YAP rayon təşkilatları qadınlar
şurasının konfransı
keçirilmişdir
Yasamal
Yeni Azərbaycan Partiyası
(YAP) Yasamal rayon təşkilatı
qadınlar şurasının
konfransı keçirilmişdir.
Konfransın iştirakçıları əvvəlcə
Fəxri xiyabana gələrək ümummilli
lider Heydər Əliyevin xatirəsini ehtiramla yad etmişlər.
Görkəmli oftalmoloq alim, akademik Zərifə xanım Əliyevanın məzarı üstünə
də gül düzülmüşdür.
Azərbaycan Dövlət
Pedaqoji Kollecində keçirilən tədbirdə
YAP Yasamal rayon təşkilatı
qadınlar şurasının
sədri Nurlana Əliyeva ötən konfransdan keçən dövrü təhlil etmiş, ölkəmizdə
uğurlu dövlət
qadın siyasətindən,
qadınların daim diqqət və qayğı ilə əhatə olunmasından
danışmışdır. Heydər Əliyev Fondunun prezidenti, YUNESKO-nun və İSESKO-nun xoşməramlı
səfiri, Milli Məclisin deputatı Mehriban xanım Əliyevanın Azərbaycan
qadınlarına örnək
ola biləcək
xidmətləri diqqətə
çatdırılmışdır.
Milli Məclisin deputatları Rəbiyyət Aslanova və Gülər Əhmədova və başqaları qadınların
cəmiyyətdəki fəal
mövqeyini, onların
hüquqi, demokratik dövlət quruculuğu və ictimai-siyasi proseslərdəki iştirakını
xüsusi vurğulayaraq
öz imkanlarından daha qətiyyətlə istifadə etməyə çağırmışlar.
YAP Yasamal rayon təşkilatının
sədri Fikrət İsmayılov qadınlar
şurasının ötən
dövrdəki fəaliyyətini
yüksək qiymətləndirmişdir.
Konfransda qarşıda duran vəzifələr müzakirə
olunmuş, YAP Qadınlar
Şurasının respublika
konfransına nümayəndələr
seçilmişdir.
* * *
Ağdam
Ağdam rayonu Quzanlı qəsəbəsində Yeni
Azərbaycan Partiyası
(YAP) Ağdam rayon təşkilatı
qadınlar şurasının
II konfransı keçirilmişdir. Tədbir iştirakçıları
əvvəlcə ümummilli
lider Heydər Əliyevin qəsəbənin
mərkəzindəki abidəsi
önünə çiçək
dəstələri düzmüş,
ulu öndərin xatirəsini ehtiramla yad etmişlər.
Hesabat məruzəsi
ilə çıxış
edən YAP Ağdam
rayon təşkilatı qadınlar
şurasının sədri
Cəmilə Qasımova
qurumun ötən konfransdan keçən dövr ərzindəki fəaliyyətindən danışmış,
ümummilli lider Heydər Əliyevin uğurlu siyasətinin bu gün Prezident
İlham Əliyev tərəfindən layiqincə
davam etdirildiyini faktlarla diqqətə çatdırmışdır.
YAP Ağdam
rayon təşkilatının 3 min 941 üzvündən 1486 nəfərinin
qadın olduğunu vurğulayan məruzəçi
bildirmişdir ki, qadınlar rayonun ictimai-siyasi həyatında
yaxından iştirak edirlər.
Tədbirdə rayon icra hakimiyyətinin başçısı Həsən
Sarıyev və digərləri dövlət
qadın siyasətindən,
qadınların rayonun
ictimai-siyasi, təhsil,
səhiyyə, mədəniyyət
sahələrindəki fəaliyyətindən
danışmışlar.
Konfransda YAP Ağdam rayon təşkilatı
qadınlar şurasının
sədri və 11 nəfərdən ibarət
idarə heyəti, həmçinin YAP Qadınlar
Şurasının respublika
konfransına nümayəndə
seçilmişdir.
AzərTAc
Azərbaycan.-2009.-11 aprel.-S.5.