Delimitasiya və demarkasiya prosesində müsbət dinamika müşahidə edilir
"Ermənistan və Azərbaycan arasında delimitasiya və demarkasiya prosesi bu günə qədər ardıcıl
davam edir. Prosesdə müsbət dinamika müşahidə edilir. Azərbaycan Respublikası ilə Ermənistan Respublikası
arasında dövlət
sərhədinin delimitasiyası
üzrə Dövlət
Komissiyası və dövlət sərhədinin
delimitasiyası və
sərhəd təhlükəsizliyi
məsələləri üzrə
komissiyanın elan etdiyi
kimi, görünür,
Qazaxın geri qaytarılan dörd kəndinin ərazisini təşkil edən delimitasiya və demarkasiya işləri mayın 15-nə qədər
başa çatdırılacaq".
Bu fikirləri qəzetimizə
açıqlamasında Milli Məclisin deputatı Hikmət
Məmmədov söyləyib. Deputat bildirib ki, Qazaxın kəndləri ilə başlanan proses sonrakı mərhələdə
digər ərazilərin
delimitasiya və demarkasiyası üçün
də yaxşı təcrübə ola bilər:
"Ermənistan qətiyyət
nümayiş etdirərsə,
bu prosesi daha da irəliyə aparmaq mümkündür.
Yetər ki, Ermənistan
diplomatiyası prosesin
hansısa mərhələsində
fikrini dəyişməsin.
Nəzərə almaq
lazımdır ki, Ermənistanın
bu gün səsləndirdiyi fikrini sabah inkar etməsi
faktı ilə dəfələrlə üz-üzə
qalmışıq. Məhz
bunun nəticəsidir
ki, Vətən müharibəsinin
başa çatmasından
ötən 4 ilə yaxın müddətdə
Azərbaycanla Ermənistan
arasında hələ
də yekun sülhə nail olunmayıb".
Deputat deyib ki,
indiki məqamda irəliyə doğru hərəkət etmək,
sülhün əldə
olunması istiqamətində
ciddi addımlar atmaq mümkündür:
"Noyabr ayında,
COP29 tədbirinə qədər
çərçivə sazişi
imzalana bilər. Lakin nəzərə almaq lazımdır ki, ikitərəfli
komissiyanın qeyd etdiyi kimi, delimitasiya
və demarkasiya hüquq yaradan sənədlər və xəritələr üzərində
aparılmalıdır. Bundan
sonra baş tutan danışıqlar çərçivəsində mövqelərin daha da yaxınlaşması müşahidə
edilərsə, delimitasiya
və demarkasiya prosesi də eyni temp və eyni qərarlılıqla irəliləyə bilər".
Hikmət Məmmədov
vurğulayıb ki, Prezident
İlham Əliyevin təşəbbüsü
ilə başlanan sülh prosesində delimitasiya prosesinin Azərbaycanın təklif
etdiyi şərtlər
üzrə aparılması
sevindirici haldır:
"Bakının mövqeyi
hüquqi cəhətdən
qanuni, praktiki cəhətdən səmərəlidir.
Onu da nəzərə almaq
lazımdır ki, dünya
təcrübəsi delimitasiya
və demarkasiyanın
uzun sürən, mürəkkəb bir
proses olduğunu göstərir.
Lakin bu məsələ
ilə məşğul
olan komissiyaların sayca 8-ci iclasında işğalda olan 4 kəndimizin dinc yolla qaytarılması barədə razılığa
gəlinməsi bu prosesin daha qısa
vaxtda tamamlanacağı
barədə nikbin düşünməyə əsas
verir".
N.QAFARZADƏ,
Azərbaycan.-2024.-
12 may, № 98.- S.8.