Azərbaycan Prezidenti İlham Əliyev OPEK-in Beynəlxalq İnkişaf üçün Fondunun baş direktoru Süleyman əl-Herbişin başçılıq etdiyi nümayəndə heyətini qəbul etmişdir

Azərbaycan Respublikasının Prezidenti İlham Əliyev aprelin 2-də Neft İxrac Edən Ölkələr Təşkilatının (OPEK) Beynəlxalq İnkişaf üçün Fondunun baş direktoru Süleyman əl-Herbişin başçılıq etdiyi nümayəndə heyətini qəbul etmişdir.

Süleyman əl-Herbiş Bakıda keçirdiyi görüşlərdən danışdı. O, Azərbaycan xalqının ümummilli lideri Heydər Əliyevin xatirəsini böyük ehtiramla yad etdiklərini bildirdi.

Prezident İlham Əliyev OPEK-in Beynəlxalq İnkişaf üçün Fondu ilə Azərbaycanın müvafiq strukturları arasında əlaqələrin uğurla davam edəcəyinə əminliyini söylədi.

AzərTAc

Azərbaycan.-2009.-3 aprel.-S.2.