Vaqif Mustafazadə yaradıcılığı rəsmlərdə

Biləsuvarda Şirvan-Salyan Mədəniyyət İdarəsinin təşkilatçılığı ilə ilk dəfə Salyan Dövlət Rəsm Qalereyasının "Caz rəsmlərdə" adlı yaradıcılıq sərgisi nümayiş olunub.

Biləsuvar RİH və regional Mədəniyyət İdarəsi rəhbərliyinin, Salyan Dövlət Rəsm Qalereyasının rəssamları və rayon ictimaiyyəti nümayəndələrinin iştirak etdikləri sərgi görkəmli cazmen, bəstəkar, pianoçu, Azərbaycanda caz-muğam üslubunun banisi Vaqif Mustafazadənin xatirəsinə həsr edilmişdi. Tədbirdə çıxış edənlər dahi sənətkarın həyat və yaradıcılığından danışaraq onu rəsmlərlə yada salan rəssamlara uğurlar arzulamışlar.

Canlı caz musiqilərinin ifa olunduğu sərgidə peşəkar və həvəskar rəssamların 40-dək əsəri nümayiş edilmişdir.

Seyran CAVADOV,

Azərbaycan.-2024.- 28 noyabr (№ 262).- S.16.