Yeni
islahatlar dövrünün
başlanğıcı
Rəqabət
Məcəlləsinin qəbulu əhalinin gəlirlilik səviyyəsini
yüksəldəcək
Prezident İlham
Əliyev yanvarın
23-də "Rəqabət Məcəlləsinin təsdiq
edilməsi, qüvvəyə
minməsi və bununla bağlı hüquqi tənzimləmə
haqqında" qanunu təsdiq edib. Xatırladaq ki, Rəqabət Məcəlləsi
ötən il dekabr ayının 8-də
Milli Məclisdə üçüncü oxunuşda
qəbul olunub və 2024-cü ilin iyul ayının 1-dən qüvvəyə minəcək.
Yeni məcəllə
sağlam rəqabətə
xidmət edir
Azərbaycan
Qiymətləndiricilər Cəmiyyətinin sədri, Türk
Dövlətləri Qiymətləndiricilər Birliyinin
vitse-prezidenti Vüqar Oruc qəzetimizə Rəqabət Məcəlləsinin
əhəmiyyəti, ütünlükləri və gətirəcəyi
yeniliklər barədə danışıb. Bildirib ki, Azərbaycanda
sahibkarlığın inkişafı
dövlətimiz tərəfindən
həyata keçirilən
iqtisadi islahatların prioritet istiqamətlərindən
biridir və özəl sektorun inkişafı aspektində
çoxsaylı proqram
və sənədlər
qəbul edilib. "Azərbaycan Respublikasının
2022-2026-cı illərdə sosial-iqtisadi inkişaf Strategiyası"nda iqtisadi
inkişafa dair mütərəqqi məqamlar
yer alır. Yüksək, dayanıqlı,
inklüziv iqtisadi artım templərinin bərpa edilməsinin, hər bir Azərbaycan
vətəndaşının sabit təminatlı həyat səviyyəsinə
nail olunmasının,
özəl təşəbbüslərə,
keyfiyyətli və sağlam insan kapitalına söykənilməsinin
yer aldığı sənəddə inklüziv
inkişafı təmin
edən özəl təşəbbüslər və
rəqabətqabiliyyətli açıq iqtisadiyyat modelinin tətbiqinin müasirləşmə strategiyasının
əsas qüvvəsi
olması öz əksini tapıb. Daha bir məqam
isə iqtisadi rəqabətliliyin yüksəldilməsi
ilə bağlıdır.
Göründüyü kimi,
Azərbaycan iqtisadiyyatı
keyfiyyət etibarilə
yeni mərhələyə
qədəm qoyur və bu xüsusda
Rəqabət Məcəlləsinin
qəbul edilməsi labüd idi.
Vüqar Orucun sözlərinə görə,
Rəqabət Məcəlləsi
liberal bazar iqtisadiyyatı şəraitində
sağlam rəqabətin
formalaşması, süni
və haqsız rəqabətin aradan qaldırılması istiqamətində
hüquqi qaydaları müəyyən edir. Eyni zamanda statusundan
asılı olmayaraq, biznes subyektlərinin inkişafını hədəfləyir.
"Bu da öz növbəsində
Azərbaycana investisiya
artımını şərtləndirməklə
yanaşı, daxili bazarda da canlanmaya
səbəb olacaq. Nəticədə bəzi
strateji məhsulların
qiymətlərində azalmalar
baş verəcək,
məşğulluq imkanları
artacaq, sahibkarlıq fəaliyyəti ilə məşğul olanların
sayında çoxalma
baş verəcək.
Yeni tənzimləmə
mexanizmlərinin formalaşması,
iqtisadiyyatın "ağarması"
baş verəcək,
hansı ki son illərdə bu istiqamətdə ciddi addımlar atılırdı. Bu da öz növbəsində
bazarda yeni iştirakçılıq qaydalarını
müəyyənləşdirəcək.
Yerli istehsalın artırılması, ixracın
və "Made in Azerbaijan" brendinin təşviqi baxımından
da Rəqabət Məcəlləsi geniş
imkanlar yaradacaq", -
deyə o bildirib.
