ABŞ yeni seçki saxtakarlığına hazırlaşır

"Dərin dövlət" Donald Trampın mümkün qələbəsini əngəlləmək üçün hərəkətə keçib

ABŞ-də dövlət siyasətinə təsir göstərən koordinasiyalı qrup və ya seçilməmiş dövlət məmurları qrupları, terrorçular tərəfindən sabiq dövlət başçısı, prezidentliyə namizəd Donald Trampın hədəfə götürülməsi və ümumilikdə 5 noyabr seçkilərinə təsirlə bağlı güclü illüziya yaradırlar.

Bəs, "dərin dövlət" niyə bu qədər israrla seçkiləri pozmağa çalışır? Onlar hələki seçkilərdə uduzurlar. Sosioloji sorğulara əsasən Tramp demokrat rəqibi Kamala Harrisi 53 faizlə qabaqlayır və prezident seçkilərində qalib gəlmək üçün bukmeker kontorlarının favoritinə çevrilib. Hətta eks-prezident Barak Obamanın bütün təbliğat səylərinə baxmayaraq, qaradərili seçicilər demokratlardan uzaqlaşır və Harrisin qələbəsini təhlükə altına salırlar.

Demək olar ki, hər seçki mitinqində Tramp Amerikanın "dərin dövlət"ini məhv etməyə çağırır. Lakin Kamala Harrisin qələbəsi üçün hər şeyə əl atan "dərin dövlət" təslim olmaq fikrində deyil. Onun arsenalında sübut edilmiş üsullar var: siyasi qətllər və sabitliyi pozmaq məqsədi güdən müxtəlif strategiyalar...

Müxtəlif mənbələrin məlumatlarına görə, "dərin dövlət" heç vaxt birbaşa hərəkət etmir və daim digər subyektlərin arxasında gizlənir.

Trampın həyatına iki dəfə qəsd cəhdi olub: birinci halda, iddia edilən "tək terrorçu" Kruksun atəşi, ikinci halda isə "Ukrayna izi" müəyyən edilib - Bandera tərəfdarı amerikalı Raut. Üçüncü, daha bir uğursuz cəhd isə guya ki, "İran izi"nə gətirib çıxarıb - kəşfiyyat agenti pakistanlı Mərçant Trampa sui-qəsd hazırlayarkən FTB tərəfindən saxlanılıb.

İndi isə "Əfqan-İŞİD izi" peyda olub - oktyabrın 8-də Federal Təhqiqatlar Bürosu ABŞ-də prezident seçkiləri günü - noyabrın 5-də birbaşa qırğın törətməyi planlaşdıran əfqan "terrorçusunu" saxlayıb.

Rusiyanın dövlət və ictimai xadimi, diplomat Sergey Markov özünün "Teleqram" kanalında yazıb ki, Trampa sui-qəsdi İran deyil, məhz ABŞ daxilindəki müəyyən qüvvələr hazırlayır. Politoloqun fikrincə, onlar İranı və digərlərini bəhanə gətirərək, əslində, keçmiş və gələcək prezidenti aradan götürmək niyyətindədirlər.

Ötən prezident seçkisində Tramp qalib gəlsə də, nəticələr Baydenin xeyrinə saxtalaşdırılmışdı. İndi isə koronavirus pandemiyasının bitməsi ilə seçkidə saxtakarlıq etmək imkanları məhdudlaşıb. Buna görə də COVID-19 epidemiyası əvəzinə, seçki baş verərsə, qalibgəlmə ehtimalı yüksək olan Trampa qarşı sui-qəsd cəhdləri epidemiyası başlaya bilər.

Bu hadisələrdən və davamlı təhdidlərdən sonra Donald Trampın seçki kampaniyası ABŞ administrasiyasından keçmiş prezidentin təhlükəsizliyi ilə bağlı tədbirlərin gücləndirilməsini tələb edib.

Rizvan HİLALOĞLU,

Azərbaycan.-2024.- 16 oktyabr (№227).- S.8.