Paşinyan Kremlə zidd olan siyasətini getdikcə daha da gücləndirir
İrəvan bütün
istiqamətlərdə Rusiyanın
maraqlarına uyğun
gəlməyən addımlar
atır. Daha çox narahatlıq doğuran məqam anti-Rusiya əhvali-ruhiyyəli
kadrlara yüksək vəzifələrin verilməsidir.
Bu isə öz növbəsində
Hayastanda Rusiyanın dayaqlarının laxladılması
deməkdir. Hər iki məqamla bağlı Rusiya tərəfi bir neçə dəfə mövqeyini bildirib və N.Paşinyan hakimiyyətinə xəbərdarlığını
edib. Buna baxmayaraq, N.Paşinyan Kremlə tərs gələn siyasətini davam etdirməkdədir.
Ermənistanda Rusiya
əleyhinə keçirilən
aksiyaların sayının
çoxalması, az qala cəmiyyətin bütün
təbəqələrində Moskvanın sərt tənqid hədəfinə
çevrilməsi anti-Rusiya
siyasətini təsdiq
edir. Bu günlərdə Rusiyadan
mühacirət edən
vətəndaşlar İrəvanda
Rusiya Prezidenti Vladimir Putinin əleyhinə aksiya keçiriblər. Əllərində
Putin və müharibə əleyhinə
şüarlar yazılmış
plakatlar olan yüzlərlə insan İrəvan meriyasının
qarşısına toplaşıb.
Belə bir vəziyyətdə Nikol Paşinyan növbədənkənar
parlament seçkilərinə
hazırlaşır. Baş
nazirin hökumət dairələrində, parlamentdə,
xüsusilə də rusyönümlü şəxsləri
vəzifələrdən kənarlaşdırmaq
istədiyi, özünə
sadiq hesab etdiyi insanları həmin vəzifələrə
təyin etməyə
çalışdığı qeyd olunur.
Yerli medianın
yazdığına görə,
seçkilər zamanı
Hayastanın ikinci prezidenti Robert Koçaryanın
şəxsən, yaxud
da komandasının iştirak edə biləcəyinə dair iddialar yayılıb. Onun hazırkı proseslərlə bağlı
mövqeyinin dəqiq bilinmədiyi, lakin Paşinyan hökumətinə
qalib gələ biləcək yeganə müxalifət nümayəndəsi
olduğu qeyd edilir.
Vurğulanır ki,
Rusiya münasibətlərin
pisləşməsi fonunda
Hayastan sosial-iqtisadi, siyasi cəhətdən ağır vəziyyətə
düşərək regionda
daha zəif mövqeyə sahib olacaq. Bu fonda
Hayastanın makroiqtisadi
göstəriciləri pessimizmi
daha da gücləndirməkdədir.
Ölkədə işsizliyin
sürətlə çoxalması,
əhalinin maddi təminatının gündən-günə
pisləşməsi Ermənistan
iqtisadiyyatının çöküşünü
sürətləndirir. Erməni
iqtisadçılarını təşvişə salan
daha bir məqam isə xaricdən pulköçürmələrin
azalması ilə bağlıdır. Mətbuatda
yer alan xəbərlərə görə,
rəsmi rəqəmlər
indiyə qədər
bu pulköçürmələrin
2 milyard dollara çatdığını və
tədiyyə balansında
yaranan kəsirin 50 faizinin də elə həmin vəsait hesabına maliyyələşdirildiyini göstərir.
Ancaq indi təxmini hesablamalar pulköçürmələrinin miqdarının yarıya qədər azaldığından
və il ərzində bu göstəricinin daha da aşağı düşəcəyindən xəbər
verir.
Bütün bunlarla
yanaşı, o da qeyd olunur ki,
büdcənin doldurulmasında
hakimiyyət bütün
əsas yükü kiçik və orta bizneslə məşğul olanların
üzərinə qoymağa
çalışır. Bu
sahədə fəaliyyət
göstərənlərin sayı
məhdud olduğuna görə onlar öz bizneslərini dayandırır, başqa əlac olmadıqda isə xarici ölkələrə köçməyə
üstünlük verirlər.
Beləliklə də
ölkə büdcəsinin
doldurulmasında ciddi problem yaşanır, eyni zamanda kiçik
və orta biznesin sıradan çıxma prosesi daha geniş vüsət alır. O da əlavə olunur ki, İrəvan
hazırda heç nə istehsal etmədən xarici maliyyə qaynaqlarından əldə olunan kreditlər hesabına ayaqda qalmağa çalışır. Ölkənin
dövlət borcu 11 milyard dolları ötüb.
Beləliklə, gedən
proseslər Hayastanın
sürətlə məhvinə
doğru yaxınlaşdığını
təsdiqləyir.
Elçin CƏFƏROV,
Azərbaycan.-2024.-
24 yanvar, № 14.- S.9.