Azərbaycan
yaşıllığa qərq
olur
Bu il
ölkə ərazisində
5 milyon ağac əkiləcək
Ölkədə meşə
sahələrinin seyrəkləşməsinin
və azalmasının,
torpaqların eroziyası
və təbii biosenozların yoxa çıxması təhlükəsinin
qarşısının alınması
istiqamətində işlər
davam edir. Bu tədbirlər bütövlükdə ekoloji
vəziyyətin yaxşılaşdırılmasına
yönəldilir.
Dövlət Statistika
Komitəsi bildirir ki, keçən il Ekologiya və
Təbii Sərvətlər
Nazirliyi yanında Meşələrin İnkişafı
Xidməti tərəfindən
6850 hektar sahədə
meşəbərpa tədbirləri
həyata keçirilib.
Görülmüş tədbirlər
çərçivəsində 622,1 hektar sahədə meşə əkinləri,
415,9 hektar sahədə
meşə səpinləri
işləri aparılıb,
4 hektar sahədə meşə-bağlar, 8 hektar
sahədə tez böyüyən ağac cinslərindən ibarət
sənaye əhəmiyyətli
plantasiyalar salınıb.
5800 hektar sahədə
təbii bərpaya kömək işləri görülüb. Xidmət
göstərilmiş meşə
əkinlərinin, səpinlərinin
və meşə-bağların
sahəsi ümumilikdə
18296,5 hektar təşkil
edib.
Bundan başqa,
toxmacar və cavan bitki şitilləri
yetişdirmək məqsədi
ilə 16,2 hektar sahəyə toxumlar səpilib, çilik kökləndirməsi üçün
0,4 hektar sahəyə
31,2 min ədəd çilik basdırılıb.
Ötən il ərzində meşə fondu sahələrindən
100 ton və ya əvvəlki illə müqayisədə
14,2 faiz çox meyvə, meşə-ağac
və kol cinslərinin toxumları tədarük edilib. Bunların 97,7 tonu meşə-ağac və kol cinsləri toxumlarının, 2,3 tonu isə meyvə ağaclarının toxumlarının
payına düşüb.
Prezident İlham Əliyevin tapşırıqlarına
uyğun olaraq yaşıllaşdırma işləri
ölkənin bütün
regionlarını əhatə
edir. O cümlədən
paytaxtda yaşıllıq
zolaqlarının artırılması,
ekoloji tarazlığın
bərpası və ətraf mühitin mühafizəsi istiqamətində
işlər ardıcıl
aparılır. Bakı
Şəhər İcra
Hakimiyyətinin Yaşıllaşdırma
Təsərrüfatı Birliyi
tərəfindən paytaxtın
müxtəlif ərazilərində
kütləvi ağac
əkilməsi və yaşıllaşdırma işləri
aparılıb.
Ümumiyyətlə, son vaxtlar Bakının
flora müxtəlifliyi
xeyli artırılıb,
həmçinin şəhərin
iqlim şəraitinə
uyğunlaşmış yerli
ağac növlərinin
də əkilməsi həyata keçirilib. Eyni zamanda qlobal
iqlim dəyişiklikləri
və su qıtlığı təhlükəsi
ilə əlaqədar
şəhərdə quraqlığa
davamlı bitkilərin,
yerli iqlimə uyğun, həmçinin müxtəlif rəngdə
çiçəklənən ağac və kolların əkilməsinə
üstünlük verilir.
Yerli iqlimə uyğun və quraqlığa davamlı,
xüsusi rəng çalarları ilə seçilən, qırmızı,
sarı, ağ rəngdə gülləri
ilə şəhərə
xüsusi gözəllik
verəcək Lənkəran
akasiyası, çezalpiniya,
jumolas, qlisiniya əkilməsi, yeni formada yaşıllıq güşələrinin yaradılması
həyata keçirilib.
Sakinlərin daha çox olduqları gəzinti və istirahət yelərində
- Mərkəzi, Qış,
"Atatürk", "Gənclik"
və "Nizami Gəncəvi" parklarında,
əsas prospekt və küçələr
boyunca hələ keçən mövsümdən
yeni kollar əkilib. Həmin ərazilərdə ağacların
yanında əkilmiş
sarmaşıqlar ətrafa
xüsusi yaraşıq
verir.
"Yaşıl dünya
naminə həmrəylik
ili"ndə yaşıllaşdırma
işləri daha
geniş məna-məzmun
kəsb edir və getdikcə vüsət alır. Hələ bir neçə ay əvvəl elan olunub ki, bu
il ölkədə 5 milyon ağacın əkilməsi planlaşdırılır.
Ağacların 3 milyondan
çoxunun Ekologiya və Təbii Sərvətlər Nazirliyi
tərəfindən əkilməsi
nəzərdə tutulur.
2 milyon ağacın əkilməsini isə müxtəlif dövlət
qurumları, icra hakimiyyətləri həyata
keçirəcək.
"Yaşıl dünya
naminə həmrəylik
ili"ndən yurdumuzun
hər guşəsinə
yadigarlar qalacaq. Belə ki, yaşıllaşdırma
işləri getdikcə
respublikanın bütün
rayonlarında genişlənir.
Məsələn, bu il başlayandan Göyçay rayon mərkəzinin Heydər Əliyev prospektində və respublika əhəmiyyətli Bakı-Şamaxı-Yevlax
avtomobil yolunun şəhərin Natəvan
küçəsindən keçən
hissəsində 950 ədəd
ağac əkilib. Aksiyanın keçirilməsində
məqsəd ekoloji vəziyyətin sağlamlaşdırılması,
cəmiyyətdə ekoloji
mədəniyyəti və
təbiətə qayğını
təbliğ etmək
ənənələrini davam
etdirmək, ağac əkilməsini və yaşıllıqların çoxaldılmasını
təşviq edərək
ətraf mühitin qorunmasına töhfə verməkdən ibarətdir.
Sözügedən aksiya
zamanı ərazidə
təmizlik və abadlıq işləri də aparılıb, 500 ədəd Eldar şamı və 450 ədəd küknar ağacı əkilib. Yeni əkilən tinglər suvarılıb və ərazidəki digər ağaclara aqrotexniki qaydada qulluq göstərilib.
"Yaşıl dünya
naminə həmrəylik
ili" çərçivəsində
Samux rayonunda da ağacəkmə aksiyası keçirilib. Aksiyada rayon icra hakimiyyətinin əməkdaşları, şəhid
ailələrinin üzvləri,
gənclər və rayon ictimaiyyətinin nümayəndələri iştirak
ediblər.
Tədbir zamanı
rayonun Ziyadlı kəndində, Kür yolunun kənarına rayonun torpaq-iqlim şəraitinə uyğun
müxtəlif cinsli
600 ədədə yaxın
ağac əkilib.
Yaxşı olar
ki, bütün regionlarda sakinlər öz həyətlərində
də bu cür gözəl ağaclar, güllər və kollar əksinlər. Bu, həm "Yaşıl dünya naminə həmrəylik ili"nə,
həm də ölkəmizin evsahibliyi edəcəyi COP29-a hər birimizin töhfəsi olar.
Flora SADIQLI,
Azərbaycan.-2024.-
28 mart, № 63.- S.11.