Ermənistanda xalq xilas formulunu
sülh müqaviləsinin
imzalanmasında görür
İkinci Qarabağ
müharibəsinin qalib
və məğlubu arasında aparılan sülh danışıqları,
götürülmüş öhdəliklərin yerinə
yetirilməsi istiqamətində
delimitasiya və demarkasiya proseslərinə
start verilməsi görülən işlərin
başlanğıcı hesab
edilə bilər.
Ermənistan tərəfi
gec də olsa, anlayır ki, ölkənin xilas formulu Azərbaycanla
münasibətləri normallaşdırmaqda,
sülh müqaviləsini
imzalamaqdadır.
Məğlub ölkədə
artıq bunu etiraf etməyə başlayıblar. Belə ki, ABŞ-nin Beynəlxalq Respublika İnstitutu (International Republican
Institute) tərəfindən Ermənistanda keçirilmiş
sorğuya əsasən,
iştirakçıların 56 faizi Azərbaycanla sülh müqaviləsinin
imzalanmasını dəstəkləyir.
Respondentlərin 31 faizi
bu ideyanı tam dəstəkləyir,
25 faizi isə qismən dəstək verir. İştirakçıların
38 faizi Azərbaycanla sülhün arzuolunan, lakin əlçatmaz bir məqsəd olduğunu düşünür,
33 faizi isə bunu nə arzuolunan,
nə də əlçatmaz hesab edir. Qeyd edilir
ki, əlaqələrin
normallaşdırılmasını dəstəkləyən Ermənistan
vətəndaşlarının böyük bir hissəsi (40 faiz) ölkənin konstitusiyasının
dəyişdirilməsinə qarşı çıxıblar
və bəyan ediblər ki, "Konstitusiyanın dəyişdirilməsi
Ermənistanın daxili
məsələsidir".
IRI tərəfindən keçirilən sorğunun
nəticələrinə görə,
respondentlərin 76 faizi
Ermənistan-Azərbaycan münasibətlərinin
hazırkı vəziyyətini
çox pis qiymətləndirir.
Bu arada "Hraparak" nəşri yazıb ki, Ermənistanda yenidən növbədənkənar seçkilərlə
bağlı söhbətlər
gündəmdədir. Qeyd
edilib ki, Nikol Paşinyanın son həftələrdəki
hərəkətləri, vilayətlərə
səfərləri, onun
və həyat yoldaşının ictimai
fəallığı siyasi
sahədə digər
oyunçularda Paşinyanın
növbədənkənar parlament
seçkilərinə hazırlaşdığına
dair ciddi şübhələr yaradıb.
Bu şübhələr
daha çox Ermənistan konstitusiyasının
dəyişdirilməsi ilə
bağlı Azərbaycanın
son həftələrdə
durmadan səslənən
tələbləri ilə
əsaslandırılır. Bu yaxınlarda İrəvan və Bakı bir tərəfdən
sülh müqaviləsinin
mətninin 80 faizini artıq razılaşdırdıqlarını
bəyan edir, digər tərəfdən
konkret olaraq hansı müddəalar ətrafında razılaşmaların
əldə edilmədiyini
açıqlamırlar.
Qeyd edək ki, Ermənistan parlamenti Ədliyyə Nazirliyinin Seçki Məcəlləsinə təklif
etdiyi və fövqəladə və ya hərbi vəziyyət
elan olunduğu halda yeni seçkilərin
keçirilməsinə imkan
verəcək dəyişiklikləri
birinci oxunuşda təsdiq edib. 65 deputat dəyişikliklərin
"lehinə", 28 deputat
isə "əleyhinə"
səs verib. Düzəlişlərə əsasən,
səslərin hesablanması
və nəticələrin
protokolda qeyd olunması başa çatana qədər fövqəladə və ya hərbi vəziyyət
elan edilərsə, seçki prosesi dayandırılacaq və onun bərpası üçün yeni səsvermə təşkil
edilməlidir.
Ümumiyyətlə, real mənzərə göstərir ki, müharibədəki məğlubiyyətdən
sonra sülh müqaviləsinin imzalanmasının
yubadılması Ermənistanda
yaşanan tənəzzülün
daha da sürətlənməsi
ilə xarakterizə olunub və qarşıdakı dövrün
də bundan nəyə görəsə
fərqlənməsi gözlənilmir.
Aydın görünür
ki, Ermənistan və onun xalqı
işğal siyasətinin
faciəsini yaşayır.
Azərbaycan dövlətinin
müharibə və postmüharibə dönəmində
Ermənistana verdiyi tarixi dərs bu ölkəni dərin fəlakətə
sürükləyib.
Elçin CƏFƏROV,
Azərbaycan.-2024.-
25 oktyabr (№ 235).- S.5.