Gürcüstan, Ukrayna, Moldova təəssüf
ki, bu dəfə
də Azərbaycana qarşı səmimi ola bilmədilər
Bir neçə
gün əvvəl Azərbaycanın Avropa Şurası Parlament Assambleyasındakı nümayəndə
heyəti bu qurumla əməkdaşlığını
və burada iştirakını qeyri-müəyyən
müddətə dayandırdı.
Bu addımı
ilə dövlətimiz
göstərdi ki, heç bir siyasi mərkəz onunla təhdid və şantaj dili ilə danışa
bilməz. Bu onu da nümayiş
etdirdi ki, istənilən riyakarlığın
qarşısında Azərbaycan
layiqli adekvat cavab verməyi bacaran dövlətdir.
Əsl dostluğun
sınağı
Azərbaycanın AŞPA-da fəaliyyətini dayandırmasından sonra bu qurum nümayəndə
heyətimizin iştirakı
olmadan ölkəmizin
nümayəndə heyətinin
səsinin dondurulması
barədə qərar
qəbul edib. Azərbaycan öz yolu, müstəqil siyasəti olan dövlətdir və bizim üçün nəinki belə bir qərarın qəbulu, heç
AŞPA-nın özü
belə əhəmiyyət
kəsb etmir.
Bu baxımdan Azərbaycanı belə bir qərarın hazırlanması və ya qəbulu qətiyyən narahat etmir. Onsuz da
AŞPA Azərbaycana qarşı
həmişə qərəzli
münasibət göstərmiş,
respublikamızın uğurlarına
kölgə salmağı,
ağa qara deməyi vərdişə
çevirmişdi. Torpaqlarımızın
azad edilməsindən
və Qarabağda erməni separatizminə son qoyulmasından sonra isə bu qurumun antiazərbaycançı
dairələrin bir həlqəsi olacağı
gözlənilən idi.
Qəbul etdiyi son qərar da AŞPA-nın öz suverenliyini və ərazi bütövlüyünü bərpa
etmiş Azərbaycana
qarşı qisas cəhdi idi.
Amma bir düşündürücü
məqam da var. Söhbət
Azərbaycana dost deyən
bəzi dövlətlərin
nümayəndələrinin AŞPA-da həmin bədnam qərarın qəbulu zamanı tutduqları mövqedir. Gürcüstan,
Ukrayna və Moldovanın həmin qərarın qəbulu zamanı nümayiş etdirdikləri qeyri-səmimi
mövqe sadəcə
təəssüf doğurur.
Gürcüstana ən çətin günlərində
yalnız Azərbaycan
dəstək olub
Azərbaycan Gürcüstana
qarşı hər
zaman əsl dost münasibəti
göstərib. Gürcüstanın
bütün çətin
dönəmlərində Bakı
Tbilisiyə kömək
əlini uzadıb. Bu ölkənin ötən əsrin 90-cı illərindən
sonra sosial-iqtisadi xilası və inkişafı Azərbaycanın
layihələri nəticəsində
mümkün olub. Azərbaycanın sərmayələri
ilə Gürcüstan
dövləti ayaqda durub, gürcülərin sosial rifahı düzəlib. Azərbaycanın
enerji layihələri
Gürcüstana böyük
xeyir verib və bu gün
də verməkdədir.
Azərbaycanın yardımı
olmasaydı, Gürcüstan
da Ermənistan kimi regionun dalanına çevriləcəkdi.
2008-ci ilin avqustunda Rusiya qoşunları az qala Tbilisiyə
qədər gəlib çatmışdılar. Gürcüstan
həmin çətin
günlərində birinci
növbədə Bakının
köməyini gördü.
Azərbaycan dost bildiyi
dövləti darda qoymadı. Gürcüstanda
enerji böhranı yarananda Azərbaycan dərhal kömək əlini uzatdı. Bunu zaman-zaman gürcü siyasilər də etiraf ediblər.
Gürcüstandakı erməni
icması separatizmə
başlayanda Azərbaycan
icması bütöv
Gürcüstan amalına
sadiq qalıb, Osetiya və Abxaziya uğrunda savaşlarda iştirak edib. Osetiya və
Abxaziya problemləri ilə bağlı Azərbaycan dövləti
daim prinsipial mövqe ortaya qoyub, Gürcüstanın
ərazi bütövlüyünü
dəstəkləyib.
Amma AŞPA-da Azərbaycana qarşı qərarın səsverməsi
zamanı Gürcüstanın
davranışı iki
dövlət arasındakı
strateji münasibətlərlə
tamamilə ziddiyyət
təşkil etdi. Gürcülər bu münasibətlərə sadiq
qalıb sənədin
qəbulunun əleyhinə
səs verə bilmədilər və bununla da münasibətlərə
sadəcə xilaf çıxdılar.
Münasibətlərə xilaf çıxanlar Azərbaycanın
dostu ola bilməzlər
Eyni sözü
Ukrayna barədə də demək olar. İki ilə yaxındır ki, Ukrayna Rusiya ilə savaşır. Azərbaycan Rusiya ilə strateji tərəfdaş olsa da, hələ bu savaş başlamazdan əvvəlki dönəmdə
də Ukraynaya dəstəyini ifadə etmişdi. Savaş başlamazdan
əvvəl Azərbaycan
vasitəçilik missiyasını
yürütmüşdü.
Ötən 2 ilə
yaxın dövrdə
isə Azərbaycan Ukraynanın ərazi bütövlüyünü hər
zaman dəstəkləyib. Bu dövrdə Ukraynanın şəhərləri, iqtisadiyyatı
dağıntılara məruz
qalıb. Azərbaycan
dostluq münasibətlərinə
sadiq qalaraq mütəmadi olaraq Ukraynaya kömək göndərib.
O cümlədən
Azərbaycan Moldovanın
ərazi bütövlüyünü
həmişə dəstəkləyib,
bu ölkənin iqtisadi inkişafına töhfələr verib.
Adıçəkilən bu dövlətlərlə Azərbaycanı
həm də GUAM təşkilatı birləşdirir.
Onlar Azərbaycanın
tərəfdaşları sayılır.
Lakin AŞPA-dakı səsvermə zamanı Gürcüstan, Ukrayna və Moldova nümayəndə heyətlərinin
nümayiş etdirdikləri
mövqe Azərbaycana
qarşı xəyanət
idi. Onların mövqeyi Azərbaycana arxadan endirilən zərbə idi. Bu isə Azərbaycanı bir daha düşünməyə
vadar edir. AŞPA-da səsvermə zamanı Fransadan və Almaniyadan çəkinib gizlənənlər, qorxaqlıq
nümayiş etdirənlər,
münasibətlərə xilaf
çıxanlar Azərbaycanın
dostu ola bilməzlər.
Azərbaycan öz torpaqlarında işğala
son qoydu, ərazi bütövlüyünü bərpa
etdi. Lakin gedişat göstərir ki, nə Gürcüstanın, nə
Ukraynanın, nə də Moldovanın ərazi bütövlüyü
problemi tezliklə bitəcək. Bəlkə
də bitməyəcək.
Və bundan sonra onların problemləri Azərbaycan üçün maraqlı
deyil.
Rəşad
CƏFƏRLİ,
Azərbaycan.-2024.-
30 yanvar, № 19.- S.6.