Təsviri sənətin
bəlkə də ən maraqlı sahələrindən biri rəngkarlıq və ya boyakarlıq adlanır. Haqqında bəhs etdiyimiz qəhrəmanımız məhz
təsviri sənətin
rəngkarlıq sahəsində
fəaliyyət göstərir.
Onun bir sıra tabloları var ki, onlara
tamaşa edəndə
rəssamın nə dərəcədə həyatı
sevdiyini, təbiətin
vurğunu olduğunu,
özünün daxili
dünyasını, nikbin
əhvali-ruhiyyəsini rənglərlə
təcəssüm etmək
qabiliyyətinə malik
olduğunu duyursan. Bu tablolara tamaşa
edərkən insanda suallar yaranır: bunu başa gətirən sənətkar
harada rəssamlıq təhsili alıb, müəllimi kim olub?
Aytən Canəli
qızı Qocayeva Bakı şəhərində
dünyaya göz açıb. Sabunçu rayonunun Bakıxanov qəsəbəsində yerləşən
İlqar Əliyev adına 96 saylı orta məktəbdə oxuyub. Hələ orta məktəb yaşlarından onda rəssamlığa sonsuz sevgi yaranıb. Lakin o, ali təhsilini
tibb sahəsində davam etdirməyə qərar verib. Azərbaycan Dövlət Tibb Universitetinin Müalicə işi kafedrasında təhsil almasına baxmayaraq, A.Qocayeva ali məktəb illərində
də rəssamlıqla
mütəmadi məşğul
olub. Beləliklə, Aytən Qocayeva Respublika İncəsənət Gimnaziyasında
tanınmış rəssam
Əsgər Əsgərovdan
bu sənətin incəliklərini öyrənib.
O, bu gün də müəllimi -
2020-ci ildə Azərbaycan
Dövlət Rəssamlıq
Akademiyasını bitirmiş
Leyla Rəşidovadan
rəssamlığın sirlərini
öyrənməkdədir.
2012-ci ildə Tibb
Universitetində təşkil
olunan "Təbib rəssam" adlı sərgidə öz yaradıcılıq nümunələri
ilə iştirak edən Aytən Qocayeva 23 nəfər iştirakçı arasında
birinci yerə layiq görülərək,
diplomla mükafatlandırılıb.
2012-ci ildə Tibb Universitetini bitirib, Milli Onkologiya Mərkəzində rezidentura
təhsili alıb.
2020-2022-ci illərdə Milli
Onkologiya Mərkəzində
həkim-onkoloq işləyən
Aytən Qocayeva 2022-ci
ildən Azərbaycan Dövlət Təhlükəsizliyi
Xidməti Hərbi-Tibb
Baş İdarəsinin
Hərbi Hospitalında
işləyir.
Öyrəndik ki,
Aytən Qocayeva peşəkar həkimdir. İnsanların sağlamlığının
keşiyində dayanır.
Lakin o, insanların cismani sağlamlığı
ilə bərabər,
həm də mənəvi, ruhi sağlamlığının da
qayğısına qalmağı
düşünür. Bununla
əlaqədar olaraq mütəmadi rəssamlıqla
məşğul olur,
ərsəyə gətirdiyi
sənət tabloları
ilə bunu sübut edir. Aytən Qocayevanın sənət nümunələrinə
baxanda, onları seyr edəndə tamaşaçıda xoş
duyğular yaranır.
Rəssamın tabloları
insana müsbət impuls verir. Aytən
Qocayeva yaradıcılığında
daha çox ülviliyə, mənəvi
saflığa, ruhi sakitliyə, lirik hisslərə köklənib.
Çalışır ki,
onun təxəyyülündən,
yaradıcı rəssam
müşahidələrindən əldə etdiyi bədii görüntüləri
rənglərin dili ilə kətan üzərində canlandırıb
başqalarına da göstərə bilsin. Deyə bilərik ki, rəssam öz istəyinə nail ola bilib.
Aytən Qocayevanın
bədii yaradıcılıq
nümunələri güclü
estetik təsir qüvvəsinə malikdir.
Kətanda canlandırılmış
məkan, təbiət
mənzərələri - dağ,
meşə, dəniz,
ağac, körpü,
ev, qayıq təsvirləri öz natural keyfiyyətlərini
qoruyub saxlamaqla yanaşı, həm də rəssamın fərdi görüm-duyum,
yaradıcı təxəyyülündən
süzülərək sanki
ayrı biçimdə,
kətanda fırça
ilə ecazkar rənglərin ahəngi ilə "sığallana-sığallana"
yaradılıb. Bu baxımdan rəssam yaradıcı daxili məni ilə özünün potensialını
göstərməyə, təcəssüm
etməyə çalışır.
Aytən Qocayeva həm də diqqəti cəlb edən natürmortlar müəllifidir. Rəssamın
yaratmış olduğu
natürmort nümunələrində
Azərbaycan təbiətinin
yetirdiyi nemətlər
- nar, heyva, alma, əlvan güllərin təsviri şamdan və ya qədim xalça
fonunda incə zövqlə öz orjinal bədii həllini tapıb.
2023-cü ildə Muzey
Mərkəzinin sərgi
qalereyasında Aytən
Qocayevanın yaradıcılıq
dünyasını əks
etdirən sənət
nümunələrindən ibarət "İkinci məkan" adlı fərdi sərgisi təşkil olunub. Bu rəssam üçün yaradıcılıq
hesabatı idi. Gənc istedadlı təbib rəssam Aytən Qocayeva bu yaradıcılıq imtahanından müvəffəqiyyətlə
çıxıb.
Əsəd QULİYEV,
sənətşünas
Azərbaycan.-2024.-
3 may, № 90.- S.15.