Qanunvericilik bazası
dövrün tələblərinə
uyğunlaşdırılır
Rəqabət Məcəlləsinin
bir neçə dəfə Milli Məclisin plenar iclaslarının gündəliyinə
çıxarılmasından danışan Vüqar Oruc deyib ki,
bununla bağlı ilkin müzakirələrin
başlamasından 25 ildən
artıq zaman keçir: "Hazırkı
şəraitdə gələcəyə
yönəlmək, bu
mühüm qanunun gətirəcəyi pozitiv
yeniliklərdən bəhs
etmək, buna hazırlaşmaq daha məqsədəuyğundur. Mahiyyətində
vətəndaşların rifah
halının yüksəldilməsi,
yeni nəsil idarəetmə sisteminə
və fəlsəfəsinə
keçidin təmin edilməsi kimi mütərəqqi məqamlar
dayanır. Dövlət
tərəfindən həyata
keçirilən ardıcıl,
çoxvektorlu və institusional islahatların nəticəsində ölkəmiz
yeni mərhələyə
keçid edib. Bütün hakimiyyət qolları və idarəetmə sistemi ilə yanaşı, idarəetmə fəlsəfəsi
də yenilənir. Qanunvericilik bazası da müasir dövrün tələblərinə
uyğunlaşdırılır. Hesab edirəm ki, mövcud şəraitdə Rəqabət
Məcəlləsinin qəbul
edilməsi 44 günlük
Vətən müharibəsi
və antiterror tədbirləri nəticəsində
əldə edilən tarixi zəfərdən sonra Azərbaycanda həyata keçiriləcək
növbəti islahatlar,
eləcə də iqtisadi islahatlar dövrünün başlanğıcıdır.
7 fevral seçkilərindən
sonra yeni və növbəti uğurlu başlanğıclar
dönəminə qədəm
qoyacağıq ki, bu da Azərbaycanımızın
sabit və dayanıqlı inkişafını
təmin edəcək".
Müsahibimiz onu
da qeyd edib
ki, qanunvericilik bazasının təkmilləşdirilməsində,
hüquqi mexanizmlərin
formalaşmasında beynəlxalq
təcrübəyə istinad
olunması mütləqdir.
Onun sözlərinə
görə, Azərbaycan
da dünyanın ayrılmaz tərkib hissəsi olduğuna görə qanunvericilik bazasının təkmilləşdirilməsi,
yeni qanun layihələrinin qəbulu
zamanı beynəlxalq
protokollardan və standartlardan istifadə labüddür: "Rəqabət
Məcəlləsinin hazırlanması
zamanı Avropa İttifaqı, Çexiya,
qardaş Türkiyə və
digər ölkələrin
təcrübələrindən istifadə edilib. Təbii ki, yekunda yerli bazarın
xüsusiyyətləri nəzərə
alınaraq qəbul edilib və çox mütərəqqi
qanundur. Onu da qeyd edim
ki, dünyanın inkişaf etmiş ölkələrində Rəqabət
Məcəlləsi ən
vacib qanunlardan biridir və Azərbaycanda da bu, belə olacaq".
Vüqar Orucun dediyinə görə, məcəllənin qəbulu
özəl sektor tərəfindən süni
qiymət artımlarının
qarşısını almaqla
yanaşı, iqtisadi fəaliyyətin ədalətli
üsullarla aparılmasına
hüquqi zəmin yaradacaq. Yeni məcəllə, eyni zamanda istehlakçıların
hüquqlarının müdafiəsini,
məhsul və xidmətlərin keyfiyyətinin
daha da artırılmasını
hədəfləyir. Burada
məqsəd iqtisadiyyatda
rəqabətin müdafiə
edilməsi və daha da gücləndirilməsidir.
Buna görə Rəqabət Məcəlləsi
iqtisadiyyatın sağlamlaşdırılması
və şəffaflaşdırılması
baxımından önəmli
qanunlardan biridir.
2024-cü il ölkəmizin
iqtisadi həyatında
əlamətdar il olacaq
Vüqar Oruc
2024-cü ilin ölkəmizin
iqtisadi həyatında
əlamətdar il olacağını vurğulayaraq
söyləyib ki, bu il işğaldan
azad edilən torpaqlarımızda bərpa
işləri sürətlənəcək:
"Məcburi köçkünlərin
doğma yurdlarına qayıdışı prosesi
genişlənəcək. İl ərzində Azərbaycanda
inflyasiyanın səviyyəsinin
azalacağı gözlənilir.
Azərbaycan hökumətinin
antiinflyasiya tədbirlərini
gücləndirməsi nəticə
etibarilə ölkəmizi
birrəqəmli inflyasiya
hədəfinə yaxınlaşdırır.
