Çinin
nəqliyyat naziri COP29
çərçivəsində “Dayanıqlı və rəqəmsal Orta Dəhliz” mövzusunda iclasa dəvət edilib
Çində səfərdə
olan rəqəmsal inkişaf və nəqliyyat naziri Rəşad Nəbiyev Çinin nəqliyyat naziri Li Siopenlə görüşüb.
AZƏRTAC xəbər
verir ki, görüşdə iki ölkə arasında nəqliyyat
sahəsində münasibətlərin cari vəziyyəti və
gələcək inkişaf perspektivləri, Orta Dəhliz
çərçivəsində əməkdaşlıq məsələləri
müzakirə olunub.
Azərbaycan
ilə Çin arasında müvafiq sahədə
normativ-hüquqi bazanın təkmilləşdirilməsi, həmçinin
avtomobil və dəmir yolu, ictimai nəqliyyat, hava nəqliyyatı
sahələrində əməkdaşlığın
genişləndirilməsi haqqında fikir mübadiləsi
aparılıb.
R.Nəbiyev
çinli həmkarını ölkəmizdə COP29 çərçivəsində
“Dayanıqlı və rəqəmsal Orta Dəhliz” və
“Yaşıl ictimai nəqliyyat” mövzularında keçiriləcək
nazirlər iclaslarına dəvət edib.
Nazir Rəşad
Nəbiyevin Çin Mülki Aviasiya Administrasiyasının rəhbəri
Son Ciyonla görüşündə iki ölkə arasında
hava nəqliyyatı sahəsində əməkdaşlıq
perspektivləri müzakirə olunub, qarşılıqlı
maraq doğuran məsələlərin daha operativ həlli
üçün müvafiq işçi qruplarının əməkdaşlığı
barədə razılıq əldə olunub.
Azərbaycan.-2024.-
2 sentyabr (¹210).- S.11.