Azərbaycan tarixinə
bir çox şərəfli və qürurverici səhifə
yazan xalq lideri, Prezident
İlham Əliyev
həm də siyasi gedişləri ilə çoxqütblü
dünyaya politoloji dərs keçir. Xankəndidə Azərbaycan
bayrağının dalğalanmasından
sonra növbədənkənar
prezident seçkiləri
elan etməklə həm də müstəqillik dövrümüzdə
ilk dəfə bütöv Azərbaycan ərazisində ilk seçkinin də müəllifi oldu.
Bu il fevralın 7-də Azərbaycan
xalqı növbəti
dəfə xoşbəxt
gələcəyə, iqtisadi
inkişafa, sabitliyə
- qüdrətli Azərbaycan
dövlətinə səs
verdi.
7 fevral seçkilərinin
nəticələri, yəni
İlham Əliyevin mütləq şəkildə
qələbəsi bu gün lidersizlik böhranında olan bir çox Qərb dövləti üçün də örnək sayılmalıdır.
Bu prezident seçkiləri bütöv
Azərbaycan ərazisində
keçirilən ilk seçki olmaqla yanaşı, həm də ölkəmizdən
dünyaya lider-xalq birliyinin mesajı oldu. Seçicilərin yüksək fəallığı
və onların əksəriyyətinin Prezident
İlham Əliyevə
səs verməsi dövlət başçımızın
2003-cü ildə respublikaya
rəhbərlik etdiyi vaxtdan bəri apardığı siyasətə
güclü dəstəyini
nümayiş etdirdi. Bu həm də
Azərbaycan xalqının
onu doğru yoldan döndərmək cəhdlərini qəbul etmədiyinin sübutu oldu. Eyni zamanda
ölkənin inkişaf
prosesini uğurla davam etdirmək, eləcə də bütün müasir çağırışlara adekvat
cavab vermək üçün qarşıdakı
dövrdə cəmiyyətin
bütün kateqoriyalarının
ölkənin siyasi rəhbərliyi ətrafında
sıx birləşmələrinin
zəruriliyini göstərdi.
Əlbəttə, xalqının
böyük əksəriyyətinin
dəstəyini almış
Prezident İlham Əliyevin 3 aydan artıq vaxtı əhatə edən fəaliyyətində görülən
işlər Azərbaycanın
davamlı inkişafının
artmasına və qüdrətinin güclənməsinə
imkan verib. Ötən müddət ərzində Azərbaycan
dövlət başçısının
rəhbərliyi ilə
ardıcıl olaraq həm siyasi meydanda, həm diplomatik müstəvidə,
həm də informasiya məkanında möhtəşəm uğurlara
imza atıb. Azərbaycanın Birinci Qarabağ müharibəsindən
bəri Ermənistanın
işğalı altında
olan Qazax rayonunun anklav olmayan dörd kəndinin ərazilərini
öz yurisdiksiyasına
qaytarması, özü
də buna bir güllə atmadan nail olunması
İlham Əliyev diplomatiyasının parlaq
qələbəsidir.
Ümumiyyətlə, bu dörd kənddən
danışarkən qeyd
etmək lazımdır
ki, dövlətimizin başçısı İlham
Əliyev onların
2020-ci ildə geri qaytarılması məsələsini
qaldırmışdı. Məhz
buna görə də bu istiqamətdə
davamlı intensiv iş aparılmışdı.
Bu gün həmin kəndlərin Azərbaycanın nəzarətinə
qayıtması bir daha sübut edir ki, Prezident
İlham Əliyev qarşısına qoyduğu
bütün vəzifələri
yerinə yetirən, sözü ilə əməli üst-üstə
düşən liderdir.
Ötən müddətdə
qazandığımız uğurların
altında məhz Prezidentimizin imzası var.
Azərbaycan bu
gün dünyanı narahat edən məsələlərin müzakirə
olunduğu mərkəz
kimi də tanınır. Buna görə də, təsadüfi deyil ki, ötən yüz gün ərzində ölkəmiz
yenə də dünyanın diqqət mərkəzində oldu. Bəşəriyyəti narahat
edən qlobal problemlərin paytaxtımızda
keçirilən və
sayca 11-ci olan Qlobal Bakı Forumunda müzakirə olunması qarışıq
dünyada sabitlik adasına çevrilmiş
Azərbaycanın artan
nüfuzunu nümayiş
etdirdi.
Prezident İlham
Əliyevin şəxsi
nüfuzu, onun müdrik siyasəti sayəsində Azərbaycan
bu gün beynəlxalq prosesləri istiqamətləndirən, yeni
və uğurlu təşəbbüslərlə çıxış edən,
beynəlxalq aləmdə
öz mövqeyi ilə seçilən ölkəyə çevrilib.
Regionda, eləcə də daha geniş
coğrafiyada sabitləşdirici
rol oynayan Azərbaycan bir çox ölkənin iqtisadi inkişafına, enerji təhlükəsizliyinə
töhfə verməklə
yanaşı, eyni zamanda qlobal miqyasda ədalətin carçısı, bəzi
böyük dövlətlərin
ədalətsiz davranışına
və müstəmləkə
siyasətinə qarşı
çıxan xalqların
azadlıq mübarizəsinə
dəstək verən
qüvvə kimi də tanınır və hörmət edilir.
Bir sözlə,
ötən yüz gün Azərbaycan xalqının öz seçimində yanılmadığını
bir daha sübut etdi. İstər daxili, istərsə xarici siyasətdə uğurları
ard-arda sıralayan Prezident İlham Əliyevin rəhbərliyi
altında Azərbaycan
beynəlxalq münasibətlərin
önəmli aktoru kimi qiymətləndirilir. İqtisadi və sosial inkişaf uğurla davam edir, xalqın rifahı yüksəlir, ölkəmiz dünya kapitalı üçün
cəlbedici məkana çevrilir.
2003-cü il 15 oktyabrda
Ümummilli Lider Heydər Əliyev siyasi kursunun ən layiqli davamçısı kimi taleyini İlham Əliyevə etibar etməklə tarixinə şərəfli zəfər
yazan xalqımız
7 fevral seçkilərində
qlobal arenada qüdrəti və gücü ilə öz möhürünü
vuran dövlət quruculuğuna davam dedi. Bu, Prezident
İlham Əliyevlə
qələbələrə və zəfərə aparan yoldur.
Rəşad MAHMUDOV,
Milli Məclisin
Səhiyyə komitəsinin
sədr müavini
Azərbaycan.-2024.-
24 may, № 108.- S.9.