AŞPA Fransa
və Almaniyanın əlində oyuncağa çevrilib
Otuz il Azərbaycanın iyirmi faiz ərazisi Ermənistan silahlı qüvvələrinin işğalı
altında qaldı. Bütün dünya bunu gördü... O əraziləri işğalçı
Ermənistanın qansız-qadasız
ələ keçirmədiyi
də hər kəsin bildiyi faktlar idi.
Təcavüzkar ermənilər
Azərbaycanın Qarabağ
və Şərqi Zəngəzur torpaqlarında
1980-cı illərin sonlarından
qanlı cinayətlər,
dəhşətli faciələr
törətməyə başlamışdılar.
Dinc, günahsız soydaşlarımız Ermənistanın
işğalçılıq siyasətinin qurbanı olmuşdular. O vaxt cinayətləri cəzasız
qalan erməni vandalları daha da azğınlaşmış,
Qarabağ və Şərqi Zəngəzur
ərazilərində yaratdıqları
münaqişə ocağını
alovlandırmışdılar. Birinci Qarabağ müharibəsinə başlayıb
torpaqlarımızı zəbt
etmişdilər. Minlərlə
azərbaycanlıya işgəncələr
verərək qətlə
yetirmiş, ya da ömürlük şikəst etmişdilər.
Bir milyon soydaşımız isə
canını xilas etmək üçün doğma yurdundan, isti ocağından qaçmaq məcburiyyətində
qalmışdı.
O zamanlar Qarabağ
və Şərqi Zəngəzurda azərbaycanlıların
ərşə qalxan nalələrini, fəryadlarını,
söndürülən ocaqlarını,
talan edilən, yandırılan evlərini,
dağıdılan, xarabalığa
çevrilən yurdlarını
dünyanın aparıcı
dövlətləri, insan
hüquqlarının, demokratiyanın
və qanunun aliliyinin müdafiəsi ilə məşğul olmaq məqsədilə yaradılmış Avropa Şurası Parlament Assambleyası (AŞPA) kimi
böyük təşkilat
görmüşdü. Ancaq
haqqı müdafiə
etməmişdilər.
Ermənistan silahlı
qüvvələri otuz
il Azərbaycanın ərazilərində sadəcə,
qalmadı. Torpaqlarımızda
gündən-günə, ildən-ilə
möhkəmləndirdiyi mövqelərindən
dinc əhalini daim hədəfə aldı. 1994-cü ilin mayında imzalanan atəşkəs haqqında
sazişə məhəl
qoymayan işğalçı
ölkənin silahlı
qüvvələri Azərbaycan
Ordusunun bölmələrini,
azərbaycanlıların yaşayış
yerlərini intensiv olaraq avtomatlardan, iriçaplı pulemyotlardan
atəşə tutdu.
Əsgər və zabitlərimiz, dinc sakinlərimiz şəhid
oldular. Demokratiyadan, haqdan, ədalətdən dəm vuran ermənipərəst Avropa
ölkələri, onların
başında dayandıqları
AŞPA kimi beynəlxalq
təşkilatlar bu cinayətlərinə görə
rəsmi İrəvanı
sorğu-sual belə etmədilər. İşğalçı,
təcavüzkar Ermənistana
heç gözün üstə qaşın var deyən də olmadı.
Əksinə, ermənipərəst,
islamofob qüvvələr
bir sıra dünyanın aparıcı
dövlətlərinin gücündən,
eləcə də Avropa Şurası Parlament Assambleyasından daim Azərbaycana qarşı təzyiq vasitəsi kimi istifadə etdilər. Əslində, bir quruma üzv olan iki ölkədən
birinin digərinin ərazisini işğal etməsi faktına görə ən azından işğalçının
səs hüququ əlindən alına bilərdi. Ancaq AŞPA uzun illər Ermənistanın Azərbaycana
qarşı təcavüzü
və ərazilərin
işğalı faktına
qarşı ara-sıra
heç bir hüquqi çəkisi olmayan bəyanatlar və qərarlar verməkdən başqa heç bir tədbir görmədi.
Otuz il dünya birliyinin susduğu ədalətsizliyə
Azərbaycan dövləti
öz gücü ilə son qoydu.
2020-ci ilin payızında
Ermənistan silahlı
qüvvələrinin başladığı
İkinci Qarabağ müharibəsində Azərbaycan
Ordusu qələbə
çaldı. Əsgər
və zabitlərimiz tarixi ərazilərimizi işğalçılardan azad
etdilər. Ötən
ilin sentyabrında Azərbaycan Ordusunun həyata keçirdiyi lokal xarakterli antiterror əməliyyatı
nəticəsində Ermənistan
silahlı qüvvələrinin
hələ də Qarabağı tərk etməmiş tör-töküntüləri
və separatçılar
məğlubiyyətə uğradılar.
