"Ölkəmizdə keçirilən hər növbəti böyük
beynəlxalq tədbir
ərəfəsində antiazərbaycançı
qüvvələrin qarayaxma
kampaniyası aparması,
şər və böhtanlarla çıxış
etməsi artıq ənənə halını
alıb. ABŞ-nin
COP29 ərəfəsində bu destruktiv davranışı
isə iqlim konfransını siyasiləşdirmək
cəhdidir".
Bu sözləri
"Azərbaycan" qəzetinə
açıqlamasında Milli
Məclisin deputatı
Kamran Bayramov deyib. O bildirib ki, ən çox
müharibələr aparan,
ən çox neft istehsal edən,
ekologiyanı ən çox çirkləndirən
ABŞ və bəzi Qərb ölkələri
iqlim maliyyəsi ilə bağlı xərcləri artırmaq əvəzinə diqqəti
tamam başqa istiqamətə yönəldirlər.
Belə ki, onlar Azərbaycanla təzyiq və təhdid dili ilə danışmağa
çalışaraq ölkəmizi
"etnik təmizləmə"də
ittiham edirlər. Azərbaycan işğala son qoyaraq öz
ərazi bütövlüyünü
və suverenliyini tam bərpa edib. Ölkəmizin öz suverenliyini tam bərpa etməsini həzm etməyən qüvvələrin
siyasi motivli hücumları Azərbaycanın
beynəlxalq arenada qazandığı uğurlara
kölgə salmaq cəhdidir. Ölkəmiz tarixi qələbəsindən
sonra böyük logistik imkanları vasitəsilə yeni imkanlar təqdim edir. "Azərbaycan "yaşıl
enerji" və digər enerji resursları ilə Avropanın enerji təhlükəsizliyində önəmli
rol oynayır. Bütün bu proseslərə rəğmən
ABŞ və Fransa Ermənistanı hücum silahları ilə silahlandırır. Onlar Cənubi Qafqazı Ermənistan vasitəsilə
təsir altına salmaq istəyirlər",
- deyə o əlavə
edib.
Deputat qeyd edib ki, COP29 yaxınlaşdıqca məlum
məkrli qüvvələr
"insan hüquqları"
bəhanəsi ilə
ölkəmizə qarşı
hücumlarını intensivləşdiriblər.
Azərbaycana qarşı
qərəzli münasibəti
ilə tanınan, ermənipərəst mövqelərini
gizlətməyən bəzi
beynəlxalq qurumlar, xüsusilə də erməni lobbisi ilə sıx işbirliyində olan
"Freedom House", "Human Rights Watch" və
digərləri COP29 ərəfəsində
ölkəmizə qarşı
apardıqları ləkələmə
kampaniyasının miqyasını
daha da genişləndiriblər. Erməni lobbisinin çirkli pulları ilə bəslənən bu cür qərəzli təşkilatlar "insan
haqları", "demokratiya",
"vətəndaş cəmiyyəti"
məfhumlarından ölkəmizə
qarşı təzyiq
vasitəsi kimi istifadə etməyə çalışırlar.
Deputat diqqətə
çatdırıb ki,
Azərbaycan bütün
addımlarını beynəlxalq
qanunlar çərçivəsində
atıb, ona görə də bu gün heç
kimin bizdən nəyinsə hesabını
sormağa haqqı yoxdur: "Əgər kimsə hesabat verməlidirsə, bu, erməni lobbisinin marionet kuklalarına çevrilmiş fransız
senatorlar, rüşvətxor
holland deputatlar, Avropa Parlamentinin ədalət hissini itirmiş parlamentariləridir.
Çünki Azərbaycanın
illər boyu əziyyətini çəkdiyi
keçmiş Qarabağ
münaqişəsinin mövcudluğunda,
Cənubi Qafqazda bu gün də
sülhün bərqərar
olmamasında Ermənistan
qədər onlar da günahkardırlar. Öz maraqlarını regionun dinc gələcəyindən
üstün tutan riyakarlar bizdən, ümumiyyətlə, heç
nə tələb edə bilməzlər. Onların parlamentlərinin,
senatlarının qəbul
etdiyi qətnamələr
isə bizim üçün heç nəyə yaramayan kağız parçalarından
başqa bir şey deyil".
K.Bayramov əlavə
edib ki, Azərbaycan COP29-un timsalında bütün planeti
narahat edən məsələlərin müzakirəsinə
evsahibliyi etməyə hazırlaşır. Hazırda iqlim dəyişikliyi elə problemlər yaradıb ki, dünya ölkələri vahid mövqedən çıxış
etməli, bunun həll yollarını tapmaqda maraqlı olmalıdırlar. Əsasən
də, ABŞ dünyanın
super gücü kimi bu məsələdə
öndə getməli,
təşəbbüskarlıq göstərməlidir. COP-un
gündəliyi olduqca
aktual məsələlərlə
zəngindir.
Əsmər QABİLQIZI,
Azərbaycan.-2024.-
10 oktyabr (№ 222).- S.6.