Keçmiş
hərbi xuntaya növbəti zərbə
Revanşistlərin
etirazları nəticəsiz
qalır
Keçmiş hərbi
xunta sülh müqaviləsinin imzalanması
prosesinin qarşısını
almaq üçün
məkrli niyyətlərini
aşkarda nümayiş
etdirir. Belə ki, xaricdəki siyasi dairələrin ssenarisi əsasında Kanada vətəndaşı
olan, Erməni Apostol Kilsəsinin Tavuş Yeparxiyasının
primatı, arxiyepiskop Baqrat Qalstanyanın rəhbərliyi altında
revanşist qüvvələrin
Hayastanda keçirdikləri
etiraz aksiyaları dünən də davam edib.
Şüarlar səsləndirməklə
kifayətlənməyən radikallar bütün ölkədə küçələri
və magistral yolları bağlamağa cəhdlər göstəriblər.
Bu təxribatçı
hərəkətlərin qarşısını
alan ölkə polisi 300-ə yaxın etirazçını saxlayıb.
Ermənistanın Daxili
İşlər Nazirliyinin
mətbuat xidmətinin
rəsmi məlumatına
görə, həmin şəxslər polis əməkdaşlarının qanuni
tələblərini yerinə
yetirməkdən boyun
qaçırıblar.
Saxlanılanlar arasında
parlamentdəki "Ermənistan"
fraksiyasının deputatı
Artur Sarksiyan və KTMT-nin keçmiş baş katibi general-polkovnik Yuri Xaçaturovun oğlu İqor Xaçaturov da var.
Qalstanyanı daha
da hiddətləndirən
hadisə ondan bir gün öncə
Nikol Paşinyanın
"Sardarabat" abidəsini
ziyarət etməyi təxirə salmaqla əleyhdarlarının planını
pozmasıdır. Çünki
səhər saatlarında
"Sardarabat" abidəsinə
yürüş edən
keşiş Baqrat öz tərəfdarları
ilə Paşinyanın
memorial kompleksə gəlişini
gözləyirdi. Lakin
baş nazir həmin tədbirə getməyi təxirə salmaqla orada baş verə biləcək qarşıdurmanı
zərərsizləşdirmiş oldu. Bununla da
o, taktiki və strateji baxımdan vacib addım atdı. Halbuki, Baqrat və tərəfdarları "Sardarabat"
kompleksində təxribat
baş verməsinin və toqquşmanın marağında idilər.
Keşiş və
tərəfdarları memorial
komlkeksi tərk edəndən sonra baş nazir Nikol Paşinyan "Sardarabat" abidəsini ziyarət edib. Baş nazir Ermənistan prezidenti və parlamentin sədri ilə birlikdə "Sardarabat"
abidəsinin önünə
gül dəstələri
qoyub. Nikol Paşinyan burada çıxış da edib.
Bəzi erməni
mənbələrində və
sosial şəbəkələrdə
yayılan məlumatlara
görə, ikili vətəndaşlığı olan Baqrat Qalstanyan
hazırda Bakıda həbsdə saxlanılan milyarder Ruben Vardanyana yaxın adam hesab olunur.
"4rd.am" nəşri yazıb ki, hətta etirazçı keşişi oliqarx Ruben Vardanyanın "səlahiyyətli nümayəndəsi"
adlandıranlar da var. Qeyd edilir
ki, vaxtilə Rusiyada təlimatlandırılaraq
Qarabağa göndərilən,
Xankəndidə separatçılara
"dövlət naziri"
təyin olunan Ruben Vardanyan daha sonra İrəvana
yüksək posta transfer olunacağı anı gözləyirdi. Lakin Vardanyanın planlarını pozan Nikol Paşinyan buna imkan vermədi.
İndi Baqrat Hayastanda hakimiyyət dəyişikliyinə nail
olmaq istəyir. Bu məsələdə erməni diasporunun və bir sıra
erməni iş adamlarının keşiş
Qalstanyana dəstək
verdiyi bildirilir.
Bu arada revanşist politoloq Stepan Danielyan deyib ki, beynəlxalq
nizama görə, legitim hökumət təhdid olunarsa, başqa ölkənin silahlı qüvvələrini
daxili düşmənlərdən
müdafiəyə çağıra
bilər. Qeyd edilib ki, indiki
baş nazir istefa verməməklə Hayastanı işğal təhlükəsi altına
qoyur: "Bu açıqlama həm də hazırkı rejimin əsl sponsorlarının kim olduğunu göstərir.
Biz hüquqi sahəyə girməliyik və indiki baş nazir artıq məqbul olmadığını, vaxtının
bitdiyini başa düşərək qanuni
şəkildə istefa
verməlidir".
Beləliklə, proseslərin
gedişi qarşıdakı
dövr ərzində
davam edəcək etirazlar fonunda Hayastanda vəziyyətin daha da qarışacağını
deməyə əsas verir.
Elçin CƏFƏROV,
Azərbaycan.-2024.-
30 may, № 112.- S.16.