Qazaxın
4 kəndinin geri alınması dövlətimizin
başçısının qətiyyətli mövqeyinin
nəticəsidir
"Qazaxın Bağanıs
Ayrım, Aşağı
Əskipara, Xeyrimli və Qızılhacılı
kəndlərinin ərazisi
artıq Dövlət
Sərhəd Xidmətimiz
tərəfindən nəzarətə
götürülüb. Bu,
Azərbaycanın qələbəsi,
"dəmir yumruğ"un,
"dəmir iradə"nin
növbəti nümayişi
və isbatıdır.
Prezident İlham Əliyevin bir sözü ilə sərhəddə nizamlamanın
həyata keçirilməsi
dövlətimizin başçısının
prinsipiallığından və
qətiyyətindən xəbər
verir".
Bu fikirləri
"Azərbaycan" qəzetinə
açıqlamasında Milli
Məclisin deputatı
Jalə Əliyeva deyib. Deputat bildirib ki, ölkəmizin
əldə etdiyi ardıcıl nailiyyətlər
xalqımızın iradəsi,
ordumuzun şücaəti
və bu xalqın yenilməz rəhbəri, müzəffər
lider İlham Əliyevlə bağlıdır:
"Qazaxın geri qaytarılan 4 kəndinə
nəzarətin ölkəmizə
keçməsi sülhə
doğru atılan əhəmiyyətli addımdır.
Sülhün qapıları
getdikcə bizə daha çox açılır. Əlbəttə,
biz bunu bacardıq. Prezident İlham Əliyevin də bir neçə
dəfə vurğuladığı
kimi, Azərbaycan BMT-nin qətnamələrini təkbaşına özü
icra etdi. Ədaləti bərpa etmək, işğalda olan torpaqlarımızı
azad etmək üçün İkinci
Qarabağ müharibəsində
savaşmalı idik".
Deputatın sözlərinə
görə, Qazaxın
kəndlərinin qaytarılması
bir daha sübut etdi ki, Azərbaycan Prezidenti vədlərinə
əməl edir, dövlətimiz öz sözünün yiyəsidir:
"Bu qətiyyətin
və prinsipiallığın
nəticəsidir ki, Azərbaycanla Ermənistan
arasında heç bir vasitəçi olmadan sülhə doğru inamlı addımlar atılır. Azərbaycanın özünün
birbaşa səyləri
ilə son dövrlər hər iki ölkənin maraqlarını təmin edən və tərəqqiyə hesablanmış
hadisələrə şahidlik
edirik. Üçüncü
tərəflərin bu
hadisələrə istiqamətləndirmə
imkanlarının olmaması
dövlətimizin təşəbbüslərinin
nəticəsidir".
Jalə Əliyeva
qeyd edib ki, Prezidentin bütün vədləri
mütləq reallaşdığı
kimi, yanvarın 10-da yerli televiziya kanallarına müsahibəsində
səsləndirdiyi fikirlər
də qısa zamanda öz təsdiqini tapdı: "Dövlət başçısının
"o kəndlər ki,
anklav deyil - 4 kənd - onlar Azərbaycana qeyd-şərtsiz
qaytarılmalıdır. Yəni
bizim mövqeyimiz bundan ibarətdir" fikirləri bu gün artıq realdır, sözügedən
kəndlərə Dövlət
Sərhəd Xidmətinin
bölmələri nəzarət
edir. Bu, Azərbaycanın suverenliyinin
təmin olunması istiqamətində atılmış
növbəti addımdır".
Deputat yekunda vurğulayıb ki, iki ölkə arasında delimitasiya və demarkasiya prosesinin belə uğurla davam etməsi sülhə daha yaxın olduğumuza dair nikbinliyimizi artırır:
"Onu da qeyd etmək lazımdır ki, bu sülh müqaviləsinin
imzalanması Azərbaycandan
daha çox, elə məğlub Ermənistanın özünə
lazımdır. Azərbaycan
öz qonşuları
ilə daim sülh şəraitində
və təhlükəsiz
yaşamaq, mehriban dostluq əlaqələri qurmaq niyyətindədir".
Nəzrin QAFARZADƏ,
Azərbaycan.-2024.-
26 may, № 110.- S.6.