Naxçıvan xanlığının tarixindən bəhs edən qiymətli kitab

Naxçıvan Muxtar Respublikasının 85 illiyinə həsr olunmuş "Naxçıvan xanlığı" kitabı dəyərli tarixi mənbədir.

Naxçıvan Muxtar Respublikası Ali Məclisinin sədri Vasif Talıbovun sifarişi və məsləhəti ilə yazılaraq nəfis şəkildə çapdan çıxmış kitabın elmi redaktoru akademik İsa Həbibbəylidir.

Rusiyanın Sankt-Peterburq və Moskva şəhərlərindəki arxivlərdə saxlanılan sənədlərə istinad olunaraq yazılan kitabda II Kalbalı xan və Hüseyn xan Naxçıvanskilərin, eləcə də Mənsur ağa və Əşrəf bəy Kəngərlilərin həyat və fəaliyyətlərindən, döyüş yollarından bəhs olunur.

Azərbaycanın tarixində mühüm yer tutan Naxçıvan xanlığının tarixini əks etdirən kitabda xanlığın siyasəti, Rusiya-İran münasibətləri nəticəsində ərazinin işğalı və digər məsələlər geniş tədqiq edilir.

Kitabda tarixi xəritələr, Naxçıvan xanlarının özlərinin və ailə üzvlərinin əks olunduğu nadir fotolar da dərc edilmişdir.

"Naxçıvan xanlığı" kitabı Naxçıvan tarixi ilə maraqlananlar və geniş oxucu kütləsi üçün nəzərdə tutulmuşdur

Azərbaycan.- 2009.- 13 avqust.- S. 8.