Belə
ki, 1977-ci il yanvarın 8-də şəhərdə bir neçə terror aktı
həyata keçirilib.
Moskva metrosunun vaqonunda
"İzmaylovskaya" və
"Pervomayskaya" stansiyalarının
arasında partlayıcı
qurğu işə düşmüşdü.
Bir neçə saat sonra SSRİ DTK-sının
binası yaxınlığında
keçmiş "Dzerjinski"
küçəsində yerləşən
15 saylı ərzaq mağazasında partlayış
baş vermiş, ardınca keçmiş
"Oktyabrın 25 illiyi"
küçəsində yerləşən
ərzaq dükanının
yaxınlığında partlayıcı
qurğu işə düşmüşdü. Ard-arda
baş verən terror aktları nəticəsində
7 nəfər həlak
olmuş, 37 nəfər
yaralanmışdı. Araşdırmalar
zamanı həmin
terror aktlarının erməni
terrorçuları tərəfindən
törədildiyi üzə
çıxarılıb və
terrorun təşkilində
ASALA təşkilatının da iştirak etdiyi aşkarlanıb.
Erməni terroruna
sübut olan digər bir fakta nəzər salaq: 1970-ci ildən indiyədək 31-i diplomat və
onların ailə üzvləri olmaqla, ümumilikdə 58 Türkiyə
vətəndaşı erməni
terror təşkilatlarının təşkil etdiyi xain hücumların qurbanı olub.
Ümumiyyətlə, hazırda
da dünyada baş verən dəhşətli
terror aktlarının arxasından
əksər hallarda məhz erməni terrorçuları çıxır.
Bir sözlə, erməni
terrorizmi dünyanın
bəlasına çevrilib.
İrəvan terrorçulara
abidə ucaldır
Azərbaycan bütün
beynəlxalq platformalarda
erməni terrorizmini ifşa edir və ona qarşı
layiqli mübarizə aparır. Ermənistan isə ölkəmizdən
fərqli olaraq erməni terror təşkilatlarının
və terrorçuların
fəaliyyətini təbliğ
edir. İrəvanın
mərkəzində nasist
Njdeyə, "Yerablur"
hərbi qəbiristanlığında
ASALA terror təşkilatı üzvlərinə abidələrin
ucaldılmasının timsalında
isə onları qəhrəmanlaşdırdığını
göstərir.
Moskvada "Crocus City Hall" konsert zalında törədilmiş qorxunc
terror aktı da bir daha göstərdi ki, heç bir ölkə, xalq terrordan sığortalanmayıb.
Buna görə də terrordan qurtulmağın sadəcə bir yolu var. Dünya ölkələri
birləşərək, terrorçulara
və və onlara dəstək verən siyasi güclərə qarşı
ayıq-sayıq mübarizə
aparmalıdırlar.
Yasəmən MUSAYEVA,
Azərbaycan.-2024.-
28 mart, ¹ 63.- S.10.