Vaşinqtonun
hərəkətləri cavabsız
qalmayacaq
"Azərbaycan heç
vaxt indiki qədər güclü və nüfuzlu olmayıb. Faktlara dayanaraq deyə bilərik ki, ən azından İkinci Dünya müharibəsindən bu yana ABŞ də
indiki qədər zəif və nüfuzsuz olmayıb. Bir sıra hallarda
bu bütövlükdə
baş verən geosiyasi proseslərlə əlaqəli olsa da, digər hallarda məhz bu ölkənin rəhbərliyində kimlərin
təmsil olunması ilə də bağlıdır".
Milli Məclisin
deputatı Sahib Alıyev qəzetimizə açıqlamasında bildirib
ki, Bayden Administrasiyası və
ABŞ-nin indiki Departament rəhbərliyi qədər ölkəsinin
xüsusilə Cənubi
Qafqazla bağlı maraqlarına zərbə vuran ikinci rəhbərlik
olmayıb. Entoni Blinken Prezident İlham Əliyevlə telefon danışığında,
eləcə də digər Amerika rəsmiləri dövlətimizin
başçısı ilə
görüşlərində ölkələrinin COP29-un Azərbaycanda
keçirilməsini dəstəklədiklərini
və hər cür yardım etməyə hazır olduqlarını bildiriblər.
İndi isə tam əks mövqe
sərgiləyirlər. "Nə baş verdi? O oldu ki,
Azərbaycan onların
təzyiqlərinə boyun
əyərək, zorla
sırımaq istədikləri
yarımçıq sülh
müqaviləsini imzalamaq
istəmir. Bu, sadəcə, yarımçıq
sülh sazişi deyil, həm də elə bir sənəddir ki, Amerika və
regionda qarşıdurmanın
qalmasında maraqlı
olan digərləri bu anlaşma ilə Azərbaycanın əl-qolunu bağlamaq və Ermənistanı növbəti qarşıdurmaya
hazırlamaq istəyirlər.
Bununla çalışırlar
ki, Azərbaycan onların Ermənistanı
dırnaqdan başacan
silahlandırmasına etiraz
edə bilməsin. Amma bunu görə
bilməyəcəklər", - deyə o əlavə edib.
Deputat qeyd edib ki, indiyə
qədərki təzyiqləri
necə nəticə verməyibsə, budəfəki
də belə olacaq.
S.Aliyevin fikrincə,
Azərbaycan ABŞ-nin
bu cür destruktiv və təxribatçı hərəkətlərini
cavabsız buraxmayacaq.
Asimmetrik də olsa bu davranışlara
mütləq cavab veriləcək.
Ə.QARDAŞXANOVA,
Azərbaycan.-2024.-
10 oktyabr (№ 222).- S.6.