Azərbaycan suverenliyini
tam bərpa etdi.
Bunlar Azərbaycan
xalqının XX əsrin
sonlarından başlayaraq
yaşamalı olduğu
çox çətin,
faciələrlə dolu,
ancaq sonunda haqqın qalibiyyəti, Zəfərlə tamamlanmış
tarixinin qısa xülasəsidir. Fransa başda olmaqla ermənisevdalı Qərb
ölkələri, Avropa
Şurası Parlament Assambleyası kimi qurumlar Azərbaycan xalqının başına
qəsbkar ermənilər
bu qədər fəlakətlər gətirəndə,
soyqırımları törədəndə
səslərini çıxarmadılar.
Ancaq elə ki, gördülər işğalçılıq mövqeyindən
əl çəkməyən
Ermənistan silahlı
qüvvələrinin qarşısına
Azərbaycan güclü
ordusu ilə çıxır, qəsbkarlar
məğlub olurlar, o
zaman narahatlıqlarını
büruzə verdilər.
Hələ o vaxt - İkinci Qarabağ müharibəsi davam etdiyi günlərdə təlaşa düşən
Fransa prezidenti Emmanuel Makron Azərbaycanın əleyhinə
əsassız ittihamlar
irəli sürməyə
başladı. BMT-nin Təhlükəsizlik Şurasının
müzakirəsinə çıxardığı
saxta məlumatlarla həmin nüfuzlu beynəlxalq təşkilatın
imkanlarından istifadə
edib ölkəmizə
təzyiq göstərməyə
çalışdı. Amma
bunu bacarmadı.
Bütün haqsızlıqlara,
ikili standartlara rəğmən Azərbaycan
ədaləti, beynəlxalq
hüququn normalarını
bərpa edərək
suverenliyinə tam nail olduqdan sonra
Ermənistanla sülh
razılaşmasının imzalanması real göründüyü bir
vaxtda bəzi Qərb ölkələrinin
və beynəlxalq təşkilatların əsl
siması daha da aydın göründü.
Avropa Şurası
Parlament Assambleyasının
2023-cü il oktyabrın
23-də qəbul etdiyi
"Dağlıq Qarabağda
humanitar vəziyyət"
adlı qətnamənin
23-cü bəndində Azərbaycan
açıq-aşkar təhdid
edildi. Təşkilat
19 sentyabrda baş tutan lokal xarakterli
antiterror əməliyyatlarını
hərbi əməliyyatlar
kimi qiymətləndirərək,
"Dağlıq Qarabağın
erməni əhalisinin
humanitar vəziyyəti"ndən
ciddi narahatçılıq
ifadə etdi və Azərbaycan nümayəndə heyətinin
etimadnaməsini 2024-cü ilin
ilk iclasında tanımamaqla hədələdi.
Bu il yanvarın 22-də, Avropa Şurası Parlament Assambleyasının (AŞPA) qış
yarımsessiyasının açılış
günündə AŞPA-da
ölkəmizin nümayəndə
heyətinin etimadnamələri
təsdiq edilmədi. Deputatların etimadnamələrinin
substantiv əsaslarla mübahisələndirilməsi ilə bağlı təşəbbüsü Sosialistlər
siyasi qrupunun rəhbəri Frank Şvabe
irəli sürdü.
O, çıxışında "100 mindən artıq Qarabağ ermənilərinin
zorakılıqla qovulması
və AŞPA məruzəçilərinin
Laçın yoluna buraxılmamasını Azərbaycanın
təşkilatla əməkdaşlıqdan
yayınması kimi qiymətləndirdi". Təşəbbüs
təsdiqləndi. Çünki
plan əvvəlcədən
qurulmuşdu. Almaniyalı
deputat Frank Şvabenin
yalan, böhtan dolu, qərəzli çıxışı da,
irəli sürdüyü
təşəbbüs də
oyunun bir hissəsi idi. Sadəcə, sosialistlər
qabağa verildi. Məsələnin arxasında
AŞPA rəhbərliyinin özünün
durduğu faktdır.
Özü kimi
işğalçı olan
Ermənistanın məğlubiyyətinin
qarşısını almaqda
aciz qalan Fransa Avropa Şurası
Parlament Assambleyasından
Azərbaycana qarşı
istifadə etməyə,
ölkəmizə təzyiq
göstərməyə çalışır.
Təəssüf ki, bu qurum Fransanın
və Almaniyanın əlində oyuncağa çevrilib. Amma bütün bunlara baxmayaraq, heç nəyə nail ola bilməyəcək.
Dünyada nüfuzu
gündən-günə artan
Azərbaycan isə öz yolu ilə
irəliləyir. Regionda,
eləcə də dünyada sülhün bərqərar olmasına səy göstərir.
Zöhrə
FƏRƏCOVA,
Azərbaycan.-2024.-
28 yanvar, № 18.- S.3.