Eyni zamanda beynəlxalq münasibələr
sistemində baş verən hadisələr, qlobal faktorlar fonunda, regionda və dünya bazarında inflyasiya səviyyəsinin azalması
müşayiət olunmaqdadır
ki, bu da
Azərbaycanda idxal inflyasiyasını səngidir.
Ölkəmizdə 10 faizlik
inflyasiyanın təxminən
3 faizi yerli istehsaldan və daxili tələbdən formalaşır. Bu isə o deməkdir ki, 10 ayda qeydə
alınmış 11 faizə
yaxın ərzaq inflyasiyasının tərkibində
idxal inflyasiyasının
payı 70-75 faiz təşkil edir. Bunun da əsas
səbəbi ərzaq
mallarının xaricdən
idxalının çox
olması ilə yanaşı, həm də yerli qida
istehsalında tələb
olunan xammal komponentlərinin idxalının
çox olması ilə bağlıdır".
Müsahibimiz bildirib
ki, inflyasiya səviyyəsinin azalması
və Rəqabət Məcəlləsinin qəbulu
əhalinin gəlirlilik
səviyyəsini yüksəldəcək.
"Azərbaycan Respublikasının
2022-2026-cı illərdə sosial-iqtisadi inkişaf Strategiyası", Rəqabət
Məcəlləsinin qəbulu
və qeyd etdiyim məqamlar
2024-cü ilin iqtisadi mənzərəsi ilə
bağlı nikbin proqnozlar verməyə zəruri əsaslar yaradır.
Vüqar Oruc
"Qiymətləndirmə fəaliyyəti haqqında"
qanun layihəsi barədə də fikirlərini bildirib. Xatırladıb ki, ötən il "Qiymətləndirmə fəaliyyəti
haqqında" qanun layihəsi Milli Məclisin plenar iclasında qəbul edildi. Bu qanun
layihəsinin müzakirəsində
Azərbaycan Qiymətləndiricilər
Cəmiyyəti də
yaxından iştirak edirdi: "Qanun layihəsində bir çox mütərəqqi
məqamlar yer alıb ki, onlardan
da biri Azərbaycan
Qiymətləndiricilər Palatasının
formalaşması ilə
bağlıdır. Palata
qiymətləndiricilərin özünütənzmiləmə mexanizmlərinin formalaşmasını,
qiymətləndirmə fəaliyyəti
üçün lisenziyalaşmanı
təşkil edəcək.
AQC olaraq bu prosesdə də yaxından iştirak etmək niyyətindəyik
və İqtisadiyyat Nazirliyi ilə intensiv müzakirələrimiz
davam edir. Şübhəsiz ki,
2024-cü il ölkə
qiymətləndiriciləri üçün də əlamətdar il olacaq".
Vüqar Oruc yekunda deyib ki,
AQC dövlət qurumları,
beynəlxalq təşkilatlar,
vətəndaş cəmiyyəti
insitutları, kütləvi
informasiya vasitələri
ilə sıx təmaslarını davam etdirir: "Yola saldığımız ildə
bu qəbildən olan bir çox
təşkilatlarla əməkdaşlıq
müqavilələri imzalamışıq.
Ötən ilin iyun ayında Qazaxıstanın Türküstan
şəhərində təsis
olunan, 5 türk dövlətinin daimi, 2 türk dövlətinin isə assosiativ qaydada üzvü olduğu Türk Dövlətləri Qiymətləndiricilər
Birliyinin may ayında Bakıda növbəti Zirvə görüşü keçiriləcək.
İqtisadiyat Nazirliyi və digər aidiyyəti qurumlarla birgə tədbirə yüksək səviyyədə
hazırlaşırıq. Bu
tədbirin daha bir özəlliyi isə Türk Dövlətləri Qiymətləndiricilər
Birliyinin prezidentliyinin
AQC sədri olaraq mənim şəxsimdə
Qazaxıstandan Azərbaycana,
vitse-prezidentliyinin isə
Türkiyə Dəyərləmə
Uzmanları Birliyinin sədri Yaşar Bahçecinin timsalında
Azərbaycandan Türkiyəyə
keçməsidir. Zirvə
görüşündə türk dövlətləri
qiymətləndiriciləri arasında vahid məlumat bazasının yaradılması, birgə
tədris və sertifikasiya imtahanlarının
təşkili və digər istiqamətlərdə
mühüm razılaşmaların
əldə olunması
gözlənilir".
Nəzrin QAFARZADƏ,
Azərbaycan.-2024.-
30 yanvar, № 19.- S.8.