Bərdədə yeni avtovağzal istifadəyə verilib

Ölkəmizin bütün bölgələrində olduğu kimi, Bərdə rayonunda da sosial-iqtisadi inkişafın yeni mərhələsi diqqətçəkən uğurlarla müşayiət olunur.

Bu günlərdə rayonun sosial həyatında əlamətdar hadisə baş vermişdir. Müasir tələblər səviyyəsində inşa olunmuş yeni avtovağzal istifadəyə verilmişdir. Bununla bağlı keçirilən mərasimdə Bərdə Rayon İcra Hakimiyyətinin başçısı İlham Ağayev çıxış edərək son illər Azərbaycanın sosial-iqtisadi inkişafından danışmışdır. Natiq qeyd etmişdir ki, ölkədə yol-nəqliyyat infrastrukturu sürətlə yaxşılaşdırılır və bu prosesdən Bərdə rayonu da kənarda qalmır. İstifadəyə verilən yeni avtovağzal da bunun nəticəsidir.

Yeni avtovağzal binasında sərnişinlər və sürücülər üçün hər cür şərait yaradılmışdır. Hər biri 200 nəfərlik 2 gözləmə zalı, ana və uşaq, tibb, namaz otaqları, iaşə, ticarət və məişət xidməti obyektləri sərnişinlərə nümunəvi xidmət göstərməyə imkan verir.

Lazım QULİYEV

Azərbaycan.- 2009.- 9 avqust.- S. 2.