Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

İcazə verin, mənim əməyimi yüksək qiymətləndirdiyinizə görə Sizə təşəkkürümü bildirim. Əlbəttə, yazıçı, ilk növbədə, öz oxucuları üçün yazır, lakin onun öz vətənində qəbul edilməsi də zəruridir. Bu, öz ölkəsinə, öz xalqına xidmət etməsi üçün ona güc və inam verir. Mən, ilk növbədə, Azərbaycan yazıçısıyam və doğma Azərbaycanın uğurları ilə fəxr edirəm.

Eyni zamanda, mən vətənimizin tərəqqisi naminə əlimdən gələni etməyə hazıram və bu sahədə qüvvəmi, təcrübəmi və biliyimi əsirgəməyəcəyəm.

Hörmət və minnətdarlıq hissi ilə,

Çingiz Abdullayev,

Azərbaycanın xalq yazıçısı

Azərbaycan.-2009.-16 aprel.-S.2.