"44 günlük Vətən müharibəsini
qalibiyyətlə başa
vurduqdan sonra işğaldan azad olunmuş ərazilərimizə
Böyük qayıdış
prosesinə başlanılıb.
Artıq Laçın,
Füzuli, Zəngilan rayonlarında, Şuşa
şəhəri və
Talış kəndində
keçmiş məcburi
köçkünlərin məskunlaşması
təmin olunub".
Bu sözləri
"Azərbaycan" qəzetinə
açıqlamasında Milli
Məclisin deputatı
Elman Məmmədov deyib. Deputat bildirib ki, sentyabrın
19-20-də keçirilmiş antiterror tədbirlərindən
sonra ərazilərimiz
işğalçılardan, separatçılardan tamamilə
təmizləndi. Həmin
ərazilərimizdə elə
həmin vaxtdan Prezident İlham Əliyevin rəhbərliyi
altında bərpa-quruculuq
işlərinə başlanıldı.
Artıq yaşayış
üçün hazır
olan ərazilərimizə
tədricən köç
edilir. "Müstəqillik
Günümüzdə Xocalıya
da ilk 20 ailənin qayıdışı
baş tutdu. Artıq xocalılılar doğma yurda qayıtdılar və bu, davamlı olacaq. Prezident İlham Əliyevin də iştirak etdiyi tədbirdə məlum oldu ki, Xocalıda hazırda yaşayış
üçün 15 çoxmənzilli
bina var. Digərləri də hazırlanır. Ötən
gün də Xocalıya növbəti köç karvanı yola düşdü, ümumilikdə 44 ailə
burada məskunlaşıb",
- deyə deputat əlavə edib.
Xocalıdan öncə
Şuşaya köçün
baş tutduğunu xatırladan E.Məmmədov
bildirib ki, sentyabrda isə Xankəndiyə qayıdış
başlayacaq. Yəni işğaldan azad olunmuş bütün ərazilərimizə Böyük
qayıdış mərhələli
şəkildə davam
edir. Prezidentin rəhbərliyi altında
2026-cı ilə qədər
140 min nəfərdən
çox keçmiş
məcburi köçkün
doğma yurd-yuvalarına
qayıdacaq. Bu proses sürətlə davam edəcək.
Deputat vurğulayıb
ki, sevincli, qürurverici, fəxr ediləsi günlər yaşayırıq: "Biz
xocalılılar, şuşalılar,
ağdərəlilər, xankəndililər
bu ərazilərdən
məğlub olaraq çıxmışdıq. Ancaq
indi o ərazilərə
qalib kimi qayıdırıq. Düşmən,
işğalçılar üzərində
qəti qələbə
çalmışıq, ərazilərimizi
terrorçulardan tam təmizləmişik. Böyük
ruh yüksəkliyi ilə doğma yurd-yuvamıza qayıdırıq.
Bunun üçün
təbii ki, şəhidlərimizə, hərbçilərimizə,
xalqımıza, dövlətimizə,
ordumuza rəhbərlik
edən cənab Prezidentimizə, Müzəffər
Ali Baş Komandanımıza minnətdarıq".
Əsmər
QARDAŞXANOVA,
Azərbaycan.-2024.-
30 may, № 112.- S.15.