44 gün...
23 saatın davamı
100 gün
"100 günün hesabatı" ənənəsi
ABŞ-nin 32-ci prezidenti
Franklin Ruzvelt tərəfindən qoyulub.
Ruzveltə qədər
ABŞ ciddi iqtisadi depressiyalara məruz qalmışdı. Ona görə də prezident və onun administrasiyası 100 gün ərzində ölkənin iqtisadi həyatını sağlamlaşdırmaq
üçün nəzərəçarpacaq
tədbirlər həyata
keçirmək imkanı
qazanmışdı.
Bu imkandan istifadə edən Ruzvelt 100 gün ərzində bir sıra tədbirləri həyata keçirərək
hesabat vermişdi. O zamandan indiyədək, demək olar ki, dünyanın əksər ölkələrində
dövlət başçılarının
100 günlük fəaliyyətləri
ilə baglı hesabatlar verilir, müəyyən təhlillər
aparılır və gələcək üçün
proqnozlar irəli sürülür.
Təcrübə göstərir
ki, siyasi, iqtisadi, sosial böhrana, depressiyalara məruz qalmış ölkələrdə hakimiyyətə
gəlmiş yeni dövlət başçısı
100 gün ərzində
həyatın əsas
sahələrinə kifayət
qədər təsir etməyə çalışır.
Stabil inkişaf və daxili sabitliyi təmin olunmuş, xarici siyasəti formalaşdırılmış
dövlətlərdə isə
bu, bir növ
ənənəyə əməl
etmək təsiri bağışlayır. Prezident
İlham Əliyev ikinci qəbildən olan dövlətlərin başçıları sırasındadır.
2003-cü ildə Prezident
seçiləndə önündə
Ulu Öndər Heydər Əliyev tərəfindən daxili ictimai-siyasi sabitliyi təmin olunmuş, xarici siyasəti və strategiyası formalaşdırılmış, iqtisadiyyatı intensiv surətdə inkişaf məcrasına yönəldilmiş
bir ölkə var idi. Və
belə bir dövləti idarə etməyi Azərbaycan seçicisi məhz Ulu Öndərin layiqli davamçısına
etibar etmişdi. Hər kəs gördü ki, Prezident həmin etimadı doğrultdu,
"hər bir azərbaycanlının Prezidenti
olacağam" vədinə
əməl etdi. Yeni əsrin yeni liderinin ali dövlət vəzifəsində ilk günlərdən başlayaraq
nümayiş etdirdiyi
yüksək idarəçilik
məharəti, qətiyyətli
və milli maraqlara söykənən
daxili və xarici siyasəti çox keçmədən
öz müsbət nəticələrini verdi.
Ötən iki
onillikdə Prezident İlham Əliyev Ulu Öndərin siyasi kursuna daim sadiq qalacağını
dəfələrlə bəyan
edib. Dönüb 20 illik bir fəaliyyət
müstəvisinə baxanda
aydın görmək
olur ki, dövlət başçısı
bu vədinə də əməl edib və bu
gün də dəyişməz olaraq qalır. Azərbaycanda bütün sahələrdə
baş verən quruculuq, inkişaf və islahatlar həmin bəyanatın göstəricisidir. Arxada qalan illərdə dövlət başçısı
həm beynəlxalq, həm regional səviyyədə, həm
də ölkə daxilində o qədər parlaq uğurlara imza atıb ki, onun qatı
əleyhdarları belə
Azərbaycan liderinin qələbəsini qəbul
etməyə məcbur
olublar. Bu, həm də bütövlükdə Azərbaycana,
Azərbaycan xalqına,
dünyanın başqa
yerlərində yaşayan
soydaşlarımıza bəxş
edilən qələbədir.
Bu qələbənin
müəllifi, altından
imzasını qoyan isə, sözsüz ki, qurucu və
qalib lider, Ali Baş Komandan
İlham Əliyevdir. Prezident müasir dünyada gedən siyasi və iqtisadi proseslərə dərindən bələddir,
qloballaşma və inteqrasiya nəticəsində
dünya meydanında baş verə biləcək bütün
siyasi kataklizmləri irəlicədən görür
və Azərbaycanı
dağıntıları qarşılamaq
üçün öncədən
hazırlayır. Bu, müdriklik, liderlik və uzaqgörənlikdir.
2020-ci ilin 8 Noyabr
Zəfər Günündən
bu günə qədər dörd ilə yaxın bir vaxtı əhatə edən yolda liderin qurub
yaratdıqları, təbii
ki, 100 günlük hesabatdan öncəki dövrün göstəricisidir.
İşğal illərində
dağıdılmış, viran qalmış Qarabağın yenidən qurulması, bərpası,
əvvəlki görkəmindən
də üstün olması, "ağıllı
kənd"lərin, şəhərlərin
tikilməsi, sənaye
parklarının salınması,
"yaşıl zona"ya
çevrilməsi, qısa
müddətdə keçmiş
köçkünlərin doğma
yurda dönüşünün
təmin olunması
100 günlük hesabata
gələn yolda qazanılan uğurların
hər birində Prezident İlham Əliyevin imzası və izi var.
100 gün həm çoxdur, həm də az. Bəlkə
də kimin üçünsə hay-küylü
dəyişiklik etmək,
özünüreklam naminə
ucuz gedişlər üçün 100 günü
gözləmək lazım
deyil, 30-40 gün kifayət edir. Amma dövlət işində, siyasət aləmində bərkimiş,
oturuşmuş və
təmkindən, düşüncədən,
ölkə və dünya təcrübəsindən
güc alan bir dövlət və siyasət adamı üçün
100 gün təhlil və hazırlıq dövrüdür.
Əslində, ciddi
siyasətçidən bu
dövrü gözləmək
də lazım deyil. 44 günlük bir dövrü xatırlayaq. Bir ay 15 günlük Vətən müharibəsində
Müzəffər Ali
Baş Komandanın müstəsna sərkərdəlik
qabiliyyəti, Azərbaycan
xalqının əzmi
və iradəsi, iqtisadi gücü, müasir ordu quruculuğu və ordu-xalq-iqtidar birliyi ölkənin gələcəyini
təmin edən ən mühüm amil oldu. Ulu
əcdadlarımızın zəngin dövlətçilik
və hərb tarixindən ilhamlanan Azərbaycan xalqı daha bir şanlı
qəhrəmanlıq tarixini
yazaraq özünün
qalib xalq olduğunu bütün dünyaya sübut etdi, düşmən üzərində tarixi Zəfər çaldı.
Hərbi əməliyyatların
aparılması xarakterinə
və icrasına, döyüşçülərimizin şücaətinə görə
Azərbaycan tarixində
misli görünməmiş
Zəfərdir. Əlbəttə
ki, cəmi 44 günə başa gəlmiş Zəfərin
baş memarı Müzəffər Ali Baş Komandan İlham Əliyevdir. Və həmin 44 günün möhtəşəmliyi
100 gün əvvəl
İlham Əliyevin təkrar dövlət başçısı seçilməsinin
bayraqdarı oldu. Baxmayaraq ki, 100 günü qurucu lider üçün hesabat dövrü adlandırmaq olar. Amma möhtəşəm
44 gün əsrə bərabər bir gündü. Ona görə də Prezidentin hazırkı 100
günü 44 günün
möhtəşəmlik fövqündən
yuxarıda dayana bilməz. Bununla belə ötən 100 gün haqqında Prezident və onun administrasiyası hesabat vermək üçün xalqın
qarşısına dolu
qovluqla çıxa bilər. Jurnalistlər, politoloqlar, ekspertlər və siyasətçilər
üçün isə
danışmağa, yazmağa
kifayət qədər
sanballı mövzu və material var.
Prezidentin 100 gününün
mahir biliciəri adətən öz mövqelərini bir mühüm məsələ
ətrafında şərh
edirlər: hakimiyyətə
gələn yeni prezident ötən 100 gün ərzində seçkidə qazandığı
səslərin üzərinə
əlavələr edib,
yoxsa seçicilərin
bir qismi daha ona etimad
göstərmir? Təbii
ki, bu, ümumi
qəbul edilmiş kriteriyadır. Çünki
bütün digər məsələlərin həlli
bu və ya başqa mənada
xalqın öz rəhbərinə göstərdiyi
etibar və etimada bağlıdır. Məlumdur ki, İlham Əliyev seçicilərin 92,12 faizinin
səsini qazanaraq digər iddiaçılar
üzərində labüd
olan və gözlənilən qələbəni
qazanıb. Bununla da Azərbaycan xalqının dövlət
başçısına olan
etimad və etibarı təsdiqlənib.
Ötən 3 ay
10 gün ərzində
Azərbaycan xalqı İlham Əliyevin Prezidentliyi, rəhbərliyi
altında daha 100 gün yaşadı. Bu qısa vaxt
ərzində açıq-aydın
görünən, hiss
olunan 100 yenilik yazmaq olar, amma
hər kəsin və bütün dünyanın gözü
önündə baş
verən uğurları
təkrar yazmağa ehtiyac yoxdur.
Züleyxa ƏLİYEVA,
Azərbaycan.-2024.-
24 may, № 108.- S